logo

иҷтимоиёт

«ШАҲРИ САБЗ» - И МО ДУШАНБЕ

Дар ҳошияи даъвати Рустами Эмомалӣ, раиси шаҳри Душанбе, дар бораи ба «шаҳри сабз» табдил додани Душанбешаҳр

Душанбе ба маъракаи муҳимтарини сол – интихоботи Президенти Ҷумҳурии Тоҷикистон омодагӣ мегирад. Рустами Эмомалӣ, раиси шаҳри Душанбе, дар иҷлосияи сеюми Маҷлиси вакилони халқи шаҳри Душанбе, даъвати шашум бори дигар таъкид намуд, ки мо дар арафаи интихоботи Президенти Ҷумҳурии Тоҷикистон қарор дорем ва дар сатҳи баланди ташкилӣ баргузор намудани ин маъракаи муҳими сиёсӣ аз ҳар сокини шаҳр ҳисси баланди масъулиятшиносию ифтихори миллиро талаб менамояд.
Аз ин рӯ, ба раисони ноҳияҳо, роҳбарони сохторҳои шаҳрию ноҳиявӣ ва ниҳодҳои масъул дастур дода шуд, ки барои мусоидат ба фаъолияти босамари аъзои ҳавзаю участкаҳои интихоботӣ ва роҳандозии корҳои тарғиботию фаҳмондадиҳӣ, ободонӣ, перостагии кӯчаю хиёбон ва маҳаллаю шаҳракҳо, сари вақт кашондани партовҳо, насби шиору овезаҳои даъваткунанда, таъмини тартиботи ҷамъиятӣ ва амнияти шаҳрвандон ҷаҳду талош намоянд. Ҳамчунин,
Рустами Эмомалӣ аз масъулон таъмини нақшаи шинондани ниҳолу гулу буттаҳои зимистона, поккорӣ, дар ҳолати хуб нигоҳ дош-тани курсию фаввора ва ашёи дигари боғҳои истироҳатӣ, тоза намудани кӯчаю хиёбону гулгаштҳоро тақозо намуда, чунин изҳор дошт: 
«Аз тамоми сокинони шаҳри Душанбе  даъват ба амал меорам, ки барои ба «шаҳри сабз» табдил додани пойтахт саҳм гузоранд. Дар ин радиф пешниҳод менамоям, ки ҳамчун нишони ҳамраъйӣ ҳар як оилаи сокини пойтахт дар мавсими ниҳолшинонӣ дар назди манзили зист як дарахти ҳамешасабз шинонда, онро парвариш намояд. Бо ин иқдом мо на танҳо шаҳри худро сарсабз мегардонем ва  дар ободонии он саҳм мегузорем,  балки барои  насли наврас намунаи ибрат гашта, дӯст доштани табиат, макони зист  ва сарзамини худро меомӯзонем».
Тавре аз раёсати иттилоот ва робитаҳои хориҷии дастгоҳи раиси шаҳри Душанбе ба «Ҷумҳурият» иттилоъ доданд, ҳадафи ин иқдом ободу зебою гулфишон намудани пойтахти кишвар, фароҳам овардани шароити мусоид барои зиндагии шоистаи сокинон ва ба яке аз марказҳои ҷаҳонии сайёҳӣ табдил додани Душанбешаҳр мебошад. «Заҳмату талошҳои созандаи раиси шаҳри Душанбе ҷиҳати ободонию ба шаҳри сабзи зебою рушдёфта ва маркази ҷаҳонии сайёҳӣ табдил додани Душанбешаҳр боварӣ, эҳтиром ва муҳаббати мардумро зиёд намудааст. Ин эътимоди мардум, пеш аз ҳама, аз ташаббускорӣ, навҷӯӣ, заҳматпешагӣ, фаъолияти босамари амалӣ ва  таҷрибаи  роҳбарӣ  дар вазифаҳои гуногун сарчашма мегирад. Рустами Эмомалӣ таҳти роҳбарии Пешвои миллат муҳтарам Эмомалӣ Раҳмон таҷрибаи нодири сиёсатмадорӣ омӯхта, аз мактаби сиёсии давлатдории Пешвои миллат баҳравар шудааст ва аз назари маънавӣ, ҳуқуқӣ ва сиёсӣ мукаммал ба камол расидааст. Ӯ, сарфи назар аз ҷавонӣ, ба тамоми масоили шаҳрдорӣ аз диди навҷӯӣ, оқилонаву одилона муносибат мекунад. Ҳамин аст, ки даъвати раиси шаҳрро барои ба «шаҳри сабз» табдил додани Душанбе сокинони на танҳо пойтахт, балки тамоми ҷумҳурӣ гарм истиқбол намуданд», - гуфтанд аз ҳамин сарчашма дар шарҳи мавзӯъ.
Сабз кардани дарахт  аз қадимулайём суннати неки мо, тоҷикон, маҳсуб  ёфта, дар мероси хаттии гузаштагонамон  беҳисоб ва батакрор таъкид шудааст. Мардуми мо  сабз кардани дарахтро яке аз корҳои хайру савоби равони инсонӣ медонанд ва ин анъанаи некро тӯли таърих то имрӯз идома додаанд. Амалисозии ин иқдоми наҷиб дар тарбияи меҳнатӣ, зебоипарастӣ ва баланд шудани маърифати экологии  аҳли  ҷомеа,  хусусан наврасону ҷавонон, нақши муҳим дошта, Душанберо ба як боғистони дилоро, шаҳри боз ҳам дилкашу зеботар  табдил  медиҳад.  Аз  ин рӯ, месазад  аҳамияти  ин иқдоми нек – сарсабз гардондани шаҳрро ба назар гирифта, тарғиби мунтазами онро тавассути матбуоти даврӣ, радиову телевизион ва шабакаҳои иҷтимоӣ амалӣ намоем ва ин ташаббуси неки ободгароиро ба як ҷунбиши умумимиллӣ табдил диҳем.

