logo

номаҳо

БА ТАНТАНАИ АДОЛАТ БОВАР ДОРАМ

 
Фарзандам Насриддин Садриддинов нимаи дуюми рӯзи 24 июли соли 2020 бо мошини шахсии худ аз шаҳри Душанбе ба ноҳияи Муъминобод мерафт. Дар наздикии деҳаи Сафобахши ноҳияи Данғара (километри 97 - ум) воситаи нақлиёти тамғаи «Мерседес - Бенс», рақами қайди давлатиаш 7177 НР 01, ки таҳти идораи Исои Сайфиддин, сокини шаҳри Душанбе, кӯчаи Деҳотӣ 21/11, қарор дошт, бо суръати баланд муқобили ҳаракати роҳ баромада, ба худрави Насриддин бархӯрдааст. 
Дар пайи садама дасту пои Насриддин шикаст, мусофири ноболиғ Қосим Шарифов, ки ҷароҳати вазнини ҷисмонӣ бардошта буд, дар беморхонаи марказии ноҳияи Данғара ба ҳалокат расид. Ҳамчунин, дигар мусофирони ҳар ду мошин ва ронанда Исои Сайфиддин ҳам ҷароҳатҳои гуногун бардоштанд. Навори шоҳидони ҳодиса нишон медиҳад, ки Исои Сайфиддин дар натиҷаи сабқат аз масири ҳаракати худ берун шуда, ҳолати садамавиро ба вуҷуд овардааст.
Вале кормандони БДА ва муфаттиши ШВКД дар ноҳияи Данғара бидуни муайян кардани ҳолати воқеӣ ҳодисаро ба таври дигар ва санадҳоро ба манфиати Исои Сайфиддин тартиб доданд. Онҳо қисмҳои шикастаи ҳар ду воситаи нақлиёт, ки дар самти ҳаракати писари ман буд, нодида гирифта, ҷойи бархӯрди мошинҳоро дар самти ҳаракати воситаи нақлиёти «Мерседес - Бенс» нишон доданд. Ҳамин «муайянсозӣ» - ро экспертҳои шуъбаи экспертӣ - криминалистии РВКД дар вилояти Хатлон ва Маркази экспертизаҳои судӣ - криминалистии Вазорати адлияи Ҷумҳурии Тоҷикистон дар ғайби фарзанди ман ба асос гирифта, ӯро гунаҳгори садамаи нақлиётӣ арзёбӣ карданд. Ин ҳам дар ҳоле ки касе ба чунин сурат гирифтани ҳодиса шаҳодат надодааст.  
Ман давоми тафтишоти пешакӣ аз нафаре, ки шоҳиди садама буд, навореро дастрас намудам, ки ҳолати корро пурра нишон медод. Дар навор дида мешавад, ки нишонаҳои аниқи бархӯрд дар самти ҳаракати мошини писари ман ҷойгир мебошанд. Барои дуруст баҳогузорӣ кардани ҳодиса, ин сабтро ба муфаттиш ва прокурори вилоят нишон додам. Вале ягон асоси мо ба назар гирифта нашуд ва нисбат ба фарзанди ман бо моддаи 212 қисми 2 Кодекси ҷиноятӣ (Вайрон кардани қоидаҳои ҳаракати роҳ ва истифодаи воситаҳои нақлиёт, ки аз беэҳтиётӣ боиси марги инсон, расондани зарари вазнин ба саломатии инсон гаштааст) парвандаи ҷиноятӣ оғоз карданд.
Баъд аз тафтиши пешакӣ ва тасдиқи фикри айбдоркунӣ, парванда ба суд ирсол шуд. Дар мурофиаи судӣ ҳам шоҳидони воқеа аз самти ҳаракати худ баромадани автомашинаи тамғаи «Мерседес - Бенс»-ро далел оварданд. Вале судяи суди ноҳияи Данғара Умедҷон Сунатуллозода нишондоди шоҳидонро ба назар нагирифт ва фарзанди маро дар ин ҳодиса гунаҳгор дониста, ба ӯ ҷазо дар намуди маҳрум сохтан аз озодӣ ба муҳлати 3 сол эълон кард.
Агар фарзанди ман гунаҳгори ҳодиса мешуд, бигзор ҷазояшро мегирифт. Вале барои ман дардовар аст, ки ӯ сабабгори садама набуда, нисбаташ ноадолатӣ сурат гирифт. Аз ин рӯ, хостам бо истифода аз имконияте, ки рӯзномаи бонуфузи «Ҷумҳурият» барои мо - шаҳрвандон (гӯшаи «Шаҳрванд») додааст, арзамро ирсол намоям. Зеро борҳо хондам, ки нашрия бо таваҷҷуҳ ба номаҳои шаҳрвандон дар ҳалли мусбати бисёр масъалаҳо таъсир гузоштааст. Ва шояд зинаҳои болоии мақомоти судӣ номаи маро аз ин минбар хонанд ва ба ин қазия таваҷҷуҳ карда, ҳақро ба ҳақдор расонанд, зеро ман ба адолати судӣ бовар дорам!     
 
