logo

иқтисод

ДАНҒАРА. НОҲИЯЕ ДАР МАСИРИ РУШД

- Соли 2020 дар ҳаёти сиёсию иқтисодӣ ва иҷтимоии мардуми ноҳияи Данғара воқеан ҳам, дигаргуниҳои куллӣ ба вуқӯъ пайваста, ба пешрафти тамоми соҳаҳои хоҷагии халқ ва беҳбудии рӯзгори сокинон мусоидат кард. Мардуми сарбаланду шарафманди ноҳия дар партави дастуру ҳидоятҳои Пешвои муаззами миллат барои шукуфоии кишвар саъю талош варзида, ба комёбиҳои зиёд ноил гардиданд, - гуфт Раҳмон Исломиддин Хайриддин, раиси ноҳия, дар суҳбат ба хабарнигори «Ҷумҳурият».
 
ИҶРОИ БАРЗИЁДИ БУҶЕТ
Ба иттилои раиси ноҳия, нақшаи даромадҳои буҷети ноҳия, бо назардошти андози иҷтимоии ғайрибуҷетӣ 111,5 фоиз иҷро гардида, ба ҷои 144,1 миллион, 160,6 миллион сомонӣ ба буҷет ворид шуд, ки нисбат ба соли гузашта 16,6 миллион сомонӣ зиёд аст. Қисми хароҷоти буҷети ноҳия, тибқи нақшаи соли сипаришуда 122 миллиону 61 ҳазору 546 сомониро ташкил медиҳад. Қарзи корхонаҳо ва ташкилотҳо аз ҳисоби андозҳо, бо назардошти бақияпулиҳои андози иҷтимоӣ - 8,3 миллион сомониро ташкил дод, ки 278,4 ҳазор сомонӣ кам гардидааст. Инчунин, соли гузашта аз тарафи бонкҳо ва ташкилоти қарзӣ 102,6 миллион сомонӣ қарзҳои хурд дода шуд.
 
ҶАЛБИ БЕШ АЗ 1 МИЛЛИАРД ДОЛЛАР САРМОЯИ ХОРИҶӢ
Бо мақсади рушди соҳибкорӣ, аз тарафи нозироти андоз соли 2020 -ум 1011 соҳибкори инфиродӣ бо патент ва 219 соҳибкор бо шаҳодатнома ба андозбандӣ ҷалб гардида, аз ҳисоби онҳо 1,1 миллион сомонӣ ба буҷет ворид шуд. Дар ноҳия 12 лоиҳаи давлатии сармоягузорӣ амалӣ мегардад, ки маблағи истифодашуда 33,7 миллион доллари амрикоиро ташкил медиҳад. Барномаи рушди иҷтимоию иқтисодии ноҳия барои солҳои 2016-2020 -ум 119 лоиҳаро ба маблағи 685,6 миллион сомонӣ дар бар гирифта, ба ҳолати 1 декабри соли гузашта 60 лоиҳа ба маблағи 478,9 миллион сомонӣ ба иҷро расидааст. Дар ноҳия ҷалби сармояҳои хориҷӣ то имрӯз 1 миллиарду 155 миллиону 27 ҳазор доллари ИМА-ро ташкил медиҳад, ки аз ин 1 миллиарду 49 миллиону 146 ҳазор доллар сармояи мустақим мебошад.
 
