logo

маориф

ВМКБ. ДАР ОЗМУНҲО ТЕЪДОДИ КАМИ ДОВТАЛАБОН ИШТИРОК НАМУДАНД. ЧАРО?

Мутобиқи Амри Президенти Ҷумҳурии Тоҷикистон ба муносибати истиқболи сазовори Ҷашни 30 – солагии Истиқлолияти давлатӣ ва баланд бардоштани маънавиёти мардум, 2 соли охир дар кишвар озмунҳои "Тоҷикистон – Ватани азизи ман" ва "Фурӯғи субҳи доноӣ китоб аст" баргузор гардида истодаанд, ки дар онҳо намояндагони тамоми минтақаҳои  мамлакат  иштирок мекунанд. Соли 2020 дар Озмуни ҷумҳуриявии "Фурӯғи субҳи доноӣ китоб аст" аз шаҳру ноҳияҳои Вилояти  Мухтори  Кӯҳистони  Бадахшон 1285 нафар иштирок намуд. Озмун дар 4 марҳила идома ёфта, 9 нафар ба даври ҷумҳуриявӣ роҳхат гирифт. Дар сатҳи ҷумҳурӣ хонандаи синфи 6-и муассисаи таҳсилоти миёнаи умумии рақами 11 - и ноҳияи Шуғнон Шоҳина Мабатқадамова аз рӯи номинатсияи адабиёти бачагона ба ҷойи аввал, хонандаи синфи 11-и литсейи Оғохон Шарифамо Одинамамадова аз рӯи номинатсияи адабиёти ҷаҳон ба ҷойи сеюм, 7 хонандаи муассисаҳои таълимии вилоят бо Ифтихорномаи Вазорати маориф ва илми Ҷумҳурии Тоҷикистон ва мукофотҳои пулӣ сарфароз гардиданд. Дар ин бора Назира  Амирбекзода, муовини раиси ВМКБ, дар машварати  васеи  назди  раиси  вилоят иттилоъ дод.
- Тибқи талаботи  Низомномаи Озмуни ҷумҳуриявии "Фурӯғи субҳи доноӣ китоб аст" табақаҳои гуногуни ҷомеа новобаста аз синну сол бояд иштироки фаъолона медоштанд. Мутаассифона, дар ин самт фаъолияти мақомоти иҷроияи маҳаллии ҳокимияти давлатии шаҳру ноҳияҳои вилоят ба таври бояду шояд ба роҳ монда нашуд,- изҳори нигаронӣ кард Назира Амирбекзода ва афзуд,- дар ин росто танҳо заҳмату талоши кормандони соҳаи маорифи шаҳру ноҳияҳо ба назар мерасид. Ин буд, ки  фақат хонандагон дар даврҳои гуногуни озмун сазовори ҷойҳои намоён гаштанд.
Соли сипаригардида аз байни 100 иштирокдори даври вилоятии Озмуни ҷумҳуриявии "Тоҷикистон - Ватани азизи ман" 35 нафар дар ҳайати се дастаи ҳунарӣ дар шаҳри Душанбе маҳорати худро нишон дод. Шогирдони мактаби санъати ноҳияи Рӯшон аз рӯи номинатсияи сарояндагии анъанавӣ сазовори ҷои сеюм, ҳунармандони ноҳияи Ишкошим аз рӯи номинатсияи навозандагии эстрадӣ соҳиби ҷои панҷум шуданд, намояндагони ноҳияи Мурғоб дар номинатсияи анъанавӣ мақоми ифтихорӣ ва дигар иштирокдорон бо Дипломи Ҳукумати Ҷумҳурии Тоҷикистон қадр гаштанд. Дар Озмуни ҷумҳуриявии "Тоҷикистон - Ватани азизи ман" ҳам танҳо саҳми кормандони шуъбаи фарҳанги вилоят ва зерсохторҳои он назаррас буд. Дар ҳар ду озмун дар ҳамаи даврҳо аз шаҳру ноҳияҳои вилоят ҳамагӣ 3 ҳазору 133 довталаб иштирок кард, ки ин қонеъкунанда нест. Муовини  раиси вилоят аз сифати пасти баргузории озмунҳо ва дар зимн иҷрои нокифояи талаботи низомномаи онҳо  изҳори нигаронӣ кард.
Ёдгор Файзов, раиси вилоят, дар робита ба баргузории Озмуни ҷумҳуриявии "Фурӯғи субҳи доноӣ китоб аст" зикр кард, ки на ҳамаи мо дар оғоз ба муҳтаво ва шаҳомати ин чорабинӣ сарфаҳм рафтем. Бо вуҷуди ташвишҳои зиёд, Пешвои миллат, Президенти  кишвар муҳтарам  Эмомалӣ  Раҳмон тамоми рафти чорабиниро тамошо карданд ва нисбат ба баҳогузории ҳайати ҳакамон эрод ҳам гирифтанд. Мутаассифона, раисони шаҳру ноҳияҳои вилоят дар ҷараёни баргузории озмун фаъолона ширкат наварзиданд ва ҳатто, ба он ба таври кофӣ таваҷҷуҳ ҳам надоданд ва дар даври ҷумҳуриявии он танҳо нуҳ довталаб вилоятро  намояндагӣ кард, ки онҳо ҳам хонандагон буданд. Ҳол он ки озмун барои доираи васеи ҷомеа роҳандозӣ шудааст. Устодону донишҷӯёни муассисаҳои таҳсилоти олии Хоруғ низ фаъол набуданд. Зимни баргузории даврҳои озмун хонандагон танҳо аз осори шоирону адибоне, ки аз рӯи барномаҳои  таълимӣ омӯхта мешаванд, баромад намуданд, вақте ки ба онҳо аз ашъори шоирони муосир, бахусус зодагони вилоят савол доданд, ба мушкилӣ мувоҷеҳ шуданд. Минбаъд ҷиҳати омодагии ҳамаҷонибаи ширкаткунандагон, ҷалби оммаи васеи ҷомеа ба озмунҳо, дарёфти сарчашмаҳои ҳавасмандгардонии ғолибон тадбирҳои судманд рӯи даст гирифта шаванд. Ҳамчунин, Ёдгор Файзов аз баргузории озмуни “Тоҷикистон - Ватани азизи ман” натиҷагирӣ намуда, ба масъулон ҷиҳати беҳтар кардани фаъолият дар ин самт дастурҳои мушаххас дод.
 
