logo

Хабарҳо

347 шаҳрванди Афғонистон дар Тоҷикистон паноҳ бурд

13 - 14 июли соли равон 347 сокини қирғизтабори деҳаи Андемини вулусволии Вахони вилояти Бадахшони Ҷумҳурии Исломии Афғонистон, аз ҷумла 91 мард, 77 зан, 177 ноболиғ (64 писар, 113 духтар) барои ҳифзи ҷони худ аз гурӯҳҳои мусаллаҳи ҳаракати «Толибон», хати сарҳади давлатиро дар минтақаи Ҷамоати деҳоти Қизил - Работи ноҳияи Мурғоб убур намуда, вориди Ҷумҳурии Тоҷикистон шуданд. 
Ҳангоми гузаштан аз сарҳади давлатӣ 2 ноболиғи то 2 - сола фавтиданд. Дар ин бора маркази матбуоти Қӯшунҳои сарҳадии КДАМ Ҷумҳурии Тоҷикистон хабар медиҳад.
Сарҳадбонони тоҷик бо риояи принсипи инсондӯстӣ ва робитаи неки ҳамсоягӣ ба гурезагони иҷбории афғон барои воридшавӣ ба қаламрави Ҷумҳурии Тоҷикистон иҷозат доданд.
Айни замон гурезагони афғон дар мавзеъҳои Чоштеппа ва Дуютуки Ҷамоати деҳоти Қизил-работи ноҳияи Мурғоб қарор доранд.
Зимни ворид гаштани гурезагон ба марзҳои Тоҷикистон аз шаҳрвандони Афғонистон беш аз 3,5 килограмм маводи мухаддир дарёфт ва мусодира гардид.
Вазъият дар минтақаи сарҳади давлатии Тоҷикистону Афғонистон таҳти назорати пурраи сарҳадбонони тоҷик қарор дорад.
 
 
Вохӯрии Рамазон Раҳимзода  бо роҳбари Маркази байналмилалии 
зиддитеррористии «Ҳедая»
Дар мулоқоти вазири корҳои дохилии Ҷумҳурии Тоҷикистон  Рамазон Раҳимзода бо раиси Кумита оид ба мудофиа, корҳои дохилӣ ва хориҷаи Шӯрои милии Федералии Амороти Муттаҳидаи Араб, ҳамзамон, роҳбари Маркази байналмилалии зиддитеррористии «Ҳедая» Алӣ Рашид Ал-Нуаймӣ масъалаҳои тақвияти ҳамкории мақомоти корҳои дохилии ҳар ду кишвар дар мубориза бо ҷинояткории муташаккилона, терроризм, экстремизм ва дигар паҳлуҳои ҳамкории дуҷониба баррасӣ шуд.
Рамазон Раҳимзода изҳор дошт, ки равобити дуҷониба аз муносибатҳои дӯстонаи роҳбарони ҳар ду давлат маншаъ гирифта, ҳамаи соҳаҳои иҷтимоию иқтисодиро фаро мегирад.
Дар навбати худ Алӣ Рашид Ал-Нуаймӣ зикр намуд, ки Амороти Муттаҳидаи Араб кӯшиш менамояд, ки дар тамоми самтҳо ҳамкориро бо Ҷумҳурии Тоҷикистон боз ҳам ривоҷ бахшад. Зеро дӯстии  мардуми Тоҷикистон ва Амороти Муттаҳидаи Араб решаи амиқи таърихӣ дошта, ин муносибот дар оянда боз ҳам мустаҳкамтар хоҳад гардид.
 
 
Иди Қурбон 20 июл таҷлил мешавад
20 июли соли равон дар Ҷумҳурии Тоҷикистон Иди саиди Қурбон таҷлил мешавад.  Дар ин бора қарори Шӯрои уламои Маркази исломии Ҷумҳурии Тоҷикистон қабул гардид. Тибқи қарори мазкур, 20 июл, соати 6:30-и субҳ дар масҷидҳои ҷомеи мамлакат намози ид баргузор мешавад.
Дар қарор Саидмукаррам Абдуқодирзода, раиси Шӯрои уламои Маркази исломӣ, аъзои шӯро ва имомхатибонро даъват намудааст, ки дар мавъизаҳояшон роҷеъ ба неъмати бебаҳо - сулҳу оромӣ суханронӣ намуда, дар дастгирии ятимону пиронсолон - табақаи ниёзманди ҷомеа ва рушду шукуфоии давлати азизамон саҳм гузоранд.
 