АФЗОИШИ КОРХОНАҲОИ САНОАТӢ
Пешвои миллат бо дарки амиқи заминаҳои рушди босуръат ва имкониятҳои мавҷуда саноатикунонии босуръати кишварро ҳадафи чоруми миллӣ эълон намуданд. Рушди ҳамаҷонибаи соҳа дар пешрафти иқтисодиёти кишвар нақши калон дорад. Бо заҳмату талошҳои Сарвари давлат дар мамлакат солҳои охир садҳо корхонаҳои саноатии хурду калон, бо ҷалби сармояи хориҷиву дохилӣ бунёд шудаанд. Тавассути ин иқдом даҳҳо ҳазор сокинони кишвар ба кор таъмин гаштанд.
Бо ин мақсад, дар ноҳияи Данғара, дар самти беҳтар намудани фаъолияти соҳаи саноат тадбирҳои зарурӣ роҳандозӣ мешаванд. Ҳоло дар ноҳия 38 корхонаи саноатӣ фаъолият дорад. Ба пешвози Ҷашни 30 - солагии Истиқлолияти давлатӣ чанде қабл аз ҷониби соҳибкорони ватанӣ боз 4 корхонаи саноатӣ бо таъсиси 56 ҷойи корӣ ба истифода дода шуд. Аз ҷумла, ҶДММ «Саиднизомиддин» (истеҳсоли гӯшти мурғ), маркази хизматрасонии «Зулол», корхонаи коркарди мевагиҳо ва гиёҳҳои шифобахш дар назди хоҷагии деҳқонии «Хуросон» ва марҳилаи дуюми корхонаи истеҳсолии маводҳои бастубанди тиббӣ, косметологӣ ва истифодаи гигиенаи шахсии ҶДММ «Форм-Текс». 
Соли 2020 дар соҳаи саноат ба маблағи 1 миллиарду 672,7 миллион сомонӣ маҳсулот истеҳсол гардид, ки нисбат ба соли 2019-ум 32,6 миллион сомонӣ зиёд мебошад. Инчунин, соли сипаришуда ба ноҳия қабули неруи барқ 184,2 миллион кВт соатро ташкил дод. Ба аҳолӣ ва ташкилоту муассисаҳо 156,6 миллион кВт соат барқ ба маблағи 38,9 миллион сомонӣ дода шуд. Бо мақсади бо барқи доимӣ таъмин намудани аҳолӣ, шабакаҳои барқ дар ҳамкорӣ бо мақомоти иҷроияи маҳаллии ҳокимияти давлатии ноҳия ба маблағи 2 миллиону 113,1 ҳазор сомонӣ корҳои азнавбарқароркунӣ ва сохтмонӣ гузаронд.
 
СОДИРОТИ 3450 ТОННА МАҲСУЛОТИ КИШОВАРЗӢ
Дар ноҳия ба рушди соҳаи кишоварзӣ, самаранок истифода бурдани заминҳо ва таъмини амнияти озуқаворӣ диққати зарурӣ дода мешавад. Ҳаҷми умумии истеҳсоли маҳсулоти кишоварзӣ соли 2020 ба 1 миллиарду 196 миллиону 267,6 ҳазор сомонӣ баробар гардида, афзоиш нисбат ба соли 2019-ум 72 миллион сомонӣ зиёд аст. Дар ин давра дар ҳама бахшҳои хоҷагидорӣ 111 ҳазору 499 тонна ғалладона, 10009 тонна пахта, 13062 тонна картошка, 62 ҳазору 498 сабзавот, 46618 полизӣ, 24868 мевагиҳо, 10632 ангур, 15406 гӯшт, 21555 шир, 21 моҳӣ, 3,9 пилла, 68 тонна асал ва 5 миллиону 667 ҳазору 200 дона тухм истеҳсол гардидааст.
Бо мақсади таъмини аҳолӣ бо сабзавоти барвақтӣ дар 3 гектар гармхонаҳои доимоамалкунанда ва 1,3 гектар мавсимӣ фаъолият намуда, дар ҳамаи шаклҳои хоҷагидорӣ 77 тонна маҳсулоти кишоварзӣ, аз ҷумла помидор, бодиринг ва лимӯ, истеҳсол гардида, ба коҳишёбии нархҳо ва фаровонии бозори дохилӣ мусоидат кард. Содироти маҳсулоти кишоварзӣ ба хориҷи кишвар 3450 тоннаро ташкил дод. Аз маҳсулоти содиротгардида, 318 тонна мевагиҳо, 942 тонна ангур ва 2190 тонна пиёз аст.
- Мақомоти иҷроияи маҳаллии ҳокимияти давлатии ноҳия дар оянда низ дастуру супоришҳои Пешвои миллат муҳтарам Эмомалӣ Раҳмонро ҷиҳати таъмини иҷрои дурнамои истеҳсолӣ, паст кардани сатҳи камбизоатӣ ва пешбурди сиёсати иҷтимоию иқтисодии давлат аз захираву имкониятҳои мавҷуда самаранок истифода менамоянд, - гуфт раиси ноҳия.
 
