logo

Хабарҳо

Рушди сайёҳӣ дар шароити пандемияи COVID- 19 баррасӣ шуд

Дар шаҳри Душанбе вохӯрии роҳбарони мақомоти сайёҳии давлатҳои аъзои Созмони ҳамкории Шанхай баргузор гардид. Ҳадафи ҳамоиш густариши ҳамкорӣ байни давлатҳои аъзои СҲШ, ба ин васила рушди соҳаи сайёҳӣ ва муаррифии имконоти сайёҳӣ буд. 
Дар мулоқот  намояндагони Ҳукумати Ҷумҳурии Тоҷикистон, Дабири кулли Созмони ҷаҳонии сайёҳӣ, роҳбарони Кумитаи рушди сайёҳӣ, Палатаи савдо ва саноат, Федератсияи ҷаҳонии шаҳрҳои сайёҳӣ, мақомоти иҷроияи ҳокимияти давлатии шаҳри Душанбе, мақомоти сайёҳии Россия, Ӯзбекистон, Ҳиндустон, Қазоқистон ва Покистон иштирок намуданд.
Роҳбарони мақомоти сайёҳии СҲШ масъалаҳои марбут ба  тақвияти ҳамкорӣ дар бахши сайёҳӣ,  лоиҳаи Нақшаи чорабиниҳои муштарак доир ба татбиқи Барномаи рушди ҳамкории давлатҳои аъзои СҲШ дар соҳаи сайёҳӣ барои солҳои 2022 – 2023,  масъалаҳои барқарорсозӣ ва рушди минбаъдаи соҳаи сайёҳӣ дар шароити фарогири пандемияи COVID – 19 -ро  баррасӣ намуданд.
 
 
Созҳои мусиқӣ - муаррифгари фарҳанги миллӣ
Таҳти  чунин  унвон  аз  15  июл  то 1 август бахшида ба 30 - солагии Истиқлолияти давлатӣ ва пойтахти фарҳангии ИДМ эълон гардидани шаҳри Душанбе дар Осорхонаи миллии Тоҷикистон намоиши созҳои мусиқӣ доир мешавад. Дар он беш аз 300 сози гуногуни миллӣ, аз қабили наю сурнай, дутору думбра, карнаю шайпур, рубобҳои гуногун, сетор, шаштор, ҳафтор, дафу доира, таблу нағора, ки дар Осорхонаи миллӣ нигаҳдорӣ мешаванд, манзури бинандагон мегарданд.
Директори Осорхонаи миллӣ Аҳлиддин Ибодуллозода зимни ифтитоҳи намоиш иброз дошт, ки падид омадани найҳои устухонӣ аз ёдгории «Тахти Сангин» (асрҳои III-II то милод), кашфи тасвири рубобҳо дар сангнигораҳои ноҳияи Ишкошим (асри I милодӣ, тасвири навозандагони чанг ва буқ аз ёдгории «Панҷакенти қадим» (асрҳои V-VIII), тасвири ансамбли мусиқачиёни руду чанг аз Уструшан (асрҳои VII-IX), тасвири навозандаи чанг ва рубоби камонӣ аз ёдгории «Ҳулбук» (асрҳои IX-X) ва амсоли инҳо далели қадима будани созҳои мусиқии тоҷикон маҳсуб мешаванд.
Дар қисми дигари намоиш созҳои мусиқии устодони санъати тоҷик, инчунин, созҳои мусиқии дар даврони истиқлолият сохташудаи устодони моҳири кишвар пешниҳод шуданд, ки аз рушди ҳунари созтарошӣ дар ин давра дарак медиҳанд. 
 
 
Бо мусоидати Тоҷикистон зиёда аз 10 миллион рубл қарзи музди меҳнати муҳоҷирон дар Россия пардохт шуд
Соли равон бо мусоидати намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Россия оид ба муҳоҷират зиёда аз 10 миллион рубл маблағи қарзи музди меҳнати муҳоҷирон аз ҷониби корфармоён пардохт карда  шуд. Дар ин бора масъули бахши матбуоти намояндагии мазкур Каримҷон Салимзода хабар дод.
- Дар нимсолаи аввали соли равон ба намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Россия оид ба муҳоҷират аз ҷониби муҳоҷирон - шаҳрвандони Тоҷикистон 88 нафар барои баргардондани қарзи музди маошашон - 14544681 рубли русӣ баробар ба 2181702 сомонӣ муроҷиат намуданд. Дар ин давра аз ҷониби намояндагӣ 10950272 рубл, маблағи муҳоҷирон пардохт шуд. Намояндагӣ барои пардохти маблағи бақия, ки 3594409 рублро ташкил медиҳад, бо мақомоти Россия кор бурда истодааст, - афзуд К. Салимзода.
 