Раҳмони ГУЛЗОР,  “Ҷумҳурият”


Баёни ақида (0)    Санаи нашр: 08.04.2021    №: 70    Мутолиа карданд: 131
11.06.2021


СУҒД. НАПАРДОХТАНИ ҲАҚҚИ ИСТИФОДАИ ОБ МУШКИЛИ ҲАЛТАЛАБ БОҚӢ МЕМОНАД

08.06.2021


ҲИСОР. Муовини Сарвазир аз иншооти ҷашнӣ дидан кард

КИТОБХОНАҲОИ ХУРДИ САЙЁР ТАҶРИБАИ НАВ ДАР РОҲИ ДОНИШАНДӮЗӢ

САЙЁҲӢ. БАРРАСИИ МАСОИЛИ РУШД МИЁНИ ҶУМҲУРИҲОИ ТОҶИКИСТОН ВА ӮЗБЕКИСТОН

ИҶТИМОИЁТ. НИЁЗМАНДОН ҲАМЕША МАВРИДИ ТАВАҶҶУҲАНД

ТОҶИКИСТОН ВА ӮЗБЕКИСТОН. УФУҚҲОИ НАВИ ҲАМКОРӢ

МАРАФОНИ ВЕЛОСИПЕДРОНӢ БАРГУЗОР МЕШАВАД

«ҶУМҲУРИЯТ» ДАР КОБУЛ. СИПОСИ ЛАШКАРӢ БА РӮЗНОМАИ № 1- И ТОҶИКИСТОН

04.06.2021


ФУТЗАЛ

Путин бори дигар шаҳрвандонро ба эмгузаронӣ даъват намуд

Ҷаҳон дар як сатр

10 ДОВТАЛАБИ БЕҲТАРИН

03.06.2021


ВКХ Чин: «Муносиботи Чин бо Россия дар сатҳи олӣ қарор дорад»

КИТОБИ КОРМАНДИ «ҶУМҲУРИЯТ» БА ЗАБОНИ ӮЗБЕКӢ НАШР ШУД

МИНТАҚАИ КӮЛОБ. ГУРӮҲИ ТАБЛИҒОТӢ НАЗДИКИ 50 ВОХӮРӢ АНҶОМ ДОД

02.06.2021


Лавров: «Россия ба иқдомҳои муғризонаи ИА аксуламал нишон медиҳад»

ҶАҲОН ДАР ЯК САТР

ДАНҒАРА. ҲАДАФ: ҲИФЗИ ҲУҚУҚИ КӮДАКОН

26.05.2021


ЁДБУДИ НАФАСБЕК РАҲМОНӢ

28 май Путин бо Лукашенко вомехӯрад

Ҷаҳон дар як сатр

БОКС

ШУНАВАНДАГОНИ КУРСИ “ЗАН - САРВАР” - И ВМКБ СОҲИБИ ШАҲОДАТНОМА ГАРДИДАНД

25.05.2021


Р А Ш Т. ЁРӢ БА ЗАРАРДИДАГОНИ ВИЛОЯТИ ХАТЛОН

21.05.2021


"ШАБЕ ДАР ОСОРХОНА"-И МИЛЛИИ ТОҶИКИСТОН

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

19.05.2021


ВОХӮРИИ СИРОҶИДДИН МУҲРИДДИН БО ВЛАДИМИР МАКЕЙ

ДАСТРАСӢ БА ИТТИЛООТИ СУДӢ. ҚАБУЛИ ЛОИҲАИ ҚОНУНЕ, КИ МАҚОМОТИ СУДИРО БА ВАО НАЗДИК МЕСОЗАД

ИЗҲОРОТИ ПРЕЗИДЕНТИ РОССИЯ ВЛАДИМИР ПУТИН

ҶАҲОН ДАР ЯК САТР

ФУТБОЛ. ҲАЙАТИ ТИМИ МИЛЛӢ МУАЙЯН ШУД

18.05.2021


ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД БАРГУЗОР МЕШАВАД

ХОВАЛИНГ. ИШТИРОКИ 780 ПАҲЛАВОН ДАР ГӮШТИИ ҶУМҲУРИЯВӢ

ВАРЗИШИ САБУК

ӮЗБЕКИСТОН 10 ИФРОТГАРОРО МЕҶӮЯД


Дар сомонаҳои дигари Тоҷикистон хонед