С. РАҶАБЗОДА, «Ҷумҳурият»


Баёни ақида (0)    Санаи нашр: 07.10.2020    №: 197    Мутолиа карданд: 261
23.06.2021


Ҷаласаи Ситоди ҷумҳуриявӣ оид ба пурзӯр намудани чораҳои зиддиэпидемиявӣ ва пешгирӣ аз интиқолу паҳншавии бемории сироятии COVID – 19

«Толибон» гузаргоҳи асосии марзи Афғонистону Тоҷикистонро тасарруф намуданд

Ҷаҳон дар як сатр

«ДАР СУҲБАТИ ЛОИҚ»

ШАҲРИ ИСТИҚЛОЛ. Корхонаи бузурги металлургӣ барқарор шуд

Рӯйдодҳои илмӣ

ХУҶАНД. ВУСЪАТИ КОРҲОИ ОБОДОНӢ

ВАНҶ: ҶАШНИ МИЛЛӢ ТАНТАНА ХОҲАД ДОШТ

22.06.2021


Путин: «Таҳдиди коронавирус боқист, аммо зарбаи сахти он баргардонда шуд»

Ҷаҳон дар як сатр

ЛИГАИ ОЛӢ

21.06.2021


«TOUR DE TAJIKISTAN». Мусобиқае, ки дастовардҳои кишварро муаррифӣ мекунад

МИНТАҚАИ РАШТ. 51 МИЛЛИОН ҚАРЗИ ИСТИФОДАИ БАРҚ

ШАҲРИ ТУРСУНЗОДА. ДАСТГИРИИ КИШОВАРЗОН БАРОИ СОДИРОТИ АНГУР

ТОҶИКОБОД. САМАРИ ЯК ҲАМКОРӢ

КАЙФАР

70 СОЛ ДАР РОҲИ ОМӮЗИШИ ТАЪРИХ ВА ФАРҲАНГИ МИЛЛАТ

НУРОБОД. ВАҚТЕ КИ ЗАМИН МАҚСАДНОК ИСТИФОДА МЕШАВАД...

11.06.2021


СУҒД. НАПАРДОХТАНИ ҲАҚҚИ ИСТИФОДАИ ОБ МУШКИЛИ ҲАЛТАЛАБ БОҚӢ МЕМОНАД

08.06.2021


ҲИСОР. Муовини Сарвазир аз иншооти ҷашнӣ дидан кард

КИТОБХОНАҲОИ ХУРДИ САЙЁР ТАҶРИБАИ НАВ ДАР РОҲИ ДОНИШАНДӮЗӢ

САЙЁҲӢ. БАРРАСИИ МАСОИЛИ РУШД МИЁНИ ҶУМҲУРИҲОИ ТОҶИКИСТОН ВА ӮЗБЕКИСТОН

ИҶТИМОИЁТ. НИЁЗМАНДОН ҲАМЕША МАВРИДИ ТАВАҶҶУҲАНД

ТОҶИКИСТОН ВА ӮЗБЕКИСТОН. УФУҚҲОИ НАВИ ҲАМКОРӢ

МАРАФОНИ ВЕЛОСИПЕДРОНӢ БАРГУЗОР МЕШАВАД

«ҶУМҲУРИЯТ» ДАР КОБУЛ. СИПОСИ ЛАШКАРӢ БА РӮЗНОМАИ № 1- И ТОҶИКИСТОН

04.06.2021


ФУТЗАЛ

Путин бори дигар шаҳрвандонро ба эмгузаронӣ даъват намуд

Ҷаҳон дар як сатр

10 ДОВТАЛАБИ БЕҲТАРИН

03.06.2021


ВКХ Чин: «Муносиботи Чин бо Россия дар сатҳи олӣ қарор дорад»

КИТОБИ КОРМАНДИ «ҶУМҲУРИЯТ» БА ЗАБОНИ ӮЗБЕКӢ НАШР ШУД

МИНТАҚАИ КӮЛОБ. ГУРӮҲИ ТАБЛИҒОТӢ НАЗДИКИ 50 ВОХӮРӢ АНҶОМ ДОД

02.06.2021


Лавров: «Россия ба иқдомҳои муғризонаи ИА аксуламал нишон медиҳад»

ҶАҲОН ДАР ЯК САТР


Дар сомонаҳои дигари Тоҷикистон хонед