logo

иқтисод

ДӮСТӢ ВА ҶАЙҲУН. ТАҚДИМИ 64 ТРАКТОР БА МАҚОМОТИ ХУДФАЪОЛИЯТИ ҶАМЪИЯТӢ

Дар доираи сафари кории Пешвои миллат муҳтарам Эмомалӣ Раҳмон ба вилояти Хатлон кишоварзони ноҳияҳои Дӯстӣ ва Ҷайҳун дар доираи татбиқи лоиҳаи «Дастгирии соҳаи кишоварзӣ дар заминаи ҷомеа» бо маблағгузории Ҳукумати ҷумҳурӣ ва Фонди байналмилалии рушди кишоварзӣ (ФБРК) тавассути Муассисаи давлатии «Маркази идораи лоиҳаи «Рушди чорводорӣ ва чарогоҳҳо» соҳиби трактору таҷҳизоти муосири техникӣ гардиданд.
 
Мақсади асосии таъминоти деҳаҳои зерҳадаф бо техника ва таҷҳизоти кишоварзӣ ин мусоидат дар самаранок истифода бурдани заминҳои корам, сари вақт кишт ва ҷамъоварии зироатҳои кишоварзӣ, ба ин васила баланд бардоштани даромаднокӣ ва маҳсулнокӣ ва беҳтар намудани сатҳи зиндагии аҳолии деҳот мебошад. Дар асоси муқаррароти Қонуни Ҷумҳурии Тоҷикистон «Дар бораи мақомоти худфаъолияти ҷамъиятӣ», марказҳои худфаъолияти ҷамъиятӣ таъсис ёфтанд, ки барои ҳалли мушкилоти деҳаҳо мусоидат менамоянд.
Дар доираи лоиҳа, 8 трактори МТЗ - 80.Х, 2 МТЗ - 892, 19 МТЗ - 82.1, 12 ядак (прицеп), 20 испор, 12 култиватори байниқаторӣ, 3 алафтойбанд, 3 сихмола, 4 алафдарави тракторӣ, 18 дорупошаки дастии муҳаррикдор, 1 молаи чархдор, 1 дорупошаки тракторӣ дастраси кишоварзони ноҳияи Дӯстӣ шуд. Дар асоси дархос-ти марказҳои худфаъолияти ҷамъиятӣ оид ба парвариш ва истеҳсоли маҳсулоти кишоварзӣ як қатор зерлоиҳаҳо амалӣ мегарданд. Аз ҷумла, дар ноҳияи Дӯстӣ 21 мақомоти худфаъолияти ҷамъиятӣ бо дафтари кории мобилӣ ва бастаи таҷҳизоти корӣ: компютер, принтер, ҷевони китобмонӣ ва мизу курсиҳо таъмин гардид. Инчунин, 26 инкубатори чӯҷабарорӣ ва 1680 сар мурғи марҷон бо беш аз 604 ҳазор  кило хӯрока ба 21 гурӯҳи ташаккули даромадовар барои занон (ГТДЗ) тақсим шуданд. 
Ба ноҳияи Ҷайҳун 10 трактори тамғаи МТЗ - 80.Х, 20 МТЗ - 82.1, 5 УТО - 504, 8 ядак, 24 испор, 2 култиватори байниқаторӣ, 2 алафтойбанд, 3 алафдараваки тракторӣ, 2 мотоблоки алафдаравӣ, 1 дорупошаки тракторӣ ва 2 мошинолот барои дарави зироатҳои хӯроки чорво (КИР 1,5) дастрас гашт. Дар асоси лоиҳа, ба 19 мақомоти худфаъолияти ҷамъиятӣ дафтарҳои кории мобилӣ ва бастаи таҷҳизоти корӣ: компютер, принтер, мизу курсӣ ва ҷевонҳои китобмонӣ тақдим гардида, ба 9 гурӯҳи занон 14 инкубатори чӯҷабарорӣ ва 720 сар мурғи марҷон, инчунин, қариб 26 ҳазор кило хӯрока дода шуд.
- Кишоварзони ноҳияҳои Дӯстӣ ва Ҷайҳун ба чунин трактор ва мошинолоти кишоварзии муосир эҳтиёҷ доштанд. Техникаҳои шудгоркунанда ва мошинолоти нави кишоварзӣ барои истифодаи босамари замин ва баланд гардидани ҳосилнокии он мусоидат менамоянд, - мегӯяд Абдулаҳад Хоҷазода, директори МД «Маркази идораи лоиҳаи «Рушди чорводорӣ ва чарогоҳҳо». - Албатта, кишоварзон бо чунин техника кишт, коркард ва ҷамъоварии зироатҳои хӯроки чорворо сари вақт ва бо сифати баланд ба анҷом мерасонанд. Дар самти дастгирии рушди соҳа боз як қатор нақшаҳо тарҳрезӣ гардидаанд, ки дар ҳамкорӣ бо Фонди байналмилалии рушди кишоварзӣ амалӣ мешаванд. 
Раҳмон Дамонов, ҳамоҳангсозӣ лоиҳаи «Дастгирии соҳаи кишоварзӣ дар заминаи ҷомеа», иброз дошт, ки лоиҳа дар 7 шаҳру ноҳияи вилоятҳои Суғду Хатлон ва тобеи ҷумҳурӣ - Деваштич, Шаҳристон, Норак, Дӯстӣ, Ҷайҳун, Рашт ва Тоҷикобод татбиқ мегардад, ки 46 ҳазору 982 хонаводаро фаро мегирад. Ҳадафи он мусоидат ба рушди иқтисодӣ, беҳтар намудани дастрасии ҷомеа ба инфрасохтори истеҳсолии хизматрасонӣ барои истеҳсоли устувори маҳсулоти кишоварзӣ ва баланд бардоштани сатҳи зиндагии аҳолии ниёзманди деҳот мебошад.
Гуфта шуд, ки имкониятҳои табии ноҳияи Дӯстӣ ва Ҷайҳун барои таъмини афзоиши истеҳсоли маҳсулоти кишоварзӣ зиёд аст. Хоҷагидорон метавонанд дар заминаи чунин дастгириҳо майдони киштро васеъ ва парвариши зироату рустаниҳоро дар асоси таҷрибаи муосири илман асоснокшуда ба роҳ монда, афзоиши истеҳсоли маҳсулоти кишоварзии босифатро таъмин кунанд.    

