logo

порлумон

 ИНТИХОБОТ. АЗ ЭЪЛОНИ НАТИҶАҲОИ ПЕШАКӢ ТО БАҲОИ МУШОҲИДОНИ БАЙНАЛМИЛАЛӢ


Комиссияи марказии интихобот ва раъйпурсӣ (КМИР) нимаи дуюми рӯзи 2 март натиҷаҳои пешакии интихоботи вакилон ба Маҷлиси намояндагони Маҷлиси Олии Ҷумҳурии Тоҷикистонро эълон кард.
Бахтиёр Худоёрзода, раиси КМИР, бо баргузории брифинг дар ҳузури намояндагони ҳизбҳои сиёсӣ, мушоҳидони байналмилалӣ, коршиносон ва доираи васеи хабарнигорон изҳор дошт, ки интихобот дар фазои озоду ошкоро ва бо риояи меъёрҳои демократӣ баргузор гардид. Дар ҳамин ҳол, иттиллоъ дода шуд, ки дар ҳавзаи ягонаи умумиҷумҳуриявии интихоботӣ тибқи рӯйхати ҳизбҳои сиёсӣ ба тарафдории Ҳизби аграрии Тоҷикистон 700 ҳазору 582 нафар (16,50 дарсад), Ҳизби демократии Тоҷикистон 216 ҳазору 526 нафар (5,10 дарсад), Ҳизби ислоҳоти иқтисодии Тоҷикистон 705 ҳазору 252 нафар (16,61 дарсад), Ҳизби коммунистии Тоҷикистон 132 ҳазору 49 нафар (3,11 дарсад), Ҳизби сотсиалистии Тоҷикистон 218 ҳазору 696 нафар (5,15 дарсад), Ҳизби сотсиал - демократии Тоҷикистон 13 ҳазору 735 нафар (0,32 дарсад) ва ба тарафдории Ҳизби Халқии Демократии Тоҷикистон 2 139 741 нафар (50,40 дарсад) овоз додаанд. Зимнан, шумораи овози интихобкунандагоне, ки ба муқобили рӯйхати ҳамаи ҳизбҳои сиёсӣ дода шуд, 52 ҳазору 30 нафар ё 1,39 дарсадро ташкил медиҳад.
Бахтиёр Худоёрзода изҳор дошт, ки тибқи муқаррароти қонунгузорӣ дар бораи интихоботи Маҷлиси Олии Ҷумҳурии Тоҷикистон ҳизбҳои сиёсие, ки ба тарафдории онҳо интихобкунандагони дар интихобот иштироккарда 5 дарсад ва зиёда аз он овоз додаанд, миқдори муайяни мандати вакилиро ба даст оварданд. Аз ҷумла, бар асоси ин муқаррарот Ҳизби аграрӣ бо 16,50 дарсад 4 мандати вакилӣ, Ҳизби демократӣ - 5,10 дарсад 1 мандати вакилӣ, Ҳизби ислоҳоти иқтисодӣ - 16, 61 дарсад 4 мандати вакилӣ, Ҳизби сотсиалистӣ - 5,15 дарсад  1 мандати вакилӣ ва Ҳизби Халқии Демократии Тоҷикистон - 50,40 дарсади раъйи мардум 12 мандати вакилиро соҳиб шуданд.
Дар брифинг, ҳамчунин, исми номзадҳое, ки аз 41 ҳавзаи якмандатии интихоботӣ бо касби беш аз 50 дарсади овозҳо баранда шуданд, эълон гардид, ки дар матбуот нашр хоҳад шуд.
Раиси Комиссияи марказии интихобот ва раъйпурсии Ҷумҳурии Тоҷикистон бо эълони натиҷаҳои интихобот ва раванди баргузории ин маъракаи муҳими сиёсӣ изҳор дошт, ки интихобот ошкорову шаффоф, ба таври озод ва дар асоси алтернативӣ доир шуда,  дар он  аксари интихобкунандагон бо дарки масъулияти баланди шаҳрвандӣ ширкат варзиданд.
Ёдовар мешавем, ки интихоботи даъвати нави вакилон ба Маҷлиси намояндагони Маҷлиси Олӣ ва маҷлисҳои маҳаллии вакилони халқ зери назари 236 мушоҳиди байналмилалӣ ва 4910 мушоҳиди миллӣ баргузор гардида, Миссияи мушоҳидони байналмилалӣ ба ҷараёни омодагӣ ва баргузории ин маъракаи муҳими сиёсӣ баҳои баланд доданд. Аз ҷумла, Миссияи мушоҳидони Созмони ҳамкории Шанхай, ки таҳти роҳбарии Нурлан Аккошкаров аз 27 феврал то анҷоми интихобот дар Тоҷикистон қарор дошт, дар изҳороте интихоботи баргузоршударо шаффоф, боэътимод ва демократӣ эътироф намуда, онро боз як қадами муҳим дар роҳи рушди минбаъдаи равандҳои демократӣ арзёбӣ кард.
Зимнан, Сергей Лебедев, роҳбари Миссияи мушоҳидони байналмилалӣ аз Иттиҳоди Давлатҳои Мустақил низ, ба ҷараёни баргузории интихобот баҳои мусбат дод. Ӯ дар нишасти матбуотие афзуд, ки лаҳзаи асосие, ки мушоҳидони байналмилалӣ аз ИДМ ба он таваҷҷуҳ зоҳир карданд, вижагиҳои ташкилии маъракаи интихобот ва ҷараёни овоздиҳӣ буд. - Интихобот ба таври шоиста, дар фазои озоду шаффоф, риояи меъёрҳои қонунгузорӣ ва уҳдадориҳои байналмилалии Тоҷикистон гузашт, - таъкид кард Сергей Лебедев.
Тибқи иттилои КМИР, дар маҷмӯъ, 4 миллиону 245 ҳазору 951 нафар интихобкунанда дар ин маъракаи муҳими сиёсӣ иштирок намуд, ки ин 86,4 дарсади шумораи умумии интихобкунандагонро ташкил медиҳад.
Фирӯзи РАҲМОНИЁН, «Ҷумҳурият»


