logo

маориф

«ФУРӮҒИ СУБҲИ ДОНОӢ КИТОБ АСТ». ОЗМУНЕ, КИ ФАРОГИРТАР МЕШАВАД

Имрӯзҳо дар ҷумҳурӣ талабот ба китобу китобхонӣ бештар ба назар мерасад. Дар ин миён на танҳо ҷавонону наврасон, балки кӯдакону калонсолон ва, инчунин, кормандони соҳаҳои мухталиф низ ба мутолиаи китоб майл намуда истодаанд. Бояд қайд кард, ки яке аз сабабҳои болоравии сатҳи мутолиаи шаҳрвандон самараи Озмуни ҷумҳуриявии «Фурӯғи субҳи доноӣ китоб аст» мебошад, ки соли дуюм аст дар кишвар таҳти сарпарастии Президенти  Ҷумҳурии Тоҷикистон баргузор мегардад. Озмун бо мақсади баланд бардоштани завқи китобхонӣ, арҷ гузоштан ба арзишҳои миллию фарҳангӣ, инкишофи қобилияти эҷодӣ, худогоҳию худшиносӣ, бой гардондани захираи луғавӣ ва васеъ намудани ҷаҳонбинии ҷомеа гузаронда мешавад.
 
Чуноне дар боло зикр кардем, озмуни «Фурӯғи субҳи доноӣ китоб аст» тӯли ду сол аст, ки бо тағйиру иловаҳо ва нигоҳи нав ҷараён дорад. Танҳо шумораи зиёди иштирокчиёни озмун дар ин давраҳо бозгӯи болоравии сатҳи дониши хонандагону дӯстдорони китоб мебошад. Соли 2020 ба талаботи иштирок дар озмун тағйиру илова ва бартариятҳои куллиро ворид намуданд, ки барои боз ҳам фарох гаштани иштирок дар озмун мусоидат намуд. Чӣ тавре ки ба ҳамагон маълум аст, аз 7 то 15-уми декабри соли равон дар Китобхонаи миллии Тоҷикистон даври ҷамъбастии Озмуни ҷумҳуриявии «Фурӯғи субҳи доноӣ китоб аст» баргузор гардид, ки дар он 269 довталаб аз ВМКБ, вилоятҳои  Суғду Хатлон, ноҳияҳои тобеи ҷумҳурӣ ва шаҳри Душанбе иштирок намуд. Ёдовар бояд шуд, ки озмуни  мазкур ин навбат ба куллӣ аз соли гузашта фарқ мекард, яъне иштирокчиён метавонистанд аз рӯи 5 номинатсия – хондан ва аз ёд кардани осори адибони классики тоҷик, хондан ва аз ёд кардани осори адибони муосири тоҷик, хондан ва аз ёд кардани ашъори бачагона ва афсонаҳои халқи тоҷик, хондан ва аз ёд кардани осори адабиёти ҷаҳон ва номинатсияи шоирӣ дар озмун ширкат варзанд. Номинатсияҳо ба се гурӯҳ- миёни тарбиятгирандагон ва хонандагони муассисаҳои таҳсилоти томактабӣ ва миёнаи умумӣ, донишҷӯёни муассисаҳои таҳсилоти ибтидоӣ, миёна ва олии касбӣ, калонсолон ва намояндагони касбу кори гуногун ҷудо ва теъдоди ҷойҳо зиёд гардиданд.
Ин иқдом баҳри пешрафтатар гардидани сатҳу савияи дониши ҷомеа имкон фароҳам меорад. Халқи тоҷик аз азал мардуми китобдӯст буда, бузургони он осори пурғановатеро барои насли имрӯз ба мерос гузоштаанд. Лозим ба ёдоварист, ки ин озмун ба зеҳни мардум такони ҷиддие бахшид. Асарҳои назмиву насрии бузургони моро дубора зинда сохт. Махсусан, порчаҳои насрӣ ба монанди тарҷеъбанд, таркиббанд ва ғайраро, ки ба гӯшаи фаромӯшии насли наврас рафта буд, эҳё кард. Ҳамчунин, аз рӯи номинатсияи шоирӣ кашфи истеъдодҳои  наврасу калонсол ба миён омад ва собит намуд, ки имрӯз низ фарзандони тоҷик метавонанд, барои насли оянда маънавиёти ғание ба монанди Турсунзодаву Лоиқу дигар шоирони бузургамон ба мерос гузоранд. Мутолиаи китобҳои бадеӣ ҷаҳонбинии хонандаро васеъ намуда, ақидаи ӯро ба зиндагӣ ба таври мусбат дигар менамояд. Дар баробари ин, мунтазам мутолиаи осори насрӣ имкони эҷодро ба хонанда ба вуҷуд меорад. Аз ин лиҳоз, дар қатори номинатсияи шоирӣ, нависандагиро низ илова намудан, ба манфиати кор аст, чунки шумораи нависандагони ҷавон низ кам нестанд. Аз ин лиҳоз, ворид намудани қобилияти нависандагӣ ба номинатсияи панҷум боиси кашфи истеъдодҳои навин дар соҳаи адабиёти насри муосир хоҳад буд.
 
