logo

ҳуқуқ

КОРРУПСИЯ. МУБОРИЗАИ ДАСТАҶАМЪӢ НАТИҶАОВАР АСТ

Коррупсия ё худ ришваситонӣ яке аз амалҳои номатлубест, ки ба пешрафту тараққиёти ҷомеа монеа эҷод намуда, рушди соҳаҳои гуногунро бозмедорад. Аз ин рӯ, мубориза бо ин зуҳуроти номатлуб кори дастаҷамъона буда, ҳамкории мақомот бо ҷомеаи шаҳрвандӣ дар ин самт натиҷаҳои мусбат ба бор хоҳанд овард. Яке аз роҳҳои муассири дигар, ин муқовимати пайваста, муназзам, ҳадафманд ва маҷмӯист, ки марҳила ба марҳила амалӣ мегардад.
Бояд гуфт, ки коррупсия ҳамчун зуҳуроти хавфноки ҷамъиятӣ, таърихи тӯлонӣ дорад. Он ҳанӯз дар Бобулистони қадим (нимаи дуюми асри XXIV то мелод) ва қонунҳои машҳури Хаммурапи мавриди баррасӣ қарор гирифта буд. 
Соли 2003 Созмони Милали Муттаҳид бо назардошти он, ки коррупсия ниҳодҳои демократиро  заиф  сохта, ба волоияти қонун латма мезанад ва барои ҷинояткорон баҳри роҳандозии фаъолияти ҷинояткорӣ шароит фароҳам месозад, Конвенсияи алоҳидаи зидди коррупсияро қабул намуд, ки муҳимтарин санади байналмилалӣ дар самти мубориза бо ин зуҳуроти нангин мебошад. Аксари кишварҳои дунё ин ҳуҷҷатро ба тасвиб расонда, ба як ҷузъи таркибии низоми қонунгузории миллиашон табдил додаанд. Ҷумҳурии Тоҷикистон низ бо нишони ҷонибдорӣ аз талошҳои байналмилалӣ дар ҷодаи муқовимат бо коррупсия санади мазкурро 25 сентябри соли 2006 ба тасвиб расонд.
Айни ҳол, ҷиҳати паст намудани шиддати коррупсия дар кишвари мо тадбирҳои судманд андешида шуда, як қатор санадҳои меъёрии ҳуқуқӣ ва дар асоси онҳо барномаҳои давлатӣ қабул гардидаанд. Аз ҷумла, бо Қарори Ҳукумати Ҷумҳурии Тоҷикистон аз 26 январи соли 2008, таҳти № 34 бори аввал барномаи зиддикоррупсионии давлатии “Стратегияи мубориза бо коррупсия дар Ҷумҳурии Тоҷикистон барои солҳои 2008 - 2012” ба тасвиб расида, баъдан бо Фармони Президенти Ҷумҳурии Тоҷикистон аз 30 августи соли 2013, таҳти № 1504 “Стратегияи муқовимат ба коррупсия дар Ҷумҳурии Тоҷикистон барои солҳои 2013 - 2020” қабул гардид. Баҳри амалӣ гаштани мақсаду мароми барномаҳои мазкур Агентии назорати давлатии молиявӣ ва мубориза бо коррупсияи Ҷумҳурии Тоҷикистон тадбирҳои заруриро рӯи даст гирифт.
Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар тамоми вохӯриву мулоқотҳо ва чорабиниҳои сиёсӣ доир ба ин падидаи номатлуб, изҳори нигаронӣ намуда, баҳри пешгирӣ ва бартараф намудани оқибатҳои он дар назди мақомоти ҳифзи ҳуқуқ ва сохторҳои давлатӣ вазифаҳои мушаххас мегузоранд. Аз ҷумла, Пешвои муаззами миллат дар Паёми навбатиашон ба Маҷлиси Олӣ чунин таъкид намуданд: “Коррупсия яке аз монеаҳои ҷиддии рушди босуботи кишвар буда, метавонад боиси коҳиш ёфтани эътибору обрӯи давлат дар арсаи байналмилалӣ ва норизоии шаҳрвандон аз фаъолияти сохтору мақомоти давлатӣ гардад. Дар кишвари мо ҷиҳати пешгирӣ ва аз байн бурдани омилҳои коррупсионӣ ва тавсеаи ҳамкориҳои давлат бо ҷомеаи шаҳрвандӣ заминаҳои дахлдори ҳуқуқиву сохторӣ фароҳам оварда шудаанд”.
Ин нукта бори дигар аз он шаҳодат медиҳад, ки мубориза бо коррупсия ва пешгирии амалҳои коррупсионӣ дар ҷомеа дар авлавияти сиёсати Ҳукумати Ҷумҳурии Тоҷикистон қарор дош-та, ҷиҳати расидан ба ҳадафҳои зиддикоррупсионӣ чораҳои зарурӣ амалӣ карда мешаванд. Яке аз иқдомоти амаливу бунёдӣ дар ин самт, таъсиси ниҳоди махсус - Агентии назорати давлатии молиявӣ ва мубориза бо коррупсияи Ҷумҳурии Тоҷикистон мебошад, ки 13 сол қабл созмон дода шуд. Агентӣ дар тӯли фаъолияти худ ба як қатор дастовардҳо ноил гардида, феълан доираи ҳамкориҳои худро бо дигар мақомоти давлатӣ ва табақаҳои гуногуни ҷомеа тавсеа мебахшад, то дар татбиқи сиёсати зиддикоррупсионии давлату Ҳукумат ба дастовардҳои бештар ноил гардад. 
 
