logo

фарҳанг

“КОРВОНИ КИТОБ – 2020” ДАР ВМКБ

Чанде пеш ҳаракати фарҳангии “Корвони китоб - 2020” ба Вилояти Мухтори Кӯҳистони Бадахшон раҳсипор гардид. Тавре аз Вазорати фарҳанги ҷумҳурӣ иттилоъ доданд, дар маҷмӯъ, кулвори “Корвони китоб - 2020” ба вилоят аз 254 номгӯ китоб бо теъдоди 5945 нусха мураттаб шудааст.
Ҳаракати фарҳангӣ 4 август аз ноҳияи Дарвоз оғоз шуд. Корвонро Заррина Мирзозода, муовини раиси ноҳия, истиқбол намуда, китобҳои ҳадиягардидаро, ки бо назардошти тамоми қишрҳои китобхони ҷомеа интихоб шуданд, беҳтарин туҳфа ба дӯстдорони фарҳангу маърифати ноҳия дар арафаи Ҷашни 29 - умин солгарди Истиқлолияти давлатии Ҷумҳурии Тоҷикистон арзёбӣ кард.
5 август корвони китоб ба ноҳияҳои Ванҷу Рӯшон расид. Роҳбаладони ҳаракат бо китобдорони ноҳияи Ванҷ мулоқот намуда, ба онҳо 399 нусха китобҳои гуногун – адабиёти бадеӣ, донишномаҳо, асарҳо барои кӯдаконро супурданд. Инчунин, барои китобдорон 246 нусха дастуру феҳрастҳои библиографӣ тақдим гардид.
Корвони китобро дар ноҳияи Рӯшон Саодат Бозидова, мудири бахши фарҳанги ноҳия, истиқбол намуд. Пас аз суҳбати самимии иштирокдорони чорабинӣ бо аҳли фарҳангу маорифи ноҳия оид ба ниёзмандии китобхонон ба анвои китоб, аз китобхонаи марказии ноҳия дидан намуда, дар доираи ҳаракати фарҳангӣ ба ин махзани маърифат 773 нусха китоби тозанашр тақдим карданд. 
6 август ҳаракат вориди ноҳияи Шуғнон ва шаҳри Хоруғ гардид. Меҳмононро кормандони китобхонаи вилоятӣ, аҳли адабу фарҳанг ва хонандагон бо роҳандозии маҳфили зебо истиқбол намуданд. Гулдаста Орумбекзода, мудири китобхонаи вилоятӣ, ба корвониён изҳори сипос намуда, оид ба дастовардҳои замони соҳибистиқлолии Тоҷикистон, сулҳу суботу оромиши кишвар, рушди соҳаи фарҳанг, аз ҷумла китобдорӣ, ибрози андеша намуд.
- Мо, китобдорони вилоят, имрӯз соҳиби беҳтарин китобҳо гардидем ва, воқеан ҳам, ин дар арафаи таҷлили Ҷашни 29 – солагии Истиқлолияти давлатӣ барои мардуми Вилояти Мухтори  Кӯҳистони  Бадахшон беҳтарин ҳадия аст, - бо хушҳолӣ иброз дошт Г. Орумбекзода.
Шоир Лаълҷӯба аз нақши боризи китоб дар тарбияи инсон, арҷгузорӣ ба ин ганҷинаи бебаҳо, анъанаи қадими китобдории тоҷикон ва дигар масоили муҳими рӯз изҳори назар намуд. Китобхонони фаъоли китобхона бо қироати шеърҳо аз осори адибон ба маҳфил ҳусни дигар зам намуданд.
Ёдовар мешавем, ки “Корвони китоб” 13 сол боз ба тамоми гӯшаву канори кишвар сафар намуда, ба мардуми фарҳангсолору маърифатдӯсти ҷумҳурӣ сарчашмаи илму дониш – китоб тақдим менамояд. Соли ҷорӣ кулвори корвонро ғайр аз осори адибони дирӯзу имрӯз ва адабиёти илмӣ силсилаи тозаэҷоди “Ахтарони адаб”, Энсиклопедияи миллии тоҷик, Донишномаи кӯдакону наврасон ғанӣ гардондааст.

