logo

иҷтимоиёт

ТОҶИКИСТОН. ЧАРО ИҒВОГАРОН АЗ ОРОМИИ ВАТАНИ ХЕШ НОРОҲАТАНД?

«Аз далелҳои зиёди нодуруст ҳам хулосаи дуруст баровардан имконпазир аст», - навиштааст файласуфи Юнони Қадим Арасту. Вориди шабакаҳои иҷтимоии иттилоотӣ гардида, кас аз туҳматгарӣ, дурӯғгӯӣ ва бешарафии баъзе муаллифон, ки худро «ғамхор»-и мардуми Тоҷикистон метарошанд, ҳайрон мешавад! Дар масъалаи вируси COVID – 19 низ онҳо чунин бемаънию беасос ҷор мезананд. Аз матлабҳои бемантиқи онҳо чунин хулосаи мантиқӣ бармеояд: иғвоангезони шабакаҳои иҷтимоӣ дар масоили марбут ба Тоҷикистон, ки аксари онҳоро роҳбарон ва пайравони ҳизби дар Тоҷикистон ва ҷаҳон террористӣ эътирофшудаи наҳзати исломӣ (ТТЭ ҲНИ) ташкил медиҳанд, аз он нигаронанд, ки кишвари мо орому осуда аст, баръакси пешгӯию воҳимаангезии онҳо,   дар Тоҷикистон назар ба дигар мамлакатҳо шумораи зиёди ба COVID -19 гирифторшудагон шифо ёфтанд. Ин вазъ иғвогаронро комилан нороҳату андуҳгин кардааст.
Шашсад сол боз дар Аврупо зарбулмасали англисие маъруф аст:   Praemonitus, praemunitus (лот.) — яъне «Огоҳ силоҳдор аст». Ба қавли мардуми тоҷик: «Тайёрии об - дар хушкӣ».
Дарди ҳанӯз бедавои COVID – 19 дертар ба Тоҷикистон омад, дар ҳоле, ки мардуми аксар кишварҳои ҷаҳон, бахусус Чин, Амрико, Италия, Испания, Франсия, Олмон, Британияи Кабир, Россия, аз он се - чор моҳ боз азият мекашиданд.  Тоҷикистон ба ин бало, то ҳадди имкон омодагӣ гирифт.
Кӯшишҳои Ҳукумати ҷумҳурӣ, мақомоти иҷроияи ҳокимияти давлатии вилоятҳо, шаҳру ноҳияҳо, хосса мақомоти иҷроияи ҳокимияти давлатии шаҳри Душанбе ва хизматҳои ба сипосу миннатдорӣ арзандаи гурӯҳи калони табибони тоҷик ( 7500 табиб ва 25000 корманди миёнаи тиб) аз назари «мӯшикофона»-и ин муғризони иғвоангези интернетӣ ниҳон мондаанд. Магар самари талошҳои дастаҷамъонаи Ҳукумати ҷумҳурӣ ва созмону идораҳои дахлдор нест, ки COVID -19 Тоҷикистонро дар ғафлат дарёб накард ва кишвар ба он омодагии ҳамаҷониба гирифт?
Мо аз телевизион бо чашми сар  медидем, ки ба мардуми Аврупо ва Амрико аз омадани ин эпидемияи мудҳиш (баъдтар Созмони ҷаҳонии тандурустӣ онро пандемия эълон кард) дарғафлатмонда чӣ ҳодисаҳо рух доданд. Дарҳои ҳамаи идораю корхонаҳо баста, дар шаҳрро «ҳатто паша пар намезанад», ба ҷуз кормандони идораҳои безараргардонӣ, дар беморхонаҳо аз бисёрии шумораи беморон ҷой намерасад… Дар нуқтаҳои фурӯши хӯрокворӣ навбатҳои калон, мардум дар воҳимаю таҳлука ва ин вазъ бори вазнини бемориро дучанд мекунад. Бо вуҷуди ин, давлатҳои мутараққӣ тавонистанд, ки баъди хисороти бузурги ҷонӣ ҳам бошад, ба муқобили ин мараз ба по хезанд. Миллионҳо, миллиардҳо ва ҳатто триллионҳо доллари барои мубориза ҷудошуда самар доданд ва абарқудратҳо (ИМА, Чин, Россия, Олмон, Франсия, Италия, Британияи Кабир...) ҳатто тавонистанд ба кишварҳои дигар дар ин мушкил ёрӣ расонанд.
