logo

иқтисод

ХУРОСОН. АВЛАВИЯТ БА БЕҲБУДИ ШУҒЛИ АҲОЛӢ

Бо ҷойи кор таъмин кардани шаҳрвандони корҷӯ, расондани ёрии молиявӣ ба шахсони бекор ва ташкили ярмаркаҳои вижа аз ҳадафҳои меҳварии Ҳукумати Ҷумҳурии Тоҷикистон маҳсуб меёбанд. Давоми се моҳи соли ҷорӣ 322 сокини ноҳияи Хуросон барои пайдо намудани ҷойи кор ба шуъбаи Агентии меҳнат ва шуғли аҳолӣ муроҷиат кардааст. Аз онҳо 264 нафар (103 зан) ҳамчун бекор ба қайд гирифта шуд. Дар ин муддат 246 корҷӯ дар соҳаҳои гуногуни хоҷагии халқ бо ҷойи кор таъмин гашт. Тибқи нақша, то охири сол қариб 900 ҷойи кори нав таъсис меёбад.
 
Тавре сардори шуъбаи Агентии меҳнат ва шуғли аҳолӣ дар ноҳия Қурбон Давлатов ба «Ҷумҳурият» иттилоъ дод, тайи се моҳ 20 сарбози аз сафи Қувваҳои Мусаллаҳи Тоҷикистон рухсатшуда 9 ҳазору 400 сомонӣ, 3 шахси аз маҳбас озодшуда 1200 сомонӣ ва 1 шахси аз ҷойи кор озодшуда ба маблағи 1077 сомонӣ ёрипулӣ гирифт. 
Масъалаи дигаре, ки дар асоси қарори раиси ноҳия ва бо мусоидати шуъбаи агентӣ ҳалли худро меёбад, ин бо ҷойи кор таъмин кардани шахсони эҳтиёҷманд, ки дар бозори меҳнат рақобат карда наметавонанд. Дар ин росто 25 эҳтиёҷманд ва занони серфарзанд дар ҳамкорӣ бо мақомоти иҷроияи маҳаллии ҳокимияти давлатии ноҳия дар муассисаҳои таълимӣ, тандурустӣ ва бештар дар соҳаи кишоварзӣ кори доимӣ пайдо карданд, ки 33 дарсади нақшаи солонаро ташкил медиҳад.
Бо мақсади боз ҳам бештар ба шуғл фаро гирифтани корҷӯён шуъбаи Агентии меҳнат ва шуғли аҳолӣ дар ноҳия аз имкониятҳои мавҷуда самаранок истифода намуда, дар се моҳ чор ярмаркаи ҷойҳои кории холӣ ва вазифаҳои озод баргузор намуд. Дар онҳо 8 корхонаю муассиса ва корфармо иштирок карда, ба корҷӯён қариб 200 ҷойи кори холӣ ва вазифаҳои озодро пешниҳод карданд. Тавассути ярмаркаи ҷойҳои кории холӣ ва вазифаҳои озод 41 сокини маҳаллӣ соҳиби кори доимӣ, мавсимӣ ва муваққатӣ гардид. 80 шаҳрванд барои касбомӯзӣ роҳхат гирифт ва 20 кас ба корҳои ҷамъиятии музднок сафарбар гашт. 
Барои рушди соҳибкорӣ 7 бекор ба маблағи 26 ҳазору 700 сомонӣ қарзи имтиёзнок гирифт. Онҳо айни замон ба соҳибкорию чорвопарварӣ ва дар бахшҳои дигар фаъолият доранд.
Барои ба касбомӯзӣ фаро гирифтани шаҳрвандони бекор, ки ягон ихтисос надоранд ва ҷиҳати дарёфти ҷои корӣ душворӣ мекашанд, аз тарафи шуъбаи агентӣ дар ҳамаи деҳот овезаҳо оид ба касбомӯзӣ насб шудаанд. Аз тарафи кормандони шуъба дар хусуси нақшаи иловагии ташкили касбомӯзӣ ба таври худмаблағгузорӣ корҳои фаҳмондадиҳӣ бурда мешаванд. 
- Бо мақсади эҳёи ҳунарҳои мардумӣ, ҷалби бонувон ва ҷавонон ба омӯзиши касбу ҳунар ва бо ҷойи кор таъмин намудани онҳо дар шаҳраку деҳоти ноҳия 100 нафар аз рӯйи ихтисосҳои гуногун ба омӯзиши курсҳои кӯтоҳмуддат, аз ҷумла дӯзандагӣ 35, қолинбофӣ 20, кафшергари газию барқӣ 15, ошпаз 15 ва асосҳои омӯзиши компютер 15 кас ҷалб шуда, 10 нафар тариқи худмаблағгузорӣ соҳибкасб гардид, - гуфт Қурбон Давлатов.
Мақомоти иҷроияи маҳаллии ҳокимияти давлатии ноҳияи Хуросон дар доираи дастуру ҳидоятҳои Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон кӯшиш дорад, ки бо истифода аз ҳамаи имкониятҳо боз ҳам ҷойҳои нави кор таъсис дода, ба ин васила, сатҳи зиндагии мардумро баланд бардорад.      
 
