logo

иҷтимоиёт

РУКНИ БОЭЪТИМОДИ ИСТИҚЛОЛИЯТ

Таҷлили ҳамасолаи Рӯзи Ваҳдати миллӣ, ки дар навбати худ аз беҳтарину арзишмандтарин санаи таърихии мост, ҳамзамон, дарс ва сабақи ибратомӯз на танҳо барои тоҷикон, балки барои дигар кишварҳои ҷангзадаву таҳлилгарону мутахассисон мебошад. Яъне, бояд ҳеҷ гоҳ аз хотир набарорем, ки сулҳу ваҳдат ба осонӣ ба даст наомадааст. Тасаввури хомӯш кардани оташ ва алангаи ин ҷанги шаҳрвандии таҳмилӣ дар он рӯзгор ҳатто ба зеҳни кас ҳеҷ гоҳ роҳ намеёфт. Чунки намунаи ин гуна ҷангҳо дар дигар мамолики чи пешрафта ва чи қафомонда барои он замина фароҳам меовард. Гумон мерафт, ки мо ҳеҷ гоҳ ва ба ҳеҷ васила ба сулҳу ваҳдат шарафёб шуда наметавонем.

Замон ва ҳодисоти фоҷиабори рухдода собит сохт, ки Сарвари ҳақиқӣ ва асили давлату миллат бо ҷасорат, хирад дилсӯзӣ, ҷонфидоӣ, сарсупурдагӣ ва дидани ояндаи нек баҳри барқарории сулҳу ваҳдат ва пойдории миллат метавонист, ки манфиатҳои миллиро ҳимоя кунад. Ин ҳақиқатро мухолифин низ он замон эътироф карда буданд. Вакили мардумӣ Эмомалӣ Раҳмон, аз ҳавзаи интихоботии № 172 дар охири соли 1992 дар Сессияи тақдирсозу таърихии Шӯрои Олии ҷумҳурӣ Сарвари давлат интихоб гардиданд. Дақиқтараш ин бори сангин масъулиятро бо боварии том бар дӯшашон гузоштанд.
Мардум дар он рӯзгор ташнаи сулҳ, қатъи хунрезӣ  ва ба эътидол овардани вазъи сиёсии кишвар буд. Сохтору мақомоти давлатӣ комилан фалаҷ шуда буд. Гурезаҳои иҷбориро мебоист ба Ватан бармегардонданду хонаҳои сӯхтаву валангоргардидаро барқарору обод месохтанд.
Ҷангҷӯёну хоинони Ватан нахустин Прокурори генералии ҷумҳурӣ Нурулло Ҳувайдуллоевро ошкоро ба қатл расонданд. Ин як ҳушдор ба ҳамаи кормандони мақомоти интизомӣ ба шумор мерафт. Бо ин амал ва дар ин гуна ҳолатҳои вазнин хостанд, ки эътибори волоияти қонунҳоро бо сохторҳои назоративу муҳофизатӣ аз байн бибаранд. Яъне, ҷиноятҳо, хосса қатлу куштори инсонҳо, талаву тороҷи моликияти давлатию хусусӣ, ба таври маъмулӣ сурат мегирифтанд.
Ҳазорон – ҳазор одамон, шаҳрвандони кишвар дар ин ҷанг кушта шуданд ва кӯдакон ятим монданд.
Имрӯз аз саҳифаҳои таърихи миллат мехонем, ки барои расидан ба сулҳу субот Сарвари давлат ҷон дар кафи даст ва ҳам синаро сипар карда, ба хотири сулҳу ваҳдат, пойдории давлату миллат ба бисёр нуқтаҳои доғ рафтанд ва бо мухолифин ҳамсуҳбат шуданд. Инчунин, чандин маротиба санади башардӯстонаи авфи умумӣ эълон карданд.
Барои насли имрӯза шояд ин ҳақиқат камтар маълум бошад, ки кор бо имзои Созишномаи умумии истиқрори сулҳ ва ризоияти миллӣ дар Тоҷикистон ба поён нарасид. Ба ҷуз ин, сулҳ ва ризоияти комили миллӣ ба даст наомад. Сарвари давлат ба хотири таъмини он, аз байн бурдани кинаву адоват ва аз дасти ҷинояткорон бозпас гирифтани яроқу аслиҳа тамоми тадбирҳои заруриро андешиду амал кард. Имрӯз низ талошашон бар он аст, ки ҳисси ифтихори  миллиро ба хотири иттиҳод ва якпорчагӣ боло бибаранд. Воқеан, ҳоло ҳам гурӯҳҳову ниҳодҳои махсуси ифротгаро, душманону хоинон мехоҳанд ҷангро ба кишвари мо таҳмил бикунанд ва ҳам давлатеро бо номи Тоҷикистон дигар дар харитаи ҷаҳон набинанд. Таҷрибаи талхи ин ҷанг ба такрори ҳодисоти номатлуб ҳеҷ гоҳ имкон фароҳам нахоҳад овард. Ба ин хотир, Пешвои миллат пайваста таъкид мекунанд, ки мардуми шарифи Тоҷикистон, хосса ҷавонони мо, зиракӣ ва ҳушёрии сиёсиро аз даст надиҳанд.
Пешвои миллат бо ёдоварии он рӯзгор ва андарз ба насли нав иброз доштанд: «Мо музокироти сулҳро бо мухолифини мусаллаҳ бо талабу дархост ва майлу иродаи халқи азизамон, ба хотири қатъи хунрезиҳои даҳшатнок, ҳифзи ягонагии миллат ва нигоҳ доштани якпорчагии давлатамон оғоз кардем».
Созишномаи мазкур, воқеан, санади наҷоти миллат, кишвар ва давлат мебошад. Ҳамзамон, ин сана, яъне 27 июн оғози ҳамдигарфаҳмӣ, сарҷамъӣ ва фароҳам овардани шароити орому осоиштаи зиндагӣ мебошад.
Аз ин рӯ, ба таъкиди Сарвари давлат «имрӯз бисёр зарур аст, ки мо андешаи сулҳу ваҳдатро ҳамчун рукни боэътимоди истиқлолият ба яке аз  ғояҳои давлатдории миллӣ табдил диҳем».