Аммо дар шигифтем, ки иғвогарон ба Тоҷикистон дар ин муборизаи беамон бо коронавирус чӣ ҳиммате нишон доданд? Ҳатто як нафар бо пули онҳо табобат нашудааст ё барои роҳ наёфтани вабои нав ба кишвар ягон кори хайр накардаанд!
Яке аз паҳлуҳои зиёнмандтари коронавирус  барангехтани таҳлукаю воҳима дар байни мардум аст ва дар ин амал, дар ин хизмати хирсона иғвоангезон, дар ҳақиқат, «саҳми назаррас» гирифтан хостанд. Аммо Сарвари давлат аҳолиро ба оромӣ, дода нашудан ба тарсу воҳима ва риояи тадбирҳои эҳтиётии пешгирӣ даъват карданд ва мардум сухани Пешвои маҳбуби худро азиз доштанд. Зеро ҳадаф аз ин даъват бештар намудани самари мубориза бо коронавирус, ҳифзи саломатии сокинон ва нигоҳ доштани оромӣ дар ҷомеа буд.
Дар олам 8 миллион ба COVID -19    гирифтор шуд, қариб ним миллион кас фавтид, аммо шумораи нисбатан хеле ками гирифторшудагон ба коронавирус дар Тоҷикистон (5100), боз ҳам дар муқоиса хеле камтари фавтидагон (50) ва шумораи нисбатан зиёди шифоёфтагон (70 дарсад) ин «ғамхорон»-ро, аз гапҳояшон маълум, нороҳат кардааст. Пас, бо кадом рӯ шумо, иғвогарони туҳматгар, худро дилсӯзу дӯсти  мардуми тоҷик шумурда метавонед, кадом амалатон барои чунин даъво кардан ҳақ медиҳад?
Дарвоқеъ, тайи ним рӯз дар аввали пайдоиши коронавирус (аз нимрӯзӣ то бегоҳ) бар асари воҳимаи пешакии беасос, ки ҳиссаи иғвоангезони шабакаҳои иҷтимоии интернетӣ, хусусан роҳбари ТТЭ ҲНИ ва думравони ӯ, дар барангехтани он кам нест, нарху наво боло рафт. Вале бар асари тадбирҳои фаврии андешидаи Ҳукумати ҷумҳурӣ, мақомоти иҷроияи маҳаллии ҳокимияти давлатӣ, хосса мақомоти иҷроияи ҳокимияти давлатии шаҳри Душанбе, рӯзи дигар аз сари субҳ дар бозорҳои озуқа мошинҳои орду равғану биринҷу сабзавот қатор шуданд ва нарх барқарор шуд, ҳатто поинтар фаромад. Мутаассифона, боз ҳам хидматҳои арзандаи Ҳукумати ҷумҳурӣ, Ситоди ҷумҳуриявии мубориза бо COVID -19, мардуми шарафманди тоҷик, ки тӯли  таърих фоҷиаю фалокатҳои зиёдро паси сар карда, имрӯз ҳам муташаккилона бар зидди онҳо мубориза мебарад, аз чашми «ҳамабин»-и муғризону бадгӯён ниҳон монд. Чаро? Зеро ин нотавонбинону туҳматгарон амалҳои хубу хайрро ҳеҷ гоҳ намебинанд, ҳамеша дар талоши Офтобро бо доман пӯшондан, дар пайи аз таги нохун чирк кофтан ва «ғамхор» ҷилваю намоиш додани худанд. Ва боз ҳам ҳақ ба ҷониби аллома Мирзо Бедил аст, ки гуфтааст:
