logo

туризм

ГУЛИСТОН. ШАҲРИ МУАРРИФГАРИ ТОҶИКИСТОН ҲАМЧУН КИШВАРИ САЙЁҲӢ

Имрӯз бо дили пур метавон гуфт, ки Ҷумҳурии Тоҷикистон бо манзараҳои зебову дилфиреб ва таърихи куҳанбунёдаш кишварест мавриди таваҷҷуҳи сайёҳони тамоми дунё. Аз ҷумла, шаҳри Гулистон ҳамчун як гӯшаи ободи Ватан бо доштани обанбори “Баҳри тоҷик” ва осоишгоҳҳои замонавӣ минтақаи куллан ҷавобгӯ ба талаботи сайёҳон аст. Дар ҳудуди шаҳр имрӯз 6 меҳмонхона, 4 осоишгоҳу марказҳои солимгардонӣ, урдугоҳ ва 14 ёдгории таърихию фарҳангӣ мавҷуд аст. 
Бо ҷалби бахши хусусӣ ва соҳибкорони ватанӣ бунёди инфрасохтори сайёҳӣ, аз ҷумла меҳмонхона ва осоишгоҳҳои хурду калон, рӯи кор омада, шумораи ҷойҳои хоб барои қабули сайёҳон ба 2110 адад расонда шуд. Соли 2020 ҳаҷми хизматрасонӣ дар меҳмонхонаву осоишгоҳҳо ба беш аз 18 миллион сомонӣ расид. Дар ин давра 1183 меҳмони хориҷӣ ва 19620 истироҳаткунандаи дохилӣ ба осоишгоҳу меҳмонхонаҳои шаҳр ташриф оварда, дар маҷмӯъ, 20803 нафар истироҳат кард. Дар соҳаи сайёҳӣ наздик ба 400 нафар бо кори доимӣ таъмин шуда, музди миёнаи маоши онҳо 1480 сомониро ташкил медиҳад. Ҳиссаи осоишгоҳҳо ва меҳмонхонаҳо дар ғанӣ гаштани буҷети шаҳр 3,2 дарсадро ташкил дода, ҳиссаи сайёҳӣ бошад дар ҳаҷми хизматрасониҳои пулакӣ ба 49,2 дарсад баробар шуд.  
Ҷиҳати пиёдасозии мақсаду маромҳо оид ба рушди соҳаи сайёҳӣ бо иштироки Пешвои миллат муҳтарам Эмомалӣ Раҳмон дар шаҳри Гулистон якчанд иншооти нав ифтитоҳ шуданд. Аз ҷумла, соли 2018 меҳмонхонаи 4 - ошёна ва коттеҷи муосир дар ҶДММ «Осоишгоҳи Баҳористон» ба истифода дода шуд, ки иловатан 70 ҷойи хоб барои истироҳаткунандагон ташкил гардид. Осоишгоҳи мазкур соли 2011 бо дастури Сарвари давлат қомат афрохта, имрӯз ба макони сайру саёҳат ва истироҳату табобати мардум табдил ёфтааст. Осоишгоҳ дорои 5 бинои фароғатӣ ва 13 коттеҷ, аз ҷумла 2 коттеҷи махсус (VIP) ва 1 чӯбин аст, ки иқтидори қабули он дар як шабонарӯз 868 нафар мебошад. 
Имрӯз осоишгоҳи “Баҳористон” аз зумраи иншооти муҳими соҳаи табобату саёҳат мебошад, ки дар соҳили “Баҳри тоҷик” бунёд гаштааст. Бо дастури Сарвари давлат дар ҳудуди осоишгоҳ сохтмони боз як меҳмонхонаи нав оғоз гардид, ки аз 100 ҷойи хоб, 5 ошёна ва таҳхона иборат хоҳад буд. Дар ҳудуди бинои нави осоишгоҳ ҳавзи шиноварӣ барои калонсолон ва кӯдакон бо майдончаҳои бозӣ ва корти теннис ба нақша гирифта шудааст. Дар қисми дигар барои фароғати истироҳаткунандагон гулгашт бо фаввораҳо ва айвончаҳои зебову мунаққаш бунёд мешаванд. 