Раҳматулло ХОЛОВ,
прокурори раёсати назорати қонунӣ будани санадҳои судӣ оид ба парвандаҳои ҷиноятии Прокуратураи генералии Ҷумҳурии Тоҷикистон,
мушовири адлияи дараҷаи 2
 


Баёни ақида (0)    Санаи нашр: 25.06.2020    №: 117    Мутолиа карданд: 277
23.06.2021


Ҷаласаи Ситоди ҷумҳуриявӣ оид ба пурзӯр намудани чораҳои зиддиэпидемиявӣ ва пешгирӣ аз интиқолу паҳншавии бемории сироятии COVID – 19

«Толибон» гузаргоҳи асосии марзи Афғонистону Тоҷикистонро тасарруф намуданд

Ҷаҳон дар як сатр

«ДАР СУҲБАТИ ЛОИҚ»

ШАҲРИ ИСТИҚЛОЛ. Корхонаи бузурги металлургӣ барқарор шуд

Рӯйдодҳои илмӣ

ХУҶАНД. ВУСЪАТИ КОРҲОИ ОБОДОНӢ

ВАНҶ: ҶАШНИ МИЛЛӢ ТАНТАНА ХОҲАД ДОШТ

22.06.2021


Путин: «Таҳдиди коронавирус боқист, аммо зарбаи сахти он баргардонда шуд»

Ҷаҳон дар як сатр

ЛИГАИ ОЛӢ

21.06.2021


«TOUR DE TAJIKISTAN». Мусобиқае, ки дастовардҳои кишварро муаррифӣ мекунад

МИНТАҚАИ РАШТ. 51 МИЛЛИОН ҚАРЗИ ИСТИФОДАИ БАРҚ

ШАҲРИ ТУРСУНЗОДА. ДАСТГИРИИ КИШОВАРЗОН БАРОИ СОДИРОТИ АНГУР

ТОҶИКОБОД. САМАРИ ЯК ҲАМКОРӢ

КАЙФАР

70 СОЛ ДАР РОҲИ ОМӮЗИШИ ТАЪРИХ ВА ФАРҲАНГИ МИЛЛАТ

НУРОБОД. ВАҚТЕ КИ ЗАМИН МАҚСАДНОК ИСТИФОДА МЕШАВАД...

11.06.2021


СУҒД. НАПАРДОХТАНИ ҲАҚҚИ ИСТИФОДАИ ОБ МУШКИЛИ ҲАЛТАЛАБ БОҚӢ МЕМОНАД

08.06.2021


ҲИСОР. Муовини Сарвазир аз иншооти ҷашнӣ дидан кард

КИТОБХОНАҲОИ ХУРДИ САЙЁР ТАҶРИБАИ НАВ ДАР РОҲИ ДОНИШАНДӮЗӢ

САЙЁҲӢ. БАРРАСИИ МАСОИЛИ РУШД МИЁНИ ҶУМҲУРИҲОИ ТОҶИКИСТОН ВА ӮЗБЕКИСТОН

ИҶТИМОИЁТ. НИЁЗМАНДОН ҲАМЕША МАВРИДИ ТАВАҶҶУҲАНД

ТОҶИКИСТОН ВА ӮЗБЕКИСТОН. УФУҚҲОИ НАВИ ҲАМКОРӢ

МАРАФОНИ ВЕЛОСИПЕДРОНӢ БАРГУЗОР МЕШАВАД

«ҶУМҲУРИЯТ» ДАР КОБУЛ. СИПОСИ ЛАШКАРӢ БА РӮЗНОМАИ № 1- И ТОҶИКИСТОН

04.06.2021


ФУТЗАЛ

Путин бори дигар шаҳрвандонро ба эмгузаронӣ даъват намуд

Ҷаҳон дар як сатр

10 ДОВТАЛАБИ БЕҲТАРИН

03.06.2021


ВКХ Чин: «Муносиботи Чин бо Россия дар сатҳи олӣ қарор дорад»

КИТОБИ КОРМАНДИ «ҶУМҲУРИЯТ» БА ЗАБОНИ ӮЗБЕКӢ НАШР ШУД

МИНТАҚАИ КӮЛОБ. ГУРӮҲИ ТАБЛИҒОТӢ НАЗДИКИ 50 ВОХӮРӢ АНҶОМ ДОД

02.06.2021


Лавров: «Россия ба иқдомҳои муғризонаи ИА аксуламал нишон медиҳад»

ҶАҲОН ДАР ЯК САТР


Дар сомонаҳои дигари Тоҷикистон хонед