Рафъи инкор аз насабҷӯёни маънӣ мушкил аст,
Гӯ ба қудрат Анварӣ, дар маърифат Аттор бош.
Тири воҳимаю таҳлукаангезон боз ҳам ба хок рафт. Имрӯзҳо, хушбахтона, вирус аз Тоҷикистон рафта истодааст. Шумораи мубталошудагони нав ба бемории коронавирус назар ба шумори бемороне, ки ҳар рӯз шифо меёбанд, бамаротиб коҳиш ёфтааст ва Худо хоҳад, ба ин равиш дар чанд рӯзи дигар ҳамин моҳ беморхонаҳо аз гирифторони коронавирус тамоман холӣ мешаванд... Далели қавии дигар қариб ба нестӣ расидани шумораи фавтидагон аст. Пас, кӣ ҳақ будааст?
Туҳматгароёну иғвоангезон ҳатто аз ҳамин вазъи барои тамоми мардуми тоҷику ҷаҳон вазнин барои ҳадафҳои нопоки худ истифода бурдан хоста, бори дигар ноҷавонмардии худро собит сохтанд.
Пири адаби мо, устоди сухан Абуабдуллоҳи Рӯдакӣ ҳанӯз беш аз ҳазор сол муқаддам падарона аҳли башарро насиҳат карда буданд:
Мардӣ набувад фитодаро пой задан,
Гар дасти фитодае бигирӣ, мардӣ.
Иғвоангезон – аъзои ТТЭ ҲНИ ва думравони онҳо на танҳо дасти як фитодаро нагирифтанд, балки дар чунин рӯзҳо Президенти маҳбуби кишвар ва Ҳукумати ҷумҳуриро туҳмат зада, мардуми шарифи Тоҷикистонро ба шӯр овардан, авзои осудаи мамлакатро ноором кардан хостанд.
Мардуми шарифи Тоҷикистон аз амалҳои шуми сиёҳкорони аъзою думравони ТТЭ ҲНИ безор  шудаанд ва ба онҳо нафрат мехонанд. Магар ҷиноятҳои сангини солҳои ҷанг (90-ум) ва баъдиҷангии ҳизби террористии наҳзати исломиро, ки ҳоло қариб дар тамоми ҷаҳон мамнӯъ эълон шудааст, аз саҳифаҳои хотир зудудан имконпазир аст?
Ҳоло Тоҷикистон, алорағми хоҳишу орзуи онҳо, рушд мекунад, ҳамарӯза ободтару шукуфо мешавад. Дастовардҳои бузурги соҳибистиқлолии Тоҷикистони азизи моро, хусусан дар ду даҳсолаи охир, танҳо кӯрдилон - террористони наҳзатӣ дида наметавонанду бас. Ва Худо хоҳад, корвони рушди кишвар, алорағми дурӯғзанию буҳтони онҳо пештар хоҳад рафт. Бемории COVID -19 ҳам тавассути тадбирҳои муассири андешидаи Ҳукумати кишвар, талоши дастаҷамъонаи мардуми шарифи тоҷик, пайравӣ аз даъватҳои Президенти маҳбуб муҳтарам Эмомалӣ Раҳмон, рӯзҳои наздик аз байн меравад.
Вале, аминам, рӯи туҳматгарон «дуд намекунад», зеро, аслан, рӯи касе  дуд мекунад, ки номусу ҷавонмардие дорад. Чаро рӯи иғвоангезон, ки дар қӯраи беномусию сияҳкорию сияҳдилӣ сӯхтааст, дуд кунад?
 