Кароматулло АТО,
“Ҷумҳурият”


Баёни ақида (0)    Санаи нашр: 30.03.2021    №: 62 - 63    Мутолиа карданд: 308
23.06.2021


Ҷаласаи Ситоди ҷумҳуриявӣ оид ба пурзӯр намудани чораҳои зиддиэпидемиявӣ ва пешгирӣ аз интиқолу паҳншавии бемории сироятии COVID – 19

«Толибон» гузаргоҳи асосии марзи Афғонистону Тоҷикистонро тасарруф намуданд

Ҷаҳон дар як сатр

«ДАР СУҲБАТИ ЛОИҚ»

ШАҲРИ ИСТИҚЛОЛ. Корхонаи бузурги металлургӣ барқарор шуд

Рӯйдодҳои илмӣ

ХУҶАНД. ВУСЪАТИ КОРҲОИ ОБОДОНӢ

ВАНҶ: ҶАШНИ МИЛЛӢ ТАНТАНА ХОҲАД ДОШТ

22.06.2021


Путин: «Таҳдиди коронавирус боқист, аммо зарбаи сахти он баргардонда шуд»

Ҷаҳон дар як сатр

ЛИГАИ ОЛӢ

21.06.2021


«TOUR DE TAJIKISTAN». Мусобиқае, ки дастовардҳои кишварро муаррифӣ мекунад

МИНТАҚАИ РАШТ. 51 МИЛЛИОН ҚАРЗИ ИСТИФОДАИ БАРҚ

ШАҲРИ ТУРСУНЗОДА. ДАСТГИРИИ КИШОВАРЗОН БАРОИ СОДИРОТИ АНГУР

ТОҶИКОБОД. САМАРИ ЯК ҲАМКОРӢ

КАЙФАР

70 СОЛ ДАР РОҲИ ОМӮЗИШИ ТАЪРИХ ВА ФАРҲАНГИ МИЛЛАТ

НУРОБОД. ВАҚТЕ КИ ЗАМИН МАҚСАДНОК ИСТИФОДА МЕШАВАД...

11.06.2021


СУҒД. НАПАРДОХТАНИ ҲАҚҚИ ИСТИФОДАИ ОБ МУШКИЛИ ҲАЛТАЛАБ БОҚӢ МЕМОНАД

08.06.2021


ҲИСОР. Муовини Сарвазир аз иншооти ҷашнӣ дидан кард

КИТОБХОНАҲОИ ХУРДИ САЙЁР ТАҶРИБАИ НАВ ДАР РОҲИ ДОНИШАНДӮЗӢ

САЙЁҲӢ. БАРРАСИИ МАСОИЛИ РУШД МИЁНИ ҶУМҲУРИҲОИ ТОҶИКИСТОН ВА ӮЗБЕКИСТОН

ИҶТИМОИЁТ. НИЁЗМАНДОН ҲАМЕША МАВРИДИ ТАВАҶҶУҲАНД

ТОҶИКИСТОН ВА ӮЗБЕКИСТОН. УФУҚҲОИ НАВИ ҲАМКОРӢ

МАРАФОНИ ВЕЛОСИПЕДРОНӢ БАРГУЗОР МЕШАВАД

«ҶУМҲУРИЯТ» ДАР КОБУЛ. СИПОСИ ЛАШКАРӢ БА РӮЗНОМАИ № 1- И ТОҶИКИСТОН

04.06.2021


ФУТЗАЛ

Путин бори дигар шаҳрвандонро ба эмгузаронӣ даъват намуд

Ҷаҳон дар як сатр

10 ДОВТАЛАБИ БЕҲТАРИН

03.06.2021


ВКХ Чин: «Муносиботи Чин бо Россия дар сатҳи олӣ қарор дорад»

КИТОБИ КОРМАНДИ «ҶУМҲУРИЯТ» БА ЗАБОНИ ӮЗБЕКӢ НАШР ШУД

МИНТАҚАИ КӮЛОБ. ГУРӮҲИ ТАБЛИҒОТӢ НАЗДИКИ 50 ВОХӮРӢ АНҶОМ ДОД

02.06.2021


Лавров: «Россия ба иқдомҳои муғризонаи ИА аксуламал нишон медиҳад»

ҶАҲОН ДАР ЯК САТР


Дар сомонаҳои дигари Тоҷикистон хонед