Парвона ШАРИФОВА,
донишҷӯи Донишгоҳи миллии Тоҷикистон


Баёни ақида (0)    Санаи нашр: 19.01.2021    №: 12    Мутолиа карданд: 882
11.06.2021


СУҒД. НАПАРДОХТАНИ ҲАҚҚИ ИСТИФОДАИ ОБ МУШКИЛИ ҲАЛТАЛАБ БОҚӢ МЕМОНАД

08.06.2021


ҲИСОР. Муовини Сарвазир аз иншооти ҷашнӣ дидан кард

КИТОБХОНАҲОИ ХУРДИ САЙЁР ТАҶРИБАИ НАВ ДАР РОҲИ ДОНИШАНДӮЗӢ

САЙЁҲӢ. БАРРАСИИ МАСОИЛИ РУШД МИЁНИ ҶУМҲУРИҲОИ ТОҶИКИСТОН ВА ӮЗБЕКИСТОН

ИҶТИМОИЁТ. НИЁЗМАНДОН ҲАМЕША МАВРИДИ ТАВАҶҶУҲАНД

ТОҶИКИСТОН ВА ӮЗБЕКИСТОН. УФУҚҲОИ НАВИ ҲАМКОРӢ

МАРАФОНИ ВЕЛОСИПЕДРОНӢ БАРГУЗОР МЕШАВАД

«ҶУМҲУРИЯТ» ДАР КОБУЛ. СИПОСИ ЛАШКАРӢ БА РӮЗНОМАИ № 1- И ТОҶИКИСТОН

04.06.2021


ФУТЗАЛ

Путин бори дигар шаҳрвандонро ба эмгузаронӣ даъват намуд

Ҷаҳон дар як сатр

10 ДОВТАЛАБИ БЕҲТАРИН

03.06.2021


ВКХ Чин: «Муносиботи Чин бо Россия дар сатҳи олӣ қарор дорад»

КИТОБИ КОРМАНДИ «ҶУМҲУРИЯТ» БА ЗАБОНИ ӮЗБЕКӢ НАШР ШУД

МИНТАҚАИ КӮЛОБ. ГУРӮҲИ ТАБЛИҒОТӢ НАЗДИКИ 50 ВОХӮРӢ АНҶОМ ДОД

02.06.2021


Лавров: «Россия ба иқдомҳои муғризонаи ИА аксуламал нишон медиҳад»

ҶАҲОН ДАР ЯК САТР

ДАНҒАРА. ҲАДАФ: ҲИФЗИ ҲУҚУҚИ КӮДАКОН

26.05.2021


ЁДБУДИ НАФАСБЕК РАҲМОНӢ

28 май Путин бо Лукашенко вомехӯрад

Ҷаҳон дар як сатр

БОКС

ШУНАВАНДАГОНИ КУРСИ “ЗАН - САРВАР” - И ВМКБ СОҲИБИ ШАҲОДАТНОМА ГАРДИДАНД

25.05.2021


Р А Ш Т. ЁРӢ БА ЗАРАРДИДАГОНИ ВИЛОЯТИ ХАТЛОН

21.05.2021


"ШАБЕ ДАР ОСОРХОНА"-И МИЛЛИИ ТОҶИКИСТОН

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

19.05.2021


ВОХӮРИИ СИРОҶИДДИН МУҲРИДДИН БО ВЛАДИМИР МАКЕЙ

ДАСТРАСӢ БА ИТТИЛООТИ СУДӢ. ҚАБУЛИ ЛОИҲАИ ҚОНУНЕ, КИ МАҚОМОТИ СУДИРО БА ВАО НАЗДИК МЕСОЗАД

ИЗҲОРОТИ ПРЕЗИДЕНТИ РОССИЯ ВЛАДИМИР ПУТИН

ҶАҲОН ДАР ЯК САТР

ФУТБОЛ. ҲАЙАТИ ТИМИ МИЛЛӢ МУАЙЯН ШУД

18.05.2021


ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД БАРГУЗОР МЕШАВАД

ХОВАЛИНГ. ИШТИРОКИ 780 ПАҲЛАВОН ДАР ГӮШТИИ ҶУМҲУРИЯВӢ

ВАРЗИШИ САБУК

ӮЗБЕКИСТОН 10 ИФРОТГАРОРО МЕҶӮЯД


Дар сомонаҳои дигари Тоҷикистон хонед