logo

ҳуқуқ

МУНОСИБАТҲОИ МЕҲНАТӢ. СУД ФАРМОНИ САРДОРИ РВКД ДАР ВИЛОЯТИ СУҒДРО БЕКОР КАРД. ЧАРО?

Суди шаҳри Хуҷанд бо баррасии парвандаи гражданӣ Ҳайит Комилзодаро, ки аз сӯи сардори раёсати Вазорати корҳои дохилӣ дар вилояти Суғд аз вазифа озод гардида буд, ба мақомаш барқарор кард. Ӯ қаблан дар вазифаи муовини сардори шуъбачаи шаҳраки милитсияи «Соҳили рост» - и ШВКД дар шаҳри Хуҷанд фаъолият дошт. 
Дар парвандаи гражданӣ, ки нусхаи он дастраси «Ҷумҳурият» шуд, омодааст, ки Ҳ. Комилзодаро 5 декабри соли 2020 бо фармони сардори РВКД дар вилояти Суғд бе ягон асос аз вазифаи муовини сардори шуъбачаи шаҳраки милитсияи «Соҳили рост»-и ШВКД дар шаҳри Хуҷанд озод ва ба вазифаи ваколатдори калони оперативии шуъбачаи мубориза бар зидди истеҳсоли ғайриқонунии воситаҳои нашъадори шуъбаи мубориза бар зидди гардиши ғайриқонунии маводи мухаддири РВКД дар вилояти Суғд таъйин кардаанд. Зимни ба дигар вазифа гузарондан розигии ӯ гирифта нашудааст, ки ҳолати мазкур ошкоро вайрон кардани қонун ба ҳисоб рафта, бархилофи талаботи қонунгузории меҳнат мебошад ва бо ин ҳуқуқҳояш ба таври ҷиддӣ поймол шудааст. Гуфта мешавад, ки зимни ба вазифаи дигар гузарондан ҳатто сардори шуъбачаи шаҳраки милитсияи «Соҳили рост» ва сардори ШВКД дар шаҳри Хуҷанд огоҳ карда нашуда, бе мувофиқаи онҳо ӯро ба вазифаи дигар таъйин кардаанд. Вале муовини сардори шуъбаи кадрҳо ва кор бо ҳайати шахсии РВКД дар вилоят Илҳом Қодиров ба суд гуфтааст, ки бо асосҳои зарурияти хизматӣ, пешрафти фаъолияти оперативӣ - хизматии хадамоти оперативии дастгоҳи раёсат ва шуъбаҳои вазорат дар шаҳру ноҳияҳои вилоят, ҳамчун сарпарасти хадамотҳои оперативӣ бо назардошти савияи дониш, малакаи касбӣ ва таҷрибаи корӣ, бо фармони сардори РВКД дар вилоят майори милитсия Ҳайит Комилзода ба вазифаи дигар таъйин гардидааст.
Ин дар ҳолест, ки тибқи моддаи моддаи 30 қисми 1 Кодекси меҳнати Ҷумҳурии Тоҷикистон ба кори дигари доимӣ гузарондан (тағйир ёфтани вазифаи меҳнатии корманд), супоридани кор аз рӯи ихтисоси дигар, тахассус ва вазифаи дигар танҳо бо розигии корманд мумкин аст. Дар сурати ғайр, моддаи 54 ҳамин кодекс муқаррар менамояд: корманде, ки ғайриқонунӣ ба кори дигар гузаронда шудааст, аз ҷониби худи корфармо ё суд ба кор барқарор карда мешавад.
Баъд аз баррасии парванда суд муайян кард, ки ҳангоми тасвиби фармон дар бораи аз вазифа озод намудан ва ба кори дигар гузарондани Ҳ. Комилзода талаботи қонунгузорӣ ва Низомномаи адои хизмат аз тарафи ҳайати қаторӣ ва роҳбарикунандаи мақомоти корҳои дохилии Ҷумҳурии Тоҷикистон риоя нашудааст.  
Дар ҳамин асос суд қарор кард, ки фармони сардори раёсати Вазорати корҳои дохилӣ дар вилояти Суғд ҷиҳати бе асос ба вазифаи дигар таъйин гардидани майори милитсия Ҳайит Комилзода бекор карда шавад. Дар асоси қарори содиршуда Ҳ. Комилзода бояд дар вазифаи пештара - муовини сардори шуъбачаи шаҳраки милитсияи «Соҳили рост»-и ШВКД дар шаҳри Хуҷанд барқарор гардад. 
Ҳарчанд дар қарори суд гуфта шудааст, ки ҳалнома дар қисми барқарор намудан ба ҷои кор фавран ба иҷро расонда шавад, аммо то кунун қарор ба иҷро надаромадааст. Илҳом Қодиров, муовини сардори шуъбаи кадрҳо ва кор бо ҳайати шахсӣ ва намояндаи ваколатдори ҷавобгар – РВКД дар вилояти Суғд, аз додани маълумот дар ин бора худдорӣ намуда, ҳангоми пурсиши мо вобаста ба ин масъала телефонашро хомӯш кард.
Ин дар ҳолест, ки тибқи моддаи 363 Кодекси ҷиноятӣ ҳукм, ҳалнома ё санади дигари эътибори қонунӣ пайдонамудаи судро қасдан иҷро накардани намояндаи ҳокимият, хизматчии давлатӣ ё хизматчии мақомоти маҳаллии ҳокимияти давлатӣ, мақомоти худидоракунии шаҳрак ва деҳот, инчунин, хизматчии муассисаи давлатӣ, ташкилотҳои тиҷоратӣ ё дигар ташкилот, инчунин, ба иҷрои онҳо монеъ шудан бо ҷарима ба андозаи аз дусад то панҷсад нишондиҳанда барои ҳисобҳо ё бо маҳрум сохтан аз озодӣ ба муҳлати то ду сол ҷазо дода мешавад.