А. Қ. НОСИРӢ, 
сарнозири шуъбаи муқовимат ба коррупсияи раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳри Душанбе, подполковники адлия
 


Баёни ақида (0)    Санаи нашр: 30.03.2021    №: 62 - 63    Мутолиа карданд: 82
07.05.2021


13 МАЙ – РӮЗИ ИДИ САИДИ ФИТР

ИСТАРАВШАН. ЁРИПУЛИИ ПЕШВОИ МИЛЛАТ БА ИШТИРОКЧИЁНИ ҶБВ

СУҒД. ЗАХМИҲОИ ДАРГИРИҲОИ МУСАЛЛАҲОНА ЁРИПУЛӢ ГИРИФТАНД

Ч О Р К Ӯ Ҳ. ОҚИБАТҲОИ МУНОҚИШАИ МАРЗӢ БАРТАРАФ МЕГАРДАНД

06.05.2021


ИСФАРА. КУМАКИ ПЕШВОИ МИЛЛАТ БА ОИЛАҲОИ ШАХСОНИ ФАВТИДА

ЁРИПУЛИҲО БА СОБИҚАДОРОНИ ҶАНГИ БУЗУРГИ ВАТАНӢ

ДЕВОНИ ДУШАНБЕ - ТОШКАНД

ТАВОНОИИ НЕРУГОҲИ БАРҚИ ОБИИ “ҚАЙРОҚҚУМ” БА 176 МЕГАВАТТ МЕРАСАД

ИСТИҚЛОЛ. КӮДАКИСТОНИ ЗАМОНАВӢ БУНЁД МЕШАВАД

“ШАБЕ ДАР ОСОРХОНА”

Изҳороти G7 оид ба тағйирёбии иқлим

Ҷаҳон дар як сатр

ЛИГАИ ОЛӢ

05.05.2021


ШАҲРИ ТУРСУНЗОДА. ТАҚДИМИ КИТОБИ «ТОҶИКОН»

Байден бо Путин вомехӯрад?

ҶАҲОН ДАР ЯК САТР

ТЕКБОЛ. ФЕДЕРАТСИЯИ НАВ ДАР ФАЗОИ ВАРЗИШИИ КИШВАР

«МИЛЛАТЕ МЕЗИСТ ДАР РӮИ ЗАМИН»

ИСФАРА.ВОХӮРӢ БО СОКИНОНИ ДЕҲОТИ ВОРУХ, ЧОРКӮҲ ВА ХОҶАИ АЪЛО

ТОҶИКИСТОН ДАР МИЁНИ СММ ВА СҲШ МАСИРИ НАВИ ҲАМКОРӢ КУШОД

ТИБ ВА ДУРНАМОИ РУШДИ СОҲА. НУФУЗИ БАЙНАЛМИЛАЛИИ ДДТТ БОЛО МЕРАВАД

G7 15 МИЛЛИАРД ДОЛЛАРИ ИМА БАРОИ ТАЪЛИМИ ДУХТАРОН ҶУДО МЕНАМОЯД

ҶАҲОН ДАР ЯК САТР

ЛИГАИ ОЛӢ

САНГВОР. ОМОДАГӢ БА ҶАШНИ МИЛЛӢ ДАР НИГИНИ КӮҲИСТОНИ ТОҶИК

03.05.2021


ҶАЛАСАИ ҲАЙАТҲОИ ҲУКУМАТӢ ОИД БА ДЕЛИМИТАТСИЯ ВА ДЕМАРКАТСИЯИ САРҲАДИ ДАВЛАТӢ

ХУБ ШУД, КИ ЗАН БА ДАВЛАТ ЁР ШУД...

ҲИФЗИ МЕҲНАТ. МУШКИЛЕ, КИ ҲАЛТАЛАБ БОҚӢ МЕМОНАД

САД РАНГИ ЧАКАН

ФУТБОЛ

30.04.2021


БАРРАСИИ ДОИРАИ ВАСЕИ ҲАМКОРИҲОИ ТОҶИКИСТОНУ БОНКИ ҶАҲОНӢ

ПАРЛУМОН. ЧАҲОР ВАКИЛИ НАВ САВГАНД ЁД КАРД

ДДХ. ОҒОЗИ ОЗМУНИ ҶУМҲУРИЯВИИ ”ИЛМ – ФУРӮҒИ МАЪРИФАТ”

28.04.2021


ҶАЛАСАИ ШӮРОИ ВАЗИРОНИ МУДОФИАИ КИШВАРҲОИ УЗВИ СААД БАРГУЗОР ГАРДИД

ИММУНИЗАТСИЯ. ВАКСИНАҲО МОРО БО ҲАМ НАЗДИК МЕКУНАНД


Дар сомонаҳои дигари Тоҷикистон хонед