logo

иқтисод

ДЕВАШТИЧ. КАНАЛИ «ДАҲКАТСОЙ – ДАҲАНАСОЙ» КАЙ СОХТА МЕШАВАД?

Дар доираи барномаи рушди иҷтимоиву иқтисодии ноҳияи Деваштич барои солҳои 2016 - 2020 бунёди беш аз 200 иншоот, аз ҷумла лоиҳаи барои соҳаи кишоварзии ноҳия муҳим - шабакаи обрасонии «Даҳкатсой - Даҳанасой» бо харҷи 64 миллион сомонӣ, тарҳрезӣ шудааст. Вале сохтмони ин канали обрасонӣ суст ҷараён дошта, то имрӯз ҳамагӣ ба маблағи наздики 10 миллион сомонӣ корҳо иҷро гардидаанд. Масъалаи беҳбудӣ бахшидан ба бунёди хати обгузар соли сипаришуда аз ҷониби Сарвари давлат муҳтарам Эмомалӣ Раҳмон зимни мулоқот бо сокинони ин диёр махсус таъкид гардида, аз мақомоти иҷроияи ҳокимияти давлатии вилояти Суғд ва ноҳия даъват ба амал оварда шуд, ки ҷиҳати вусъати корҳо дар ин самт тадбирҳои зарурӣ андешанд.
Бино ба маълумоти Насриддин Комилзода, муовини раиси ноҳия, барои сохтмони шабакаи обтаъминкунии «Даҳкатсой - Даҳанасой» дар ноҳия аз тарафи ҶДММ «Нурафзо» ва ҶДММ «Архстрой» корҳои кофтани ҳавзи обҷамъкунӣ ва насби 13 лӯлаи обгузари қутрашон 2000 миллиметр ба дарозии 143 метр анҷом ёфт, ба масофаи 3 километр лӯлаи оҳанин хобонда шуда, дар маҷмӯъ, маблағи умумии корҳои иҷрогардида 8 миллиону 415 ҳазору 88 сомониро ташкил намуд.
Лоиҳаи иншооти мазкур ҳанӯз дар замони Иттиҳоди Шӯравӣ омода гардида, барои сохтмони он кӯшишҳои зиёд шуда бошад ҳам, мутаассифона, то ҳол сохтмони он ба таъхир афтодааст. Ба андешаи мутахассисон, сабаби асосӣ норасоии маблағ мебошад. Таҳлилҳо нишон медиҳанд, ки хароҷоти барои ин сохтмон равонагардида дар муддати кӯтоҳ ҷуброн хоҳад шуд.  
Алҳол дар мавсими киштукор дастрасии кишоварзон ба оби полизӣ дар мадди аввал аст. Ҳарчанд баҳори имсол сербориш омад, таъмин намудани эҳтиёҷоти кишоварзони ноҳия, бахусус минтақаи поёнии ноҳия - Ғазантарак, қисман ҷамоатҳои деҳоти Муҷуну Яхтан ва шаҳраки Ғончӣ, ҳанӯз ҳалталаб боқӣ мемонад.
Мувофиқи маълумоти расмӣ, дар ноҳия аз ҷониби идораи беҳдошти замин ва обёрӣ - “Чашмасор” ба хоҷагиҳои деҳқонӣ дар семоҳаи аввал 628 ҳазор метри мукааб об дода шудааст, ки аз нақша кам мебошад.
Раҷаббой Аҳмадзода, раиси вилояти Суғд ва Сулаймон Зиёзода, раиси ноҳия, зимни шиносоӣ аз рафти кишти картошка 26 майи соли ҷорӣ ба масъалаҳои самаранок истифода бурдани замин, рӯёндани ҳосили фаровон ва таъмини кишоварзон бо об таваҷҷуҳ зоҳир намуданд. Вобаста ба бунёди шабакаи обрасонии “Даҳкатсой – Даҳанасой” гуфта шуд, ки корҳои сохтмонӣ аз тирамоҳи ҳамин сол идома меёбанд.
Тавре Камол Юсуфов, сардори раёсати кишоварзии ноҳия, иброз дошт, манбаи асосии таъминоти оби заминҳои кишоварзии ноҳия маҳз обанбори “Даҳкатсой – Даҳанасой” буда, дар сурати амалӣ гардидани лоиҳаи сохтмон дар маҷрои ин хати обгузар, дар маҷмӯъ, беш аз 6 ҳазор гектар замини лалмӣ шодоб мегардад. Ҳамзамон, баробари равон шудани оби Даҳкатсой ба Даҳанасой масъалаи бо оби нӯшоӣ таъмин намудани аҳолии Даҳкат, Нуробод, Чағат, Муҷун, Панҷбоғ ва деҳаҳои дигари поёноби обанбори Даҳанасой ҳалли худро меёбад.
 Ғунҷоиши лоиҳавии обанбори мазкур 42 миллион метри мукааб буда, то имрӯз ягон маротиба чунин миқдор об захира нашудааст. Тайи се соли охир дар обанбори Даҳанасой солона ба ҳисоби миёна 8,2 миллион метри мукааб об ҷамъ мешавад. Ин миқдор об ҳамагӣ 32 дарсади талабот ба обро дар 3600 гектар замини обӣ қонеъ гардонда метавонаду халос.