Бахтовар КАРИМЗОДА, “Ҷумҳурият”


Баёни ақида (0)    Санаи нашр: 14.08.2020    №: 152 - 153    Мутолиа карданд: 331
03.08.2021


РАВҒАНИ МОҲӢ, КУНҶИТ ВА СИЁҲДОНА ДАР ШАКЛИ КАПСУЛА

АЗ НИШАСТҲОИ МАТБУОТӢ

ҶОМИ ТОҶИКИСТОН – 2021

02.08.2021


Нигаронӣ аз вазъи Афғонистон

ГЕОЛОГҲОИ ҶАВОНИ ТОҶИК БА ҲАМОИШИ ИДМ РОҲХАТ ГИРИФТАНД

БЕҲТАРИН ИХТИРОЪКОРОН ҚАДР ШУДАНД

ШАҲРИ РОҒУН. 110 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

АЗ НИШАСТҲОИ МАТБУОТӢ

30.07.2021


Миёни вазоратҳои корҳои хориҷии Тоҷикистон ва Баҳрайн машварат доир шуд

АЗ НИШАСТҲОИ МАТБУОТӢ

28.07.2021


Санаи сафари давлатии Пешвои миллат ба Туркманистон дақиқ шуд

ФУТЗАЛ

ҶАҲОН ДАР ЯК САТР

Тамринҳои низомӣ дар марз бо Афғонистон бо иштироки 1,5 ҳазор нафар аз се кишвар

АЗ НИШАСТҲОИ МАТБУОТӢ

ҚАЛЪАИ ЯМЧУН БАРҚАРОР МЕГАРДАД

27.07.2021


Бознашри мақола ва мусоҳибаи Президенти Тоҷикистон дар ВАО-и Ӯзбекистон

АЗ НИШАСТҲОИ МАТБУОТӢ

ТОҶИКИСТОН. БЕШ АЗ 80 ДАРСАДИ РОҲБАРОНИ ШИРКАТҲОИ САЙЁҲӢ ҶАВОНОНАНД

Якчанд фармондеҳи "Толибон" дар Афғонистон боздошт шуданд

Варзиш

26.07.2021


МАРКАЗИ МАТБУОТИ ҚӮШУНҲОИ САРҲАДӢ ХАБАР МЕДИҲАД

ХАТЛОН. ТАЪСИСИ 48 КОРХОНАВУ КОРГОҲ ДАР ШАШ МОҲ

АЗ НИШАСТҲОИ МАТБУОТӢ

ММТ. Натиҷаи озмуни тақсимоти асосӣ эълон гардид

Варзиш

AFP: “ИМА амалиётҳои ҳавоиро дар Афғонистон дар сурати ҳамлаҳои нави “Толибон” идома медиҳанд”

Ҷаҳон дар як сатр

ВМКБ. МАҶМӮИ МАҲСУЛОТИ МИНТАҚАВӢ БА 454,2 МИЛЛИОН СОМОНӢ РАСИД

23.07.2021


Ҳушдор аз эҳтимоли омадани селҳои пиряхӣ

АЗ НИШАСТҲОИ МАТБУОТӢ

РАШТ. ҶАВОНМАРДОН БАРОИ ҲИФЗИ САРҲАД ОМОДААНД

ХАТЛОН. МАШҚҲОИ ОМОДАГИИ ҲАРБӢ БО МАҚСАДИ ДИФОЪ АЗ ВАТАН

САРВАЗИРИ МАМЛАКАТ АЗ ҲОЛИ ЗАРАРДИДАГОНИ ОФАТИ ТАБИӢ ДИДАН КАРД

АЗ НИШАСТҲОИ МАТБУОТӢ


Дар сомонаҳои дигари Тоҷикистон хонед