logo

туризм

САЙЁҲИИ ТАБОБАТӢ. ОН ҲАНӮЗ ҚОНЕЪКУНАНДА НЕСТ

 
Сайёҳии табобатӣ солҳои охир байни ҷаҳонгардон маъруфияти бештар дорад. Ба ин аз як тараф беҳ гаштани шароити мардуми сайёра ва аз ҷониби дигар пеш рафтани илму техника ва хизматрасониҳои муосири тиббӣ боис гардидааст. Дар Тоҷикистон низ ин навъи сайёҳӣ рӯ ба рушд буда, осоишгоҳҳои “Зумрад”, “Хоҷа Оби Гарм”, “Гармчашма”, “Оби гарм” ҳанӯз аз замони шӯравӣ байни сокинон ва кишварҳои ИДМ машҳуранд... 
 
НАВИГАРӢ НЕСТ
Вале танҳо бо дороиҳои табииву мавҷудияти осоишгоҳу дармонгоҳҳо дар ин самт наметавон муваффақ шуд. 
Бахтиёр Исамутдинов, директори созмони ҷамъиятии “Маркази рушди сайёҳӣ”, дар ин хусус иброз дошт, ки Тоҷикистон дорои иқтидори кофӣ мебошад, ки махсусан ба табобат равона шудааст. Инҳо гармчашмаҳо ва гилдармонии даврони шӯравӣ мебошанд. Навигарӣ қариб, ки нест. Муттасадиёни осоишгоҳҳо маълумотро дар шакли хеле маҳдуд пешниҳод менамоянд ва гурӯҳи муайяни одамоне, ки меоянд, барояшон кифоя аст. Вале, барои ҷалби одамон ба ин дороиҳо сайъи бештар лозим аст. Мутаассифона, дар бисёр ҳолат таҷриба камӣ мекунад ё умуман хоҳиш нест. 
Ба андешаи коршиносон мушкили асосии рушд наёфтани сайёҳии тиббӣ дар Тоҷикистон ин ба таври зарурӣ роҳандозӣ нагардидани соҳа, норасоии маблағгузорӣ ба рушди инфрасохтор, кам будани таҷриба ва нокифоягии ташвиқу тарғиби дороиҳои мамлакат мебошанд. 
 
СИСТЕМАИ САБТИ ЭЛЕКТРОНӢ БА РОҲ МОНДА ШАВАД
Тибқи маълумоти Кумитаи рушди сайёҳӣ, айни ҳол дар ҷумҳурӣ 46 осоишгоҳ, 8 маркази муолиҷавӣ ва дармонгоҳи солимгардонӣ фаъолият мебаранд. Дар ҳамин ҳол, мутахассисон ва мизоҷон аз роҳандозии нодурусти хизматрасонӣ дар аксар осоишгоҳҳо изҳори нигаронӣ менамоянд. 
Ба гуфтаи Моҳира Қодирова, дотсенти кафедраи бизнеси сайёҳӣ, рекреатсия ва меҳмондории Донишкадаи сайёҳӣ, соҳибкорӣ ва хизмат, ҳатто дар осоишгоҳҳои номдори мамлакат вақти қабули мизоҷон аз ҷониби ҳайати кормандон ба нақша гирифта намешавад. “Ба хотири рафъи ин камбудӣ чандин маротиба ба роҳбарияти осоишгоҳҳо пешниҳод доштам, ки системаи электронии қабули мизоҷон ба роҳ монда шавад. Пешниҳодро хуш пазируфтанд, вале бо сабабҳои гуногун ин система ҳоло дар осоишгоҳҳои мо ҷорӣ нест”. 
Тавре М. Қодирова иброз медорад, набудани системаи электронии сабти номи мизоҷон боиси талафи вақти зиёд ва ҷамъшавии мардуми паси дарҳои ин ё он амалиёти тиббӣ мегардад. Дар баробари ин, бинобар интизории зиёд мизоҷ аз тамошои зебоиҳои табиат ва истироҳати бофароғат маҳрум шуда, таъбаш тира мегардад. Агар системаи сабти номи мизоҷон дуруст роҳандозӣ гардад, ҳам ба мизоҷон роҳати бештар таъмин мегардад ва ҳам осоишгоҳ маъруфияти бештар касб менамояд. 
 
САЙЁҲИИ ТИББӢ – ОМИЛИ ДАСТГИРИКУНАНДАИ ИҚТИСОДИ МИЛЛӢ
- Кишварҳое, ки вориди сайёҳии табобатӣ шудаанд, дорои зарфиятҳои илмии он мебошанд, - мегӯяд Дилбар Умарова, мутахассиси Кумитаи рушди сайёҳӣ. Ин ҷо метавон Эрон, Ҳиндустон, Корея, Чин, Малайзия ва Туркияро ном бурд. Ин кишварҳо ба ғайр аз мутахассис ва таҷҳизоти зарурии тиббӣ як навъи хизматрасонии тиббиро, ки махсуси худи он кишвар аст, роҳандозӣ карда, ҳамчун бренд истифода мебаранд. Масалан, Эрон бо нархҳои дастраси амалҳои ҷарроҳии пластикӣ, Чин бо тибби суннативу сӯзандармонӣ. Тоҷикистон бо таваҷҷуҳ ба мавқеи беҳамтои ҷуғрофӣ, обҳои маъданиву гилдармонӣ, гиёҳҳои шифобахш ва аз ҳама муҳим тамаддуни ғании тибби суннатӣ, метавонад ин навъи сайёҳиро дар кишвар рушд диҳад. Танҳо бояд дороиҳоро дуруст ва мақсаднок истифода бурд, хизматрасониҳоро вобаста ба талаботи давр роҳандозӣ намуд ва пайваста аз пайи кӯшишу талоши беҳбудӣ буд. 
Тоҷикистон дорои иқтидори кофии сайёҳии табобатӣ буда, он метавонад як омили дастгирикунандаи иқтисодиёти миллӣ гардад. Ба ин хотир, беҳтар гаштани хизматрасонии осоишгоҳу истироҳатгоҳҳо, таъсиси марказҳои махсуси дармонӣ, таблиғоти дохиливу хориҷӣ боиси яке аз марказҳои муҳим ва серистиқболи сайёҳии тиббӣ гардидани Тоҷикистон хоҳад шуд. 
 