Оҳистамоҳи ВАФОБЕК,  “Ҷумҳурият”
 


Баёни ақида (0)    Санаи нашр: 15.06.2020    №: 110    Мутолиа карданд: 526
30.07.2021


Миёни вазоратҳои корҳои хориҷии Тоҷикистон ва Баҳрайн машварат доир шуд

АЗ НИШАСТҲОИ МАТБУОТӢ

28.07.2021


Санаи сафари давлатии Пешвои миллат ба Туркманистон дақиқ шуд

ФУТЗАЛ

ҶАҲОН ДАР ЯК САТР

Тамринҳои низомӣ дар марз бо Афғонистон бо иштироки 1,5 ҳазор нафар аз се кишвар

АЗ НИШАСТҲОИ МАТБУОТӢ

ҚАЛЪАИ ЯМЧУН БАРҚАРОР МЕГАРДАД

27.07.2021


Бознашри мақола ва мусоҳибаи Президенти Тоҷикистон дар ВАО-и Ӯзбекистон

АЗ НИШАСТҲОИ МАТБУОТӢ

ТОҶИКИСТОН. БЕШ АЗ 80 ДАРСАДИ РОҲБАРОНИ ШИРКАТҲОИ САЙЁҲӢ ҶАВОНОНАНД

Якчанд фармондеҳи "Толибон" дар Афғонистон боздошт шуданд

Варзиш

26.07.2021


МАРКАЗИ МАТБУОТИ ҚӮШУНҲОИ САРҲАДӢ ХАБАР МЕДИҲАД

ХАТЛОН. ТАЪСИСИ 48 КОРХОНАВУ КОРГОҲ ДАР ШАШ МОҲ

АЗ НИШАСТҲОИ МАТБУОТӢ

ММТ. Натиҷаи озмуни тақсимоти асосӣ эълон гардид

Варзиш

AFP: “ИМА амалиётҳои ҳавоиро дар Афғонистон дар сурати ҳамлаҳои нави “Толибон” идома медиҳанд”

Ҷаҳон дар як сатр

ВМКБ. МАҶМӮИ МАҲСУЛОТИ МИНТАҚАВӢ БА 454,2 МИЛЛИОН СОМОНӢ РАСИД

23.07.2021


Ҳушдор аз эҳтимоли омадани селҳои пиряхӣ

АЗ НИШАСТҲОИ МАТБУОТӢ

РАШТ. ҶАВОНМАРДОН БАРОИ ҲИФЗИ САРҲАД ОМОДААНД

ХАТЛОН. МАШҚҲОИ ОМОДАГИИ ҲАРБӢ БО МАҚСАДИ ДИФОЪ АЗ ВАТАН

САРВАЗИРИ МАМЛАКАТ АЗ ҲОЛИ ЗАРАРДИДАГОНИ ОФАТИ ТАБИӢ ДИДАН КАРД

АЗ НИШАСТҲОИ МАТБУОТӢ

21.07.2021


Туҳфаи Пешвои миллат - «Тоҷикон» ба сокинони ноҳияи Ашт

АЗ НИШАСТҲОИ МАТБУОТӢ

Сарвари СҶТ роҳи боздоштани пандемияи коронавирусро ошкор кард

Пирӯзии «Истиқлол» бар «Металлург»

Аз нишастҳои матбуотӣ

Нокомии музокироти Ҳукумати Афғонистон ва ҳаракати «Толибон»

Ҷаҳон дар як сатр

16.07.2021


Рушди сайёҳӣ дар шароити пандемияи COVID- 19 баррасӣ шуд


Дар сомонаҳои дигари Тоҷикистон хонед