Зимни шиносоӣ бо лоиҳаи бинои нави осоишгоҳи “Баҳористон” Сарвари давлат муҳтарам Эмомалӣ Раҳмон ба сохтмончиён барои иҷрои босифати корҳо ва истифодаи меъёрҳои меъморӣ, бо нақшу нигори миллӣ ва санъати волои бунёдкориҳо оро додани бино дастуру супоришҳои мушаххас доданд. Дар ошёнаҳои аз якум то панҷуми бино толорҳои зиёфат, гуфтушунид, ҳуҷраҳои хизматрасонии корӣ, ошхона, ҳаммом, ҳуҷраҳо барои кабули меҳмонони олиқадр, машқгоҳ ва ғайра сохта мешаванд. 
Аз тарафи соҳибкори ватанӣ, инчунин, меҳмонхонаи муосири “Фируз-плаза” дар соҳили обанбори “Баҳри тоҷик” ба фаъолият оғоз намуд. Меҳмонхона аз 3 бинои хизматрасонӣ барои меҳмонон, аз ҷумла 1 бинои истироҳатии 3 - ошёна, 1 тарабхона ва 1 толори хурд иборат аст. Бинои истироҳатӣ бо 19 ҳуҷра барои 46 нафар пешбинӣ шудааст. Дар меҳмонхона майдончаи варзиш, ҳавзи шиноварӣ барои наврасону кӯдакон, таваққуфгоҳи нақлиёт ва дигар иншооти хизматрасонӣ ба мизоҷон хизмат мерасонад. 
Инчунин, дар доираи истиқболи сазовори Ҷашни 30 - солагии Истиқлолияти давлатӣ Пешвои миллат муҳтарам Эмомалӣ Раҳмон дар доираи сафари корӣ ба вилояти Суғд дар шаҳри Гулистон истироҳатгоҳи нави “Суғдиён”-ро мавриди баҳрабардорӣ қарор доданд. 
Дар доираи истиқболи Ҷашни 30 - солагии Истиқлолияти давлатӣ, ҳамчунин, бо ибтикори соҳибкори ватанӣ Абдуқодир Ҷабборзода осоишгоҳи муосир ба истифода дода мешавад. Ҳоло бунёди бинои табобатӣ ва истироҳатгоҳ, ҳавзи шиноварӣ, ошхона, ҳуҷраҳои алоҳидаи фароғатӣ ва дигар иншооти ёрирасон аз ҷониби сохтмончиён ба анҷом расида, корҳои пардозгарӣ ва насби таҷҳизоти тиббӣ бо сифат ва завқи баланд идома доранд. Осоишгоҳи мазкур дар соҳили “Баҳри тоҷик” ҷойгир буда, дар оянда ташкили ҳавзҳои моҳӣ низ дар назар аст.   
Аз ҷониби соҳибкор Турсуной Зокирова бошад сохтмони осоишгоҳи замонавӣ барои 250 ҷой давоми соли ҷорӣ бунёд мегардад. Мувофиқи лоиҳа дар осоишгоҳ тамоми шароити зарурӣ барои меҳмонону сайёҳони дохилию хориҷӣ фароҳам оварда мешавад.
Барои ҷалби сокинону меҳмонон ба минтақаи зебоманзар пурра навсозӣ намудани Боғи фароғатӣ - истироҳатии ба номи Темурмалик дар соҳили “Баҳри тоҷик” ба роҳ монда мешавад. Ҳамзамон, аз ҷониби соҳибкори ватанӣ 11 коттеҷи замонавӣ ба истиқболи 30-солагии Истиқлолияти давлатӣ бунёд мегардад. 
Роҳбарияти шаҳр ҷиҳати воқеан ҳам, ба як шаҳри сарсабзу хуррам, ободу замонавӣ, сайёҳию фароғатӣ ва гулистон табдил шудани Гулистон пайваста дар талошанд. Дур нест он рӯзҳо, ки Гулистон дар миқёси мамлакат ба як шаҳри муосиртарини сайёҳӣ табдил ёфта, бо сарбаландӣ муаррифгари кишвар мегардад.
 