Холназар КАСИРОВ, «Ҷумҳурият»


Баёни ақида (0)    Санаи нашр: 12.02.2021    №: 32    Мутолиа карданд: 592
30.07.2021


Миёни вазоратҳои корҳои хориҷии Тоҷикистон ва Баҳрайн машварат доир шуд

АЗ НИШАСТҲОИ МАТБУОТӢ

28.07.2021


Санаи сафари давлатии Пешвои миллат ба Туркманистон дақиқ шуд

ФУТЗАЛ

ҶАҲОН ДАР ЯК САТР

Тамринҳои низомӣ дар марз бо Афғонистон бо иштироки 1,5 ҳазор нафар аз се кишвар

АЗ НИШАСТҲОИ МАТБУОТӢ

ҚАЛЪАИ ЯМЧУН БАРҚАРОР МЕГАРДАД

27.07.2021


Бознашри мақола ва мусоҳибаи Президенти Тоҷикистон дар ВАО-и Ӯзбекистон

АЗ НИШАСТҲОИ МАТБУОТӢ

ТОҶИКИСТОН. БЕШ АЗ 80 ДАРСАДИ РОҲБАРОНИ ШИРКАТҲОИ САЙЁҲӢ ҶАВОНОНАНД

Якчанд фармондеҳи "Толибон" дар Афғонистон боздошт шуданд

Варзиш

26.07.2021


МАРКАЗИ МАТБУОТИ ҚӮШУНҲОИ САРҲАДӢ ХАБАР МЕДИҲАД

ХАТЛОН. ТАЪСИСИ 48 КОРХОНАВУ КОРГОҲ ДАР ШАШ МОҲ

АЗ НИШАСТҲОИ МАТБУОТӢ

ММТ. Натиҷаи озмуни тақсимоти асосӣ эълон гардид

Варзиш

AFP: “ИМА амалиётҳои ҳавоиро дар Афғонистон дар сурати ҳамлаҳои нави “Толибон” идома медиҳанд”

Ҷаҳон дар як сатр

ВМКБ. МАҶМӮИ МАҲСУЛОТИ МИНТАҚАВӢ БА 454,2 МИЛЛИОН СОМОНӢ РАСИД

23.07.2021


Ҳушдор аз эҳтимоли омадани селҳои пиряхӣ

АЗ НИШАСТҲОИ МАТБУОТӢ

РАШТ. ҶАВОНМАРДОН БАРОИ ҲИФЗИ САРҲАД ОМОДААНД

ХАТЛОН. МАШҚҲОИ ОМОДАГИИ ҲАРБӢ БО МАҚСАДИ ДИФОЪ АЗ ВАТАН

САРВАЗИРИ МАМЛАКАТ АЗ ҲОЛИ ЗАРАРДИДАГОНИ ОФАТИ ТАБИӢ ДИДАН КАРД

АЗ НИШАСТҲОИ МАТБУОТӢ

21.07.2021


Туҳфаи Пешвои миллат - «Тоҷикон» ба сокинони ноҳияи Ашт

АЗ НИШАСТҲОИ МАТБУОТӢ

Сарвари СҶТ роҳи боздоштани пандемияи коронавирусро ошкор кард

Пирӯзии «Истиқлол» бар «Металлург»

Аз нишастҳои матбуотӣ

Нокомии музокироти Ҳукумати Афғонистон ва ҳаракати «Толибон»

Ҷаҳон дар як сатр

16.07.2021


Рушди сайёҳӣ дар шароити пандемияи COVID- 19 баррасӣ шуд


Дар сомонаҳои дигари Тоҷикистон хонед