logo

иҷтимоиёт

АЗ РӮЗҲОИ САХТИ БЕМОРДОРӢ

Бисёр мутаассифам, ки аз бадрафтории кормандони беморхонае сухан мегӯям, ки замоне бо чеҳраи шукуфон беморонро қабул мекарданд. Дар бораи муомилаи табибони номдори ноҳияи Фархор бисёр мегуфтанд, аммо мақоли халқие ҳаст: «То хор дар поят нахалад, сӯзишашро эҳсос намекунӣ». 10 феврали соли равон, духтарамро дар ҳолати вазнин ба беморхона овардем. Дидан баробар гуфтанд, ки тифли батнаш мурдааст. Аз ин рӯ, ташхиси  ултрасадо ҳатмист. Бо чунин вазъ, 15 - 20 дақиқа духтури ташхисгарро мунтазир шудем, ки барои ба кор таъмин намудани нафаре бо касе дар тамоси телефонӣ буд. Баъди чандин маротиба гӯшрас намудани ҳамшира, ки беморамон дар ҳоли вазнин аст, бо беҳавсалагии том қадам ранҷа кард. Ин ҳам дарди ба хайр. Доруе, ки харида будем, баргардонданд. Гуфтанд, ки маводи дорувориро аз фалон дорухона харед. Аммо он дорухона аз беморхона қариб 1,5  километр дур буд. Чун духтур ҳаминро хост, худ, ки 6 моҳ пеш ҷарроҳии сутунмуҳра шуда будам, бо азобе то дорухона рафта доруҳои фармудаи духтурро харида овардам, ҳарчанд нархи ин доруҳо аз доруҳои пешина 19 сомонӣ қимат бошанд ҳам. Медонед, барои чӣ? Барои он ки ин дорухона ба ҳамон табиб дахл доштааст ва ӯ нахостааст, ки пули бемораш бегона шавад. Инро ҳам медонам, ки мо аввалин не, шояд садҳо нафари дигаре ҳам ба чунин ҳол рӯ ба рӯ шуда бошанд. Агар кӯдак солим ба дунё меомад, шояд ин чизҳо дар назарамон наменамуд, - гуфт модари бемор Гуландом Сатторова.  
 
МУНОСИБАТИ ДУРУШТ БО БЕМОРОН
Ҳоли беморамон ниҳоят вазнин буд. Хунаш бисёр рафт.  Аз ин рӯ, табибон гуфтанд, ки ҳатман бояд хун гузаронем. Вале дар беморхонаи марказии ноҳияи Фархор хун пайдо нашуд, маҷбур роҳи шаҳри Кӯлобро пеш гирифтем.  Боз мегӯям, ки инаш ҳам дарди бахайр! Духтурон бояд пайваста таҳлили хун анҷом медоданд, то фаҳманд вазъи бемор ба ҳолати муқаррарӣ баргаштааст ё не. Мутаассифона, кормандони маркази таҳлили хуни беморхонаи мазкур аз рӯи мақоли «худам шоҳу табъам вазир» - бо мардум муносибат мекунанд. Новобаста ба аҳволи бемор, то маблағи расид (чек) - ро нагиранд, таҳлили хун анҷом намедиҳанд. Ҳолатҳое шуд, ки баъди соатҳо барои таҳлили хун намеомаданд. Шахсан чанд маротиба наздашон рафтам, ки 1 соат гузашт ё 30 дақиқа гузашт, чаро намеоед. Бо овози баланд дод зада мегуфтанд: «Барои як нафар боло намебароем, якчанд нафар шаванд, баъд меравем». Чунин рафтор ба ягон чорчӯбаи одамгарӣ рост намеояд. Худо накарда дар чунин ҳол беморро аз даст диҳанд, кӣ ҷавоб мегӯяд? 
 
БЕМОРХОНА Ё ҒОРАТХОНА?
Рӯзҳои аввал диққат надодам, чун фикрам дар бемор буд. Баъдан мушоҳида намудам, ки парасторҳое, ки барои тозагии беморхона ба навбат назди дари даромад менишинанд, мардумро ғорат менамоянд. Вазифаи онҳо рафтуомадро ба тартиб даровардан асту мардумро бе  бахил иҷозаи вуруд надодан. Бояд гӯям, ки чунон ба «савдои» худ банд ҳастанд, ки тоза намудани роҳравҳоро низ фаромӯш мекунанд. Ҳатто барои онҳо дигар муҳим нест, ки бахилро ба пой мекунанд ё не! Муҳим он аст, ки пулашро супорӣ! Пулро барои бахили чандин маротиба истифодашуда месупорӣ. Пули бахил, ки аз партов ҷамъ намудаанд, барояшон аз тозагӣ дида муҳимтар аст. 
 