 
COVID - 19
47 ҳолати нави сироятёбӣ ба қайд гирифта шуд
Давоми шабонарӯзи охир дар Тоҷикистон 47 ҳолати нави гирифторшавии шаҳрвандон ба бемории COVID-19 ба қайд гирифта шуд. Ҳамчунин, 19 нафар пас аз муолиҷа солим гардонда шуданд. Дар ин бора маркази матбуоти Вазорати тандурустӣ ва ҳифзи иҷтимоии аҳолӣ хабар дод.
Ба иттилои манбаъ, дар маҷмӯъ, аз аввали бақайдгирӣ то 14 июл дар кишвар 13958 гирифтори коронавируси нав қайд гардида, аз ин шумора то санаи зикргардида 13600 нафар (97,4%) шифо ёфтаанд.
Вазорати тандурустӣ ва ҳифзи иҷтимоии аҳолӣ аз сокинони кишвар даъват мекунад, ки дар ҷойҳои ҷамъиятӣ қоидаҳои пешгирикунандаи бемории коронавирусро қатъиян риоя намоянд.
 


Баёни ақида (0)    Санаи нашр:    №:    Мутолиа карданд: 473
28.09.2021


Тағйирот ба қонун «Дар бораи нафақаҳои суғуртавӣ ва давлатӣ»

Путин чаҳор душмани асосии Россияро ном бурд

Навидҳои фарҳанг

27.09.2021


Мулоқоти Рустами Эмомалӣ бо Қосим-Жомарт Токаев

СОҲИБИСТИҚЛОЛӢ ВА РУШДИ ВАО

Лавров дар бораи ҳамоҳанг набудани ризоияти абарқудратҳо оид ба принсипҳои тартиботи ҷаҳонӣ сухан гуфт

Ҷаҳон дар як сатр

23.09.2021


Муносибатҳои дипломатии Тоҷикистон ва Мавритания барқарор шуданд

ЛИГАИ ОЛӢ

Машқҳои «Миссияи сулҳи СҲШ - 2021» дар вилояти Оренбург

Ҷаҳон дар як сатр

21.09.2021


Туҳфаи Пешвои миллат - “Тоҷикон” ба Хуҷанд расид

Навидҳои фарҳанг

17.09.2021


Токаев аз кишварҳои СААД хост, ки дар таҳкими марзи Тоҷикистон ёрӣ расонанд

Ҷаҳон дар як сатр

СЕ МЕДАЛ - ТУҲФАИ ҶАШНӢ

16.09.2021


Ҷаласаи муштараки ШВКХ, ШВМ ва ККША СААД

ПАҲЛАВОНИ ТОҶИК - СОҲИБИ ШОҲҶОИЗА

СОЗИШНОМАИ БМТ БО БОНКИ МАРКАЗИИ РОССИЯ

ТОҶИКОБОД. НИЁЗМАНДОН ДАСТГИРӢ ЁФТАНД

ҶИУ-ҶИТСУ

МУЛОҚОТИ ЭМОМАЛӢ РАҲМОН БО НИКОЛ ПАШИНЯН

15.09.2021


Лоиҳаи Қонун «Дар бораи фаъолияти инжинирингӣ» баррасӣ гашт

ЛИГАИ ҚАҲРАМОНҲО

Рӯйдодҳои илмӣ

ХУҶАНД. БОЗ ЧАНД ИНШООТИ НАВИ ҶАШНӢ ДАР ХИЗМАТИ СОКИНОН

14.09.2021


Нахустин вохӯрии сарварони кишварҳои узви СҲШ ва СААД оид ба вазъи Афғонистон дар Душанбе

МАКТАБИ СИЁСИИ ПЕШВОИ МИЛЛАТ КОРШИНОСОНУ МУҲАҚҚИҚОНИ ДОХИЛУ ХОРИҶРО БА ҲАМ МЕОРАД

“МАРҲАБО БА 20-СОЛАГИИ СҲШ”

I БОЗИҲОИ КИШВАРҲОИ ИДМ

ЛАХШ. ИММУНИЗАТСИЯ БО МАРОМ ИДОМА ДОРАД

13.09.2021


Маҷаллаи «Diplomatisches Magazin» дастовардҳои Тоҷикистонро муаррифӣ намуд

Дар Афғонистон ҷанг бо «Толибон» дубора авҷ гирифт

Ҷаҳон дар як сатр

ГӮШТИИ МИЛЛӢ


Дар сомонаҳои дигари Тоҷикистон хонед