 
Муаррифии хӯрокҳои миллии давлатҳои узви СҲШ
Дар доираи баргузории вохӯрии роҳбарони мақомоти сайёҳии кишварҳои узви Созмони ҳамкории Шанхай шоми имрӯз дар боғи Ирами шаҳри Душанбе  Фестивали хӯрокҳои миллии давлатҳои аъзои СҲШ ташкил мешавад.
Фестивал бо ибтикори Кумитаи рушди сайёҳии назди Ҳукумати Ҷумҳурии Тоҷикистон дар ҳамкорӣ бо мақомоти иҷроияи ҳокимияти давлатии шаҳри Душанбе ташкил шуда, аз он роҳбарони мақомоти сайёҳии давлатҳои аъзои СҲШ  ва сокинону меҳмонони пойтахт боздид менамоянд.
Ҳадаф аз баргузории фестивал муаррифии анъана ва урфу одатҳои давлатҳои аъзои ин созмони бонуфуз, аз ҷумла таому хӯришҳои миллии тоҷикӣ, ба ҷаҳониён ва таҳкими ҳамкории сайёҳӣ мебошад.
 


Баёни ақида (0)    Санаи нашр:    №:    Мутолиа карданд: 616
28.09.2021


Тағйирот ба қонун «Дар бораи нафақаҳои суғуртавӣ ва давлатӣ»

Путин чаҳор душмани асосии Россияро ном бурд

Навидҳои фарҳанг

27.09.2021


Мулоқоти Рустами Эмомалӣ бо Қосим-Жомарт Токаев

СОҲИБИСТИҚЛОЛӢ ВА РУШДИ ВАО

Лавров дар бораи ҳамоҳанг набудани ризоияти абарқудратҳо оид ба принсипҳои тартиботи ҷаҳонӣ сухан гуфт

Ҷаҳон дар як сатр

23.09.2021


Муносибатҳои дипломатии Тоҷикистон ва Мавритания барқарор шуданд

ЛИГАИ ОЛӢ

Машқҳои «Миссияи сулҳи СҲШ - 2021» дар вилояти Оренбург

Ҷаҳон дар як сатр

21.09.2021


Туҳфаи Пешвои миллат - “Тоҷикон” ба Хуҷанд расид

Навидҳои фарҳанг

17.09.2021


Токаев аз кишварҳои СААД хост, ки дар таҳкими марзи Тоҷикистон ёрӣ расонанд

Ҷаҳон дар як сатр

СЕ МЕДАЛ - ТУҲФАИ ҶАШНӢ

16.09.2021


Ҷаласаи муштараки ШВКХ, ШВМ ва ККША СААД

ПАҲЛАВОНИ ТОҶИК - СОҲИБИ ШОҲҶОИЗА

СОЗИШНОМАИ БМТ БО БОНКИ МАРКАЗИИ РОССИЯ

ТОҶИКОБОД. НИЁЗМАНДОН ДАСТГИРӢ ЁФТАНД

ҶИУ-ҶИТСУ

МУЛОҚОТИ ЭМОМАЛӢ РАҲМОН БО НИКОЛ ПАШИНЯН

15.09.2021


Лоиҳаи Қонун «Дар бораи фаъолияти инжинирингӣ» баррасӣ гашт

ЛИГАИ ҚАҲРАМОНҲО

Рӯйдодҳои илмӣ

ХУҶАНД. БОЗ ЧАНД ИНШООТИ НАВИ ҶАШНӢ ДАР ХИЗМАТИ СОКИНОН

14.09.2021


Нахустин вохӯрии сарварони кишварҳои узви СҲШ ва СААД оид ба вазъи Афғонистон дар Душанбе

МАКТАБИ СИЁСИИ ПЕШВОИ МИЛЛАТ КОРШИНОСОНУ МУҲАҚҚИҚОНИ ДОХИЛУ ХОРИҶРО БА ҲАМ МЕОРАД

“МАРҲАБО БА 20-СОЛАГИИ СҲШ”

I БОЗИҲОИ КИШВАРҲОИ ИДМ

ЛАХШ. ИММУНИЗАТСИЯ БО МАРОМ ИДОМА ДОРАД

13.09.2021


Маҷаллаи «Diplomatisches Magazin» дастовардҳои Тоҷикистонро муаррифӣ намуд

Дар Афғонистон ҷанг бо «Толибон» дубора авҷ гирифт

Ҷаҳон дар як сатр

ГӮШТИИ МИЛЛӢ


Дар сомонаҳои дигари Тоҷикистон хонед