С. РАҶАБЗОДА, «Ҷумҳурият»


Баёни ақида (0)    Санаи нашр: 23.06.2020    №: 115    Мутолиа карданд: 438
23.06.2021


Ҷаласаи Ситоди ҷумҳуриявӣ оид ба пурзӯр намудани чораҳои зиддиэпидемиявӣ ва пешгирӣ аз интиқолу паҳншавии бемории сироятии COVID – 19

«Толибон» гузаргоҳи асосии марзи Афғонистону Тоҷикистонро тасарруф намуданд

Ҷаҳон дар як сатр

«ДАР СУҲБАТИ ЛОИҚ»

ШАҲРИ ИСТИҚЛОЛ. Корхонаи бузурги металлургӣ барқарор шуд

Рӯйдодҳои илмӣ

ХУҶАНД. ВУСЪАТИ КОРҲОИ ОБОДОНӢ

ВАНҶ: ҶАШНИ МИЛЛӢ ТАНТАНА ХОҲАД ДОШТ

22.06.2021


Путин: «Таҳдиди коронавирус боқист, аммо зарбаи сахти он баргардонда шуд»

Ҷаҳон дар як сатр

ЛИГАИ ОЛӢ

21.06.2021


«TOUR DE TAJIKISTAN». Мусобиқае, ки дастовардҳои кишварро муаррифӣ мекунад

МИНТАҚАИ РАШТ. 51 МИЛЛИОН ҚАРЗИ ИСТИФОДАИ БАРҚ

ШАҲРИ ТУРСУНЗОДА. ДАСТГИРИИ КИШОВАРЗОН БАРОИ СОДИРОТИ АНГУР

ТОҶИКОБОД. САМАРИ ЯК ҲАМКОРӢ

КАЙФАР

70 СОЛ ДАР РОҲИ ОМӮЗИШИ ТАЪРИХ ВА ФАРҲАНГИ МИЛЛАТ

НУРОБОД. ВАҚТЕ КИ ЗАМИН МАҚСАДНОК ИСТИФОДА МЕШАВАД...

11.06.2021


СУҒД. НАПАРДОХТАНИ ҲАҚҚИ ИСТИФОДАИ ОБ МУШКИЛИ ҲАЛТАЛАБ БОҚӢ МЕМОНАД

08.06.2021


ҲИСОР. Муовини Сарвазир аз иншооти ҷашнӣ дидан кард

КИТОБХОНАҲОИ ХУРДИ САЙЁР ТАҶРИБАИ НАВ ДАР РОҲИ ДОНИШАНДӮЗӢ

САЙЁҲӢ. БАРРАСИИ МАСОИЛИ РУШД МИЁНИ ҶУМҲУРИҲОИ ТОҶИКИСТОН ВА ӮЗБЕКИСТОН

ИҶТИМОИЁТ. НИЁЗМАНДОН ҲАМЕША МАВРИДИ ТАВАҶҶУҲАНД

ТОҶИКИСТОН ВА ӮЗБЕКИСТОН. УФУҚҲОИ НАВИ ҲАМКОРӢ

МАРАФОНИ ВЕЛОСИПЕДРОНӢ БАРГУЗОР МЕШАВАД

«ҶУМҲУРИЯТ» ДАР КОБУЛ. СИПОСИ ЛАШКАРӢ БА РӮЗНОМАИ № 1- И ТОҶИКИСТОН

04.06.2021


ФУТЗАЛ

Путин бори дигар шаҳрвандонро ба эмгузаронӣ даъват намуд

Ҷаҳон дар як сатр

10 ДОВТАЛАБИ БЕҲТАРИН

03.06.2021


ВКХ Чин: «Муносиботи Чин бо Россия дар сатҳи олӣ қарор дорад»

КИТОБИ КОРМАНДИ «ҶУМҲУРИЯТ» БА ЗАБОНИ ӮЗБЕКӢ НАШР ШУД

МИНТАҚАИ КӮЛОБ. ГУРӮҲИ ТАБЛИҒОТӢ НАЗДИКИ 50 ВОХӮРӢ АНҶОМ ДОД

02.06.2021


Лавров: «Россия ба иқдомҳои муғризонаи ИА аксуламал нишон медиҳад»

ҶАҲОН ДАР ЯК САТР


Дар сомонаҳои дигари Тоҷикистон хонед