Шамсиддин НАСРИДДИНОВ, 
сокини деҳаи Хӯҷаи Нури Ҷамоати 
деҳоти Боғгаии ноҳияи Муъминобод


Баёни ақида (0)    Санаи нашр: 08.02.2021    №: 28    Мутолиа карданд: 1316
11.06.2021


СУҒД. НАПАРДОХТАНИ ҲАҚҚИ ИСТИФОДАИ ОБ МУШКИЛИ ҲАЛТАЛАБ БОҚӢ МЕМОНАД

08.06.2021


ҲИСОР. Муовини Сарвазир аз иншооти ҷашнӣ дидан кард

КИТОБХОНАҲОИ ХУРДИ САЙЁР ТАҶРИБАИ НАВ ДАР РОҲИ ДОНИШАНДӮЗӢ

САЙЁҲӢ. БАРРАСИИ МАСОИЛИ РУШД МИЁНИ ҶУМҲУРИҲОИ ТОҶИКИСТОН ВА ӮЗБЕКИСТОН

ИҶТИМОИЁТ. НИЁЗМАНДОН ҲАМЕША МАВРИДИ ТАВАҶҶУҲАНД

ТОҶИКИСТОН ВА ӮЗБЕКИСТОН. УФУҚҲОИ НАВИ ҲАМКОРӢ

МАРАФОНИ ВЕЛОСИПЕДРОНӢ БАРГУЗОР МЕШАВАД

«ҶУМҲУРИЯТ» ДАР КОБУЛ. СИПОСИ ЛАШКАРӢ БА РӮЗНОМАИ № 1- И ТОҶИКИСТОН

04.06.2021


ФУТЗАЛ

Путин бори дигар шаҳрвандонро ба эмгузаронӣ даъват намуд

Ҷаҳон дар як сатр

10 ДОВТАЛАБИ БЕҲТАРИН

03.06.2021


ВКХ Чин: «Муносиботи Чин бо Россия дар сатҳи олӣ қарор дорад»

КИТОБИ КОРМАНДИ «ҶУМҲУРИЯТ» БА ЗАБОНИ ӮЗБЕКӢ НАШР ШУД

МИНТАҚАИ КӮЛОБ. ГУРӮҲИ ТАБЛИҒОТӢ НАЗДИКИ 50 ВОХӮРӢ АНҶОМ ДОД

02.06.2021


Лавров: «Россия ба иқдомҳои муғризонаи ИА аксуламал нишон медиҳад»

ҶАҲОН ДАР ЯК САТР

ДАНҒАРА. ҲАДАФ: ҲИФЗИ ҲУҚУҚИ КӮДАКОН

26.05.2021


ЁДБУДИ НАФАСБЕК РАҲМОНӢ

28 май Путин бо Лукашенко вомехӯрад

Ҷаҳон дар як сатр

БОКС

ШУНАВАНДАГОНИ КУРСИ “ЗАН - САРВАР” - И ВМКБ СОҲИБИ ШАҲОДАТНОМА ГАРДИДАНД

25.05.2021


Р А Ш Т. ЁРӢ БА ЗАРАРДИДАГОНИ ВИЛОЯТИ ХАТЛОН

21.05.2021


"ШАБЕ ДАР ОСОРХОНА"-И МИЛЛИИ ТОҶИКИСТОН

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

19.05.2021


ВОХӮРИИ СИРОҶИДДИН МУҲРИДДИН БО ВЛАДИМИР МАКЕЙ

ДАСТРАСӢ БА ИТТИЛООТИ СУДӢ. ҚАБУЛИ ЛОИҲАИ ҚОНУНЕ, КИ МАҚОМОТИ СУДИРО БА ВАО НАЗДИК МЕСОЗАД

ИЗҲОРОТИ ПРЕЗИДЕНТИ РОССИЯ ВЛАДИМИР ПУТИН

ҶАҲОН ДАР ЯК САТР

ФУТБОЛ. ҲАЙАТИ ТИМИ МИЛЛӢ МУАЙЯН ШУД

18.05.2021


ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД БАРГУЗОР МЕШАВАД

ХОВАЛИНГ. ИШТИРОКИ 780 ПАҲЛАВОН ДАР ГӮШТИИ ҶУМҲУРИЯВӢ

ВАРЗИШИ САБУК

ӮЗБЕКИСТОН 10 ИФРОТГАРОРО МЕҶӮЯД


Дар сомонаҳои дигари Тоҷикистон хонед