Шаҳноз ҚУРБОН, 
“Ҷумҳурият”


Баёни ақида (0)    Санаи нашр: 13.07.2021    №: 139    Мутолиа карданд: 7159
25.11.2022


ТАҒЙИРОТ БА ҚОНУН. 6 МАЙ - РӮЗИ КОРМАНДОНИ СОҲАИ ҲИФЗИ СИРРИ ДАВЛАТӢ ТАҶЛИЛ МЕШАВАД

ВМКБ. ҶАЛАСАИ СИТОД ОИД БА ЗИМИСТОНГУЗАРОНӢ

СУҒД. ҶАМЪОВАРИИ ПАХТА ВУСЪАТИ ТОЗА МЕГИРАД

24.11.2022


ПАРЧАМИ ДАВЛАТӢ - САРЧАШМАИ ПИРӮЗИҲО

23.11.2022


Интихобот дар Қазоқистон рақобатпазир ва шаффоф буд

ҶОМИ ҶАҲОН

22.11.2022


Рӯзҳои фарҳанги Тоҷикистон дар Туркманистон

ТОҶИКИСТОН ВА РОССИЯ. ФОРУМИ ҶАВОНОН БАРОИ ТАБОДУЛИ ТАҶРИБА ВА РУШДИ КАСБИЯТ РАВЗАНАИ НАВ БОЗ КАРД

«ЗОДРӮЗИ ТОҶИКИСТОН»

МУАРРИФИИ ОШИ ПАЛАВ ДАР ҶОПОН

САМАРҚАНД. ЯК ҲАМОИШИ МУҲИМ

21.11.2022


Мулоқоти вазирони корҳои хориҷии Тоҷикистон ва Ӯзбекистон

ИТТИФОҚИ НАВИСАНДАГОН. ГИРОМИДОШТИ ХОТИРАИ ҶОНИБЕК АКОБИР

ЧЕМПИОНАТИ CAFA – 2022

16.11.2022


Ҷоизаи раиси шаҳри Душанбе барои муҳаққиқони ҷавон

Чин бар зидди ихроҷи Россия аз G20 баромад кард

СУҒД. ТАШРИФИ СОҲИБКОРОНИ ТУРК БА ВИЛОЯТ

ТОҶИКИСТОН ВА АРАБИСТОНИ САУДӢ. АЗ БАРҚАРОРИИ МУНОСИБАТҲОИ ДИПЛОМАТИИ ДУ КИШВАРИ ДӮСТ СӢ СОЛ ГУЗАШТ

«ОРМОНИ МИЛЛАТ: «РОҒУН» БУЗУРГТАРИН САРБАНДИ АСРИ НАВ»

15.11.2022


Ҷаласаи ҳайатҳои ҳукуматии Тоҷикистон ва Қирғизистон

ҶАҲОН ДАР ЯК САТР

Президенти Индонезия дар Бали нишасти G20-ро ифтитоҳ кард

ЯК ҲАМОИШИ МУҲИМ

ДАНҒАРА. ИСТЕҲСОЛИ ҒАЛЛА БА 100 ҲАЗОР ТОННА МЕРАСАД

ПРЕСС-ТУРИ НАВБАТИИ РӮЗНОМАНИГОРОН БА НБО «НОРАК»

Қадрдонии варзишгари тоҷик аз ҷониби Рустами Эмомалӣ

11.11.2022


Ҳукумати Тоҷикистон ба мардуми Эрон изҳори таслият кард

ТОҶИКИСТОН ВА ӮЗБЕКИСТОН. АЗ РУШДИ ҲАМКОРИҲОИ ИЛМӢ-АДАБӢ ТО САЙРИ ФАРОМАРЗИИ «ГАНҶИ СУХАН»

10.11.2022


ВОЛОИЯТИ ҚОНУН. ФОРУМИ ҲАШТУМИ МИЛЛӢ БАРГУЗОР ГАШТ

6 НОЯБР. САНАДИ БУНЁДИИ ТОҶИКИСТОНИ СОҲИБИСТИҚЛОЛ 28-СОЛА ШУД

04.11.2022


САМАРҚАНД. ИМКОНИЯТҲОИ САЙЁҲИИ ТОҶИКИСТОН МУАРРИФӢ ГАРДИД

ПОЙТАХТ. ТАНТАНАИ ФЕСТИВАЛИ ДЎСТӢ

СИЁСАТИ ГЕНДЕРӢ. ТОҶИКИСТОН ВА НАҚШИ ЗАНОН ДАР ИДОРАИ УМУРИ ДАВЛАТДОРӢ

03.11.2022


Лоиҳаи Буҷети давлатӣ барои соли 2023 ба Маҷлиси намояндагон пешниҳод шуд

ТОҶИКИСТОНУ ЭРОН. ТАНТАНАИ ДӮСТӢ ДАР НАМОИШИ ҲУНАРҲОИ МАРДУМӢ ВА МАҲФИЛИ ШОИРОН


Дар сомонаҳои дигари Тоҷикистон хонед