Баёни ақида (0)    Санаи нашр: 3.03.2020    №: 46    Мутолиа карданд: 3475
11.06.2021


СУҒД. НАПАРДОХТАНИ ҲАҚҚИ ИСТИФОДАИ ОБ МУШКИЛИ ҲАЛТАЛАБ БОҚӢ МЕМОНАД

08.06.2021


ҲИСОР. Муовини Сарвазир аз иншооти ҷашнӣ дидан кард

КИТОБХОНАҲОИ ХУРДИ САЙЁР ТАҶРИБАИ НАВ ДАР РОҲИ ДОНИШАНДӮЗӢ

САЙЁҲӢ. БАРРАСИИ МАСОИЛИ РУШД МИЁНИ ҶУМҲУРИҲОИ ТОҶИКИСТОН ВА ӮЗБЕКИСТОН

ИҶТИМОИЁТ. НИЁЗМАНДОН ҲАМЕША МАВРИДИ ТАВАҶҶУҲАНД

ТОҶИКИСТОН ВА ӮЗБЕКИСТОН. УФУҚҲОИ НАВИ ҲАМКОРӢ

МАРАФОНИ ВЕЛОСИПЕДРОНӢ БАРГУЗОР МЕШАВАД

«ҶУМҲУРИЯТ» ДАР КОБУЛ. СИПОСИ ЛАШКАРӢ БА РӮЗНОМАИ № 1- И ТОҶИКИСТОН

04.06.2021


ФУТЗАЛ

Путин бори дигар шаҳрвандонро ба эмгузаронӣ даъват намуд

Ҷаҳон дар як сатр

10 ДОВТАЛАБИ БЕҲТАРИН

03.06.2021


ВКХ Чин: «Муносиботи Чин бо Россия дар сатҳи олӣ қарор дорад»

КИТОБИ КОРМАНДИ «ҶУМҲУРИЯТ» БА ЗАБОНИ ӮЗБЕКӢ НАШР ШУД

МИНТАҚАИ КӮЛОБ. ГУРӮҲИ ТАБЛИҒОТӢ НАЗДИКИ 50 ВОХӮРӢ АНҶОМ ДОД

02.06.2021


Лавров: «Россия ба иқдомҳои муғризонаи ИА аксуламал нишон медиҳад»

ҶАҲОН ДАР ЯК САТР

ДАНҒАРА. ҲАДАФ: ҲИФЗИ ҲУҚУҚИ КӮДАКОН

26.05.2021


ЁДБУДИ НАФАСБЕК РАҲМОНӢ

28 май Путин бо Лукашенко вомехӯрад

Ҷаҳон дар як сатр

БОКС

ШУНАВАНДАГОНИ КУРСИ “ЗАН - САРВАР” - И ВМКБ СОҲИБИ ШАҲОДАТНОМА ГАРДИДАНД

25.05.2021


Р А Ш Т. ЁРӢ БА ЗАРАРДИДАГОНИ ВИЛОЯТИ ХАТЛОН

21.05.2021


"ШАБЕ ДАР ОСОРХОНА"-И МИЛЛИИ ТОҶИКИСТОН

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

19.05.2021


ВОХӮРИИ СИРОҶИДДИН МУҲРИДДИН БО ВЛАДИМИР МАКЕЙ

ДАСТРАСӢ БА ИТТИЛООТИ СУДӢ. ҚАБУЛИ ЛОИҲАИ ҚОНУНЕ, КИ МАҚОМОТИ СУДИРО БА ВАО НАЗДИК МЕСОЗАД

ИЗҲОРОТИ ПРЕЗИДЕНТИ РОССИЯ ВЛАДИМИР ПУТИН

ҶАҲОН ДАР ЯК САТР

ФУТБОЛ. ҲАЙАТИ ТИМИ МИЛЛӢ МУАЙЯН ШУД

18.05.2021


ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД БАРГУЗОР МЕШАВАД

ХОВАЛИНГ. ИШТИРОКИ 780 ПАҲЛАВОН ДАР ГӮШТИИ ҶУМҲУРИЯВӢ

ВАРЗИШИ САБУК

ӮЗБЕКИСТОН 10 ИФРОТГАРОРО МЕҶӮЯД


Дар сомонаҳои дигари Тоҷикистон хонед