logo

фарҳанг

РӮЗГОРЕ БАРОИ ИБРАТ

Дӯстмурод Алиев, яке аз ахтарони дурахшони осмони ҳунари миллати тоҷики садаи гузашта маҳсуб меёбад. Ӯ 19 апрели соли 1950 дар деҳаи Кабкрези (собиқ Муллобарот) ноҳияи Файзобод чашм ба олами ҳастӣ во намуда, хурсандии аҳли хонаводаро дучанд гардонд. 
Меҳру муҳаббати сурудхонӣ аз овони хурдсолӣ дар дили ӯ ҷой гирифта,  овози ҷаззоб ва марғуладораш ӯро машҳур кард. Садои форамаш ҳанӯз вақти мактабхонияш ба дили сомеон роҳ ёфта буд. Ӯ пайваста дар озмунҳои ноҳиявӣ ва ҷумҳуриявӣ иштирок карда, маҳорати овозхонии худро сайқал медод ва сурудҳои тоза ба тоза эҷод мекард. Ҳамин буд, ки баҳри сайқали ҳунараш соли 1970 ба Донишкадаи давлатии санъати Тоҷикистон ба номи Мирзо Турсунзода дохил шуда, онро соли 1974 хатм намуд. 
Баъди хизмати ҳарбӣ корро дар мактаби мусиқии бачагонаи зодгоҳ ба ҳайси муаллими рубоб оғоз кард. 
Тӯли солҳои донишҷӯияш оҳангҳои дилнишине эҷод кардааст.  “Дар миёни маҳфиле”, “Комсомоли ленинӣ” ва “Туро нашнохта будам” аз қабили онҳост.
Дӯстмурод Алиев аввалин консерти худро дар театри тобистонаи шаҳри Душанбе доир кард. Дар он ҷо даҳҳо суруду оҳангҳои навро аз садоқат ва ишқ ба Ватан ба мухлисонаш тақдим намуд. 
Заҳматҳои шоёни ӯ дар рушду нумуи санъати овозхонӣ соли 1978 бо унвони Ҳофизи халқии Тоҷикистон қадр гардид. 
Ӯ ҳамчун мураббӣ ва омӯзгори дурбин нозукиҳои санъати мусиқии касбии тоҷикро ба таълимгирандагон меомӯзонд. Устод ба шогирдон мегуфт: “Мусиқие, ки ба гӯш мерасад, ҳанӯз мусиқии асил нест ва умри кӯтоҳ дорад. Мусиқии асил онест, ки аввал дар қалб хона карда, баъд ба гӯш мерасад”.
Дӯстмурод Алиев ба ҷуз сарояндагию оҳангсозӣ ва омӯзгори асил буданаш дар офаридани нақшҳои драмавӣ низ маҳорати шоиста дошт. Қариб дар ҳама спектаклҳое, ки дар саҳнаи театри халқии ноҳияи Файзобод гузошта мешуданд, иштирок мекард. 
Дар офаридани образҳои мукаммал маҳорати хосса нишон медод. Нақшҳои мазҳакавиро низ бо маҳорати баланд иҷро мекард, аз ҷумла дар намоишҳои “Уқоби қавибол” ва “Фузайл Махсум”, ки онҳоро коргардон Исматулло Мирзоев ба саҳна гузошта буд, нақш бозидааст. Дар намоишҳои “Фармони Кадушоҳ” ва “Эшони Иллоанта” низ моҳирона нақш офаридааст.
Дӯстмурод Алиев, ҳамчунин, шикор ва моҳигириро меписандид, кӯҳгардӣ ва дар оғӯши табиати биҳиштосои диёраш сайр карданро дӯст медошт. Аз манзараҳои нотакрори кишвар илҳом гирифта, оҳангҳои ҷаззобу дилнишин эҷод мекард. 
Аз фарзандонаш Наврӯз касби падарро интихоб намудааст. Пас аз хатми мактаб - интернати миёнаи махсуси санъати ҷумҳуриявии ба номи Миратулло Атоев алҳол дар Ансамбли давлатии “Дарё”- и Кумитаи телевизион ва радиои ҷумҳурӣ фаъолият менамояд.
Мактаби санъати ноҳияи Файзобод ва як ҷамоати деҳот номи Дӯстмурод Алиевро дорад. Лавҳаи хотира дар маркази ноҳия, ҳамчунин, рӯбарӯи деҳаи Кабкрез, канори роҳи Душанбе - Хоруғ нимпайкараи овозхони хушадо назар мерабояд ва дутораш  мавҷуд аст. Дар назди ҷамоат осорхонаи устод ҷойгир аст. Дар он асбобҳои мусиқӣ, сарулибоси сароянда, аксҳои хотиравӣ, диплому ифтихорномаҳояш нигоҳ дошта мешаванд. Осорхона зиёратгоҳи мардум  гаштааст. 
 
