logo

туризм

САЙЁҲИИ ДОХИЛӢ. МАРҲИЛАИ НАВИ РУШД

Нимаи дуюми соли 2020, бинобар пандемияи коронавируси навъи нав дар ҷаҳон ва таъсири бесобиқаи он ба соҳаи сайёҳӣ сайёҳии дохилӣ ягона самте гардид, ки соҳаро аз таназзул боздошт. Ҷаҳонгардон дар ин давра сайр дар кишвари худро интихоб карданд. Чун дар Тоҷикистон ҳиссаи сайёҳии дохилӣ назар ба сайёҳии воридотӣ кам буд, ширкатҳои сайёҳӣ дар ин самт мушкилӣ кашиданд, вале мардум бевосита, бо истифода аз фурсат, бо мароқ дидан аз маконҳои сайёҳиро ихтиёр карданд.
Сабаби инро Руслан Ҳамроқулов, директори иҷроияи ширкати сайёҳии «Ориён Адвентур» дар кам будани рекламаи дохилӣ ва нарасидани шароити мардум барои гирифтани тур ба ягон самте маънидод мекунад. Ба гуфтаи ӯ, гарчанд сайёҳии дохилӣ дар Тоҷикистон ба қадри дигар кишварҳои пешрафта аз лиҳози сайёҳӣ пешрафта набошад ҳам, пешравиҳоро дар ин самт набояд нодида гирифт. Имрӯзҳо назар ба солҳои 2013-2014-ву 2015 қариб ҳамарӯза гурӯҳи истироҳаткунандагонро дар манконҳои сайёҳӣ, аз қабили Искандаркӯл, Ҳафткӯл, Чилучорчашма, Чилдухтарон, Сари Хосор метавон вохӯрд, ки гувоҳ аз рушди бомароми сайёҳии дохилӣ дар мамлакат мебошад. 
Мувофиқи маълумоти Кумитаи рушди сайёҳии назди Ҳукумати Ҷумҳурии Тоҷикистон  солҳои қаблӣ сайёҳии дохилӣ дар ММД тахминан 0,3%-и даромадро ташкил медод. Яъне, аз ҳисоби сайёҳии дохилӣ ба буҷети мамлакат дар доираи 2-3 миллион доллар маблағ ворид мешуд. Дар соли 2020 таносубан ин нишондиҳанда кам шуд, зеро ширкатҳои сайёҳӣ имконияти ташкили сайёҳии дохилиро ҳамчун самти фоиданок надиданд. Бино ба гуфтаи Абдукарим Қурбонов, мудири бахши котиботи Кумитаи рушди сайёҳӣ, алҳол кумита дар ҳамкорӣ бо ширкатҳои сайёҳӣ самтҳои афзалиятноки рушди соҳаро баррасӣ намуда, барои пешрафти минбаъда нақшаҳои мушаххас таҳия намудааст, ки фаъолият аз рӯйи онҳо ба рушди сайёҳии дохилӣ дар кишвар суръат мебахшад. Аз ҷумла, бо ин мақсад чанде қабл дар доираи Солҳои рушди деҳот, сайёҳӣ ва ҳунарҳои мардумӣ бо ибтикори Кумитаи рушди сайёҳӣ дар ҳамкорӣ бо ширкати логистикии ватании «Asian Express» хатсайри нави сайёҳии «Душанбе-Данғара-Балҷувон-Ховалинг» ифтитоҳ гардид. Ҳар нафари хоҳишманд тавассути ин хатсайр ба минтақаҳои сайёҳии Данғара, Балҷувон, Ховалинг ва Муъминобод сафар намуда, имконияту иқтидорҳои табиии ин минтақаи биҳиштосои Тоҷикистон, ки бо ёдгориҳои таърихию  фарҳангӣ, табиати бою нотакрор, мардуми некухисол, обу  чашмаҳои софу зулол, рӯдҳои кӯҳии хурӯшон ва олами бои набототу ҳайвонот қалби садҳо сайёҳону ҷаҳонгардони хориҷиро тасхир намуда, маъруфи ҷаҳон гардидаанд, дидан намоянд. 
Тибқи таҳлилҳои Кумитаи рушди сайёҳӣ дар давраи пандемияи ҳамагир ширкатҳои сайёҳии ватанӣ ба буҳрони шадиди иқтисодиву молиявӣ дучор шуданд. Вале, бо дастгириву имтиёзҳои пешниҳоднамудаи Ҳукумати мамлакат дар ин давра ягон ширкати сайёҳӣ баста нашуд. Давраи мушкилро барои бартарафсозии мушкилоти ҷойдошта дар самти хизматрасониҳо ва инфрасохторӣ истифода бурданд. Ширкати аз ҳама фаъол дар ташкили сайёҳии дохилӣ ширкати сайёҳии «Скай тур» маҳсуб меёбад, ки хоҳишмандонро ба минтақаҳои гуногуни кишвар бо нархҳои дастрас барои аҳолии мамлакат пешниҳод дошт, ки барои пешрафт ва мавқеъ пайдо кардани сайёҳии дохилӣ дар мамлакат мусоидат менамояд. 
Сайёҳии дохилӣ мисли сайёҳии воридотӣ яке аз рукнҳои асосии сиёсати фарҳангӣ буда, пешрафту рушд ва ба таври комил роҳандозӣ гаштани низоми он барои баланд бардоштани ифтихори милливу хештаншиносӣ, донистани таъриху фарҳанг, ваҳдати миллату якпорчагӣ, мустаҳкамсозии равобити сокинони минтақаҳои гуногуни кишвар ва рушди иқтисодиёти миллӣ мусоидат менамояд. 
 