Лашкар ШАРИФЗОДА, “Ҷумҳурият”


Баёни ақида (0)    Санаи нашр: 21.01.2021    №: 14    Мутолиа карданд: 806
29.11.2021


Алиев: «Россия дар ба эътидол овардани равобити Ереван ва Боку нақши муҳим дорад»

Ҷаҳон дар як сатр

МУЛОҚОТИ ҲОКИМ ХОЛИҚЗОДА БО САФИРИ АРАБИСТОНИ САУДӢ ДАР ТОҶИКИСТОН

26.11.2021


Иштироки Рустами Эмомалӣ дар ҷаласаи навбатии Шурои Ассамблеяи байнипарлумонӣ

Лавров бо вазирони корҳои хориҷии Чин ва Ҳиндустон роҳҳои рушди ҳамкориҳои сеҷонибаро баррасӣ мекунад

Ҷаҳон дар як сатр

25.11.2021


Боздиди намояндагони Иттиҳоди Аврупо аз НБО «Норак»

Суҳбати Путин бо раиси Шурои Аврупо

Ҷаҳон дар як сатр

МАШҒУЛИЯТИ ОМӮЗИШӢ ОИД БА МАБЛАҒГУЗОРИИ ХУРД МУВОФИҚИ ПРИНСИПҲОИ МАБЛАҒГУЗОРИИ ИСЛОМӢ

24.11.2021


Масъалаи аломатгузории хати сарҳади давлатӣ баррасӣ шуд

Ҷаҳон дар як сатр

Путин, Алиев ва Пашинян 26 ноябр дар Сочи мулоқот хоҳанд кард

ЛИГАИ ҚАҲРАМОНҲО

ВАО. НАҚШИ МУҲИМТАРИН ВОСИТАИ ТАЪСИРРАСОНӢ ДАР ЗАМОНИ ПАНДЕМИЯ

ЛАХШ. ТАНТАНАИ ҶАШНИ МИЛЛӢ

С А Н О А Т . МАҲСУЛОТИ ВАТАНӢ ИФТИХОРИ МАНУ МО

РӮЗИ ПАРЧАМИ ДАВЛАТӢ. ҲАМОИШИ ҶАШНӢ ДАР ДМТ

ФУРӮҒИ ВАТАНДОРӢ

22.11.2021


Ҷамъбасти машқҳои тактикии «Кобалт-2021»

ТИБ. БАРРАСИИ МУҲИМТАРИН САМТҲОИ СОҲА

МУҲАММАД ҒОИБ: «ДИЛ ЁФТАНУ САРҶАМЪ СОХТАНИ МИЛЛАТ ОСОН НАБУД!»

ДДЗТ: АЗ ТАЪСИСИ МАРКАЗИ TOEFL ТО ИНТИШОРИ 5 КИТОБИ МУҲИМ

ИЛМ. БАРГУЗОРИИ ҲАМОИШИ МУҲИМ

18.11.2021


Россия аз хатари паҳншавии терроризм ба кишварҳои ҳамсояи Афғонистон ҳушдор дод

ҶИУ-ҶИТСУ

ҶАҲОН ДАР ЯК САТР

ҒАМХОРИ ТАБИАТ БОШЕМ!

17.11.2021


“Созандагиҳои Пешвои миллат дар тули се даҳсолаи соҳибистиқлолӣ”

12.11.2021


Рӯзи Президент дар сатҳи баланд таҷлил мешавад

Рӯзи Президент дар сатҳи баланд таҷлил мешавад

“КОНСТИТУТСИЯ – САНАДИ САРНАВИШТСОЗ ВА БАХТНОМАИ МИЛЛАТИ ТОҶИК”

РАШТ. УФУҚҲОИ РУШДИ КИШОВАРЗӢ

11.11.2021


Шурои амнияти ФР: «Ҳузури доимии СММ дар Афғонистон бояд нигоҳ дошта шавад»

Ҷаҳон дар як сатр


Дар сомонаҳои дигари Тоҷикистон хонед