З. РАҶАБ, “Ҷумҳурият”


Баёни ақида (0)    Санаи нашр: 26.04.2021    №: 82 - 83    Мутолиа карданд: 563
23.06.2021


Ҷаласаи Ситоди ҷумҳуриявӣ оид ба пурзӯр намудани чораҳои зиддиэпидемиявӣ ва пешгирӣ аз интиқолу паҳншавии бемории сироятии COVID – 19

«Толибон» гузаргоҳи асосии марзи Афғонистону Тоҷикистонро тасарруф намуданд

Ҷаҳон дар як сатр

«ДАР СУҲБАТИ ЛОИҚ»

ШАҲРИ ИСТИҚЛОЛ. Корхонаи бузурги металлургӣ барқарор шуд

Рӯйдодҳои илмӣ

ХУҶАНД. ВУСЪАТИ КОРҲОИ ОБОДОНӢ

ВАНҶ: ҶАШНИ МИЛЛӢ ТАНТАНА ХОҲАД ДОШТ

22.06.2021


Путин: «Таҳдиди коронавирус боқист, аммо зарбаи сахти он баргардонда шуд»

Ҷаҳон дар як сатр

ЛИГАИ ОЛӢ

21.06.2021


«TOUR DE TAJIKISTAN». Мусобиқае, ки дастовардҳои кишварро муаррифӣ мекунад

МИНТАҚАИ РАШТ. 51 МИЛЛИОН ҚАРЗИ ИСТИФОДАИ БАРҚ

ШАҲРИ ТУРСУНЗОДА. ДАСТГИРИИ КИШОВАРЗОН БАРОИ СОДИРОТИ АНГУР

ТОҶИКОБОД. САМАРИ ЯК ҲАМКОРӢ

КАЙФАР

70 СОЛ ДАР РОҲИ ОМӮЗИШИ ТАЪРИХ ВА ФАРҲАНГИ МИЛЛАТ

НУРОБОД. ВАҚТЕ КИ ЗАМИН МАҚСАДНОК ИСТИФОДА МЕШАВАД...

11.06.2021


СУҒД. НАПАРДОХТАНИ ҲАҚҚИ ИСТИФОДАИ ОБ МУШКИЛИ ҲАЛТАЛАБ БОҚӢ МЕМОНАД

08.06.2021


ҲИСОР. Муовини Сарвазир аз иншооти ҷашнӣ дидан кард

КИТОБХОНАҲОИ ХУРДИ САЙЁР ТАҶРИБАИ НАВ ДАР РОҲИ ДОНИШАНДӮЗӢ

САЙЁҲӢ. БАРРАСИИ МАСОИЛИ РУШД МИЁНИ ҶУМҲУРИҲОИ ТОҶИКИСТОН ВА ӮЗБЕКИСТОН

ИҶТИМОИЁТ. НИЁЗМАНДОН ҲАМЕША МАВРИДИ ТАВАҶҶУҲАНД

ТОҶИКИСТОН ВА ӮЗБЕКИСТОН. УФУҚҲОИ НАВИ ҲАМКОРӢ

МАРАФОНИ ВЕЛОСИПЕДРОНӢ БАРГУЗОР МЕШАВАД

«ҶУМҲУРИЯТ» ДАР КОБУЛ. СИПОСИ ЛАШКАРӢ БА РӮЗНОМАИ № 1- И ТОҶИКИСТОН

04.06.2021


ФУТЗАЛ

Путин бори дигар шаҳрвандонро ба эмгузаронӣ даъват намуд

Ҷаҳон дар як сатр

10 ДОВТАЛАБИ БЕҲТАРИН

03.06.2021


ВКХ Чин: «Муносиботи Чин бо Россия дар сатҳи олӣ қарор дорад»

КИТОБИ КОРМАНДИ «ҶУМҲУРИЯТ» БА ЗАБОНИ ӮЗБЕКӢ НАШР ШУД

МИНТАҚАИ КӮЛОБ. ГУРӮҲИ ТАБЛИҒОТӢ НАЗДИКИ 50 ВОХӮРӢ АНҶОМ ДОД

02.06.2021


Лавров: «Россия ба иқдомҳои муғризонаи ИА аксуламал нишон медиҳад»

ҶАҲОН ДАР ЯК САТР


Дар сомонаҳои дигари Тоҷикистон хонед