Ш. ҚУРБОН, «Ҷумҳурият»
 


Баёни ақида (0)    Санаи нашр: 27.05.2021    №: 104    Мутолиа карданд: 7041
25.11.2022


ТАҒЙИРОТ БА ҚОНУН. 6 МАЙ - РӮЗИ КОРМАНДОНИ СОҲАИ ҲИФЗИ СИРРИ ДАВЛАТӢ ТАҶЛИЛ МЕШАВАД

ВМКБ. ҶАЛАСАИ СИТОД ОИД БА ЗИМИСТОНГУЗАРОНӢ

СУҒД. ҶАМЪОВАРИИ ПАХТА ВУСЪАТИ ТОЗА МЕГИРАД

24.11.2022


ПАРЧАМИ ДАВЛАТӢ - САРЧАШМАИ ПИРӮЗИҲО

23.11.2022


Интихобот дар Қазоқистон рақобатпазир ва шаффоф буд

ҶОМИ ҶАҲОН

22.11.2022


Рӯзҳои фарҳанги Тоҷикистон дар Туркманистон

ТОҶИКИСТОН ВА РОССИЯ. ФОРУМИ ҶАВОНОН БАРОИ ТАБОДУЛИ ТАҶРИБА ВА РУШДИ КАСБИЯТ РАВЗАНАИ НАВ БОЗ КАРД

«ЗОДРӮЗИ ТОҶИКИСТОН»

МУАРРИФИИ ОШИ ПАЛАВ ДАР ҶОПОН

САМАРҚАНД. ЯК ҲАМОИШИ МУҲИМ

21.11.2022


Мулоқоти вазирони корҳои хориҷии Тоҷикистон ва Ӯзбекистон

ИТТИФОҚИ НАВИСАНДАГОН. ГИРОМИДОШТИ ХОТИРАИ ҶОНИБЕК АКОБИР

ЧЕМПИОНАТИ CAFA – 2022

16.11.2022


Ҷоизаи раиси шаҳри Душанбе барои муҳаққиқони ҷавон

Чин бар зидди ихроҷи Россия аз G20 баромад кард

СУҒД. ТАШРИФИ СОҲИБКОРОНИ ТУРК БА ВИЛОЯТ

ТОҶИКИСТОН ВА АРАБИСТОНИ САУДӢ. АЗ БАРҚАРОРИИ МУНОСИБАТҲОИ ДИПЛОМАТИИ ДУ КИШВАРИ ДӮСТ СӢ СОЛ ГУЗАШТ

«ОРМОНИ МИЛЛАТ: «РОҒУН» БУЗУРГТАРИН САРБАНДИ АСРИ НАВ»

15.11.2022


Ҷаласаи ҳайатҳои ҳукуматии Тоҷикистон ва Қирғизистон

ҶАҲОН ДАР ЯК САТР

Президенти Индонезия дар Бали нишасти G20-ро ифтитоҳ кард

ЯК ҲАМОИШИ МУҲИМ

ДАНҒАРА. ИСТЕҲСОЛИ ҒАЛЛА БА 100 ҲАЗОР ТОННА МЕРАСАД

ПРЕСС-ТУРИ НАВБАТИИ РӮЗНОМАНИГОРОН БА НБО «НОРАК»

Қадрдонии варзишгари тоҷик аз ҷониби Рустами Эмомалӣ

11.11.2022


Ҳукумати Тоҷикистон ба мардуми Эрон изҳори таслият кард

ТОҶИКИСТОН ВА ӮЗБЕКИСТОН. АЗ РУШДИ ҲАМКОРИҲОИ ИЛМӢ-АДАБӢ ТО САЙРИ ФАРОМАРЗИИ «ГАНҶИ СУХАН»

10.11.2022


ВОЛОИЯТИ ҚОНУН. ФОРУМИ ҲАШТУМИ МИЛЛӢ БАРГУЗОР ГАШТ

6 НОЯБР. САНАДИ БУНЁДИИ ТОҶИКИСТОНИ СОҲИБИСТИҚЛОЛ 28-СОЛА ШУД

04.11.2022


САМАРҚАНД. ИМКОНИЯТҲОИ САЙЁҲИИ ТОҶИКИСТОН МУАРРИФӢ ГАРДИД

ПОЙТАХТ. ТАНТАНАИ ФЕСТИВАЛИ ДЎСТӢ

СИЁСАТИ ГЕНДЕРӢ. ТОҶИКИСТОН ВА НАҚШИ ЗАНОН ДАР ИДОРАИ УМУРИ ДАВЛАТДОРӢ

03.11.2022


Лоиҳаи Буҷети давлатӣ барои соли 2023 ба Маҷлиси намояндагон пешниҳод шуд

ТОҶИКИСТОНУ ЭРОН. ТАНТАНАИ ДӮСТӢ ДАР НАМОИШИ ҲУНАРҲОИ МАРДУМӢ ВА МАҲФИЛИ ШОИРОН


Дар сомонаҳои дигари Тоҷикистон хонед