Кароматулло АТО, 
«Ҷумҳурият»


Баёни ақида (0)    Санаи нашр: 05.05.2021    №: 90    Мутолиа карданд: 626
11.06.2021


СУҒД. НАПАРДОХТАНИ ҲАҚҚИ ИСТИФОДАИ ОБ МУШКИЛИ ҲАЛТАЛАБ БОҚӢ МЕМОНАД

08.06.2021


ҲИСОР. Муовини Сарвазир аз иншооти ҷашнӣ дидан кард

КИТОБХОНАҲОИ ХУРДИ САЙЁР ТАҶРИБАИ НАВ ДАР РОҲИ ДОНИШАНДӮЗӢ

САЙЁҲӢ. БАРРАСИИ МАСОИЛИ РУШД МИЁНИ ҶУМҲУРИҲОИ ТОҶИКИСТОН ВА ӮЗБЕКИСТОН

ИҶТИМОИЁТ. НИЁЗМАНДОН ҲАМЕША МАВРИДИ ТАВАҶҶУҲАНД

ТОҶИКИСТОН ВА ӮЗБЕКИСТОН. УФУҚҲОИ НАВИ ҲАМКОРӢ

МАРАФОНИ ВЕЛОСИПЕДРОНӢ БАРГУЗОР МЕШАВАД

«ҶУМҲУРИЯТ» ДАР КОБУЛ. СИПОСИ ЛАШКАРӢ БА РӮЗНОМАИ № 1- И ТОҶИКИСТОН

04.06.2021


ФУТЗАЛ

Путин бори дигар шаҳрвандонро ба эмгузаронӣ даъват намуд

Ҷаҳон дар як сатр

10 ДОВТАЛАБИ БЕҲТАРИН

03.06.2021


ВКХ Чин: «Муносиботи Чин бо Россия дар сатҳи олӣ қарор дорад»

КИТОБИ КОРМАНДИ «ҶУМҲУРИЯТ» БА ЗАБОНИ ӮЗБЕКӢ НАШР ШУД

МИНТАҚАИ КӮЛОБ. ГУРӮҲИ ТАБЛИҒОТӢ НАЗДИКИ 50 ВОХӮРӢ АНҶОМ ДОД

02.06.2021


Лавров: «Россия ба иқдомҳои муғризонаи ИА аксуламал нишон медиҳад»

ҶАҲОН ДАР ЯК САТР

ДАНҒАРА. ҲАДАФ: ҲИФЗИ ҲУҚУҚИ КӮДАКОН

26.05.2021


ЁДБУДИ НАФАСБЕК РАҲМОНӢ

28 май Путин бо Лукашенко вомехӯрад

Ҷаҳон дар як сатр

БОКС

ШУНАВАНДАГОНИ КУРСИ “ЗАН - САРВАР” - И ВМКБ СОҲИБИ ШАҲОДАТНОМА ГАРДИДАНД

25.05.2021


Р А Ш Т. ЁРӢ БА ЗАРАРДИДАГОНИ ВИЛОЯТИ ХАТЛОН

21.05.2021


"ШАБЕ ДАР ОСОРХОНА"-И МИЛЛИИ ТОҶИКИСТОН

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

19.05.2021


ВОХӮРИИ СИРОҶИДДИН МУҲРИДДИН БО ВЛАДИМИР МАКЕЙ

ДАСТРАСӢ БА ИТТИЛООТИ СУДӢ. ҚАБУЛИ ЛОИҲАИ ҚОНУНЕ, КИ МАҚОМОТИ СУДИРО БА ВАО НАЗДИК МЕСОЗАД

ИЗҲОРОТИ ПРЕЗИДЕНТИ РОССИЯ ВЛАДИМИР ПУТИН

ҶАҲОН ДАР ЯК САТР

ФУТБОЛ. ҲАЙАТИ ТИМИ МИЛЛӢ МУАЙЯН ШУД

18.05.2021


ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД БАРГУЗОР МЕШАВАД

ХОВАЛИНГ. ИШТИРОКИ 780 ПАҲЛАВОН ДАР ГӮШТИИ ҶУМҲУРИЯВӢ

ВАРЗИШИ САБУК

ӮЗБЕКИСТОН 10 ИФРОТГАРОРО МЕҶӮЯД


Дар сомонаҳои дигари Тоҷикистон хонед