КӢ БОЯД ИН МУШКИЛОТРО ҲАЛ СОЗАД
Бисёр бо таассуф мегӯям, ки беморхонаи марказии ноҳияи Фархор шояд аз сад яки чунин беморхонаҳое бошад, ки мардум ҳамарӯза бо чунин мушкилот рӯ ба рӯ мешаванд. Албатта, - гуфт модари бемор, -  дар байни табибон ҳастанд нафароне, ки аз рӯйи виҷдон кор мекунанд, ба мисли Мадина Ҳасанзода. Мақоли халқие ҳаст: «Бо як гул баҳор намешавад». Аммо, ман мегӯям, ки бо як гул ҳам баҳор мешавад, чун баромадани як гул худ нишони омадани баҳор аст. Бовар дорам, ки чунин гулҳо низ дар мақомоти дахлдор, яъне Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ҳастанд ва барои бартараф намудани мушкилоти ҷойдошта дар ин беморхона бо иқдомоти воқеии худ садо рӯшан мекунанд.
 
Лола РИЗОӢ,  «Ҷумҳурият» 
 


Баёни ақида (0)    Санаи нашр: 04.05.2021    №: 89    Мутолиа карданд: 474
11.06.2021


СУҒД. НАПАРДОХТАНИ ҲАҚҚИ ИСТИФОДАИ ОБ МУШКИЛИ ҲАЛТАЛАБ БОҚӢ МЕМОНАД

08.06.2021


ҲИСОР. Муовини Сарвазир аз иншооти ҷашнӣ дидан кард

КИТОБХОНАҲОИ ХУРДИ САЙЁР ТАҶРИБАИ НАВ ДАР РОҲИ ДОНИШАНДӮЗӢ

САЙЁҲӢ. БАРРАСИИ МАСОИЛИ РУШД МИЁНИ ҶУМҲУРИҲОИ ТОҶИКИСТОН ВА ӮЗБЕКИСТОН

ИҶТИМОИЁТ. НИЁЗМАНДОН ҲАМЕША МАВРИДИ ТАВАҶҶУҲАНД

ТОҶИКИСТОН ВА ӮЗБЕКИСТОН. УФУҚҲОИ НАВИ ҲАМКОРӢ

МАРАФОНИ ВЕЛОСИПЕДРОНӢ БАРГУЗОР МЕШАВАД

«ҶУМҲУРИЯТ» ДАР КОБУЛ. СИПОСИ ЛАШКАРӢ БА РӮЗНОМАИ № 1- И ТОҶИКИСТОН

04.06.2021


ФУТЗАЛ

Путин бори дигар шаҳрвандонро ба эмгузаронӣ даъват намуд

Ҷаҳон дар як сатр

10 ДОВТАЛАБИ БЕҲТАРИН

03.06.2021


ВКХ Чин: «Муносиботи Чин бо Россия дар сатҳи олӣ қарор дорад»

КИТОБИ КОРМАНДИ «ҶУМҲУРИЯТ» БА ЗАБОНИ ӮЗБЕКӢ НАШР ШУД

МИНТАҚАИ КӮЛОБ. ГУРӮҲИ ТАБЛИҒОТӢ НАЗДИКИ 50 ВОХӮРӢ АНҶОМ ДОД

02.06.2021


Лавров: «Россия ба иқдомҳои муғризонаи ИА аксуламал нишон медиҳад»

ҶАҲОН ДАР ЯК САТР

ДАНҒАРА. ҲАДАФ: ҲИФЗИ ҲУҚУҚИ КӮДАКОН

26.05.2021


ЁДБУДИ НАФАСБЕК РАҲМОНӢ

28 май Путин бо Лукашенко вомехӯрад

Ҷаҳон дар як сатр

БОКС

ШУНАВАНДАГОНИ КУРСИ “ЗАН - САРВАР” - И ВМКБ СОҲИБИ ШАҲОДАТНОМА ГАРДИДАНД

25.05.2021


Р А Ш Т. ЁРӢ БА ЗАРАРДИДАГОНИ ВИЛОЯТИ ХАТЛОН

21.05.2021


"ШАБЕ ДАР ОСОРХОНА"-И МИЛЛИИ ТОҶИКИСТОН

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

19.05.2021


ВОХӮРИИ СИРОҶИДДИН МУҲРИДДИН БО ВЛАДИМИР МАКЕЙ

ДАСТРАСӢ БА ИТТИЛООТИ СУДӢ. ҚАБУЛИ ЛОИҲАИ ҚОНУНЕ, КИ МАҚОМОТИ СУДИРО БА ВАО НАЗДИК МЕСОЗАД

ИЗҲОРОТИ ПРЕЗИДЕНТИ РОССИЯ ВЛАДИМИР ПУТИН

ҶАҲОН ДАР ЯК САТР

ФУТБОЛ. ҲАЙАТИ ТИМИ МИЛЛӢ МУАЙЯН ШУД

18.05.2021


ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД БАРГУЗОР МЕШАВАД

ХОВАЛИНГ. ИШТИРОКИ 780 ПАҲЛАВОН ДАР ГӮШТИИ ҶУМҲУРИЯВӢ

ВАРЗИШИ САБУК

ӮЗБЕКИСТОН 10 ИФРОТГАРОРО МЕҶӮЯД


Дар сомонаҳои дигари Тоҷикистон хонед