Ҷовид ЭРКАЕВ, 
“Ҷумҳурият”


Баёни ақида (0)    Санаи нашр: 19.07.2021    №: 143    Мутолиа карданд: 6288
25.11.2022


ТАҒЙИРОТ БА ҚОНУН. 6 МАЙ - РӮЗИ КОРМАНДОНИ СОҲАИ ҲИФЗИ СИРРИ ДАВЛАТӢ ТАҶЛИЛ МЕШАВАД

ВМКБ. ҶАЛАСАИ СИТОД ОИД БА ЗИМИСТОНГУЗАРОНӢ

СУҒД. ҶАМЪОВАРИИ ПАХТА ВУСЪАТИ ТОЗА МЕГИРАД

24.11.2022


ПАРЧАМИ ДАВЛАТӢ - САРЧАШМАИ ПИРӮЗИҲО

23.11.2022


Интихобот дар Қазоқистон рақобатпазир ва шаффоф буд

ҶОМИ ҶАҲОН

22.11.2022


Рӯзҳои фарҳанги Тоҷикистон дар Туркманистон

ТОҶИКИСТОН ВА РОССИЯ. ФОРУМИ ҶАВОНОН БАРОИ ТАБОДУЛИ ТАҶРИБА ВА РУШДИ КАСБИЯТ РАВЗАНАИ НАВ БОЗ КАРД

«ЗОДРӮЗИ ТОҶИКИСТОН»

МУАРРИФИИ ОШИ ПАЛАВ ДАР ҶОПОН

САМАРҚАНД. ЯК ҲАМОИШИ МУҲИМ

21.11.2022


Мулоқоти вазирони корҳои хориҷии Тоҷикистон ва Ӯзбекистон

ИТТИФОҚИ НАВИСАНДАГОН. ГИРОМИДОШТИ ХОТИРАИ ҶОНИБЕК АКОБИР

ЧЕМПИОНАТИ CAFA – 2022

16.11.2022


Ҷоизаи раиси шаҳри Душанбе барои муҳаққиқони ҷавон

Чин бар зидди ихроҷи Россия аз G20 баромад кард

СУҒД. ТАШРИФИ СОҲИБКОРОНИ ТУРК БА ВИЛОЯТ

ТОҶИКИСТОН ВА АРАБИСТОНИ САУДӢ. АЗ БАРҚАРОРИИ МУНОСИБАТҲОИ ДИПЛОМАТИИ ДУ КИШВАРИ ДӮСТ СӢ СОЛ ГУЗАШТ

«ОРМОНИ МИЛЛАТ: «РОҒУН» БУЗУРГТАРИН САРБАНДИ АСРИ НАВ»

15.11.2022


Ҷаласаи ҳайатҳои ҳукуматии Тоҷикистон ва Қирғизистон

ҶАҲОН ДАР ЯК САТР

Президенти Индонезия дар Бали нишасти G20-ро ифтитоҳ кард

ЯК ҲАМОИШИ МУҲИМ

ДАНҒАРА. ИСТЕҲСОЛИ ҒАЛЛА БА 100 ҲАЗОР ТОННА МЕРАСАД

ПРЕСС-ТУРИ НАВБАТИИ РӮЗНОМАНИГОРОН БА НБО «НОРАК»

Қадрдонии варзишгари тоҷик аз ҷониби Рустами Эмомалӣ

11.11.2022


Ҳукумати Тоҷикистон ба мардуми Эрон изҳори таслият кард

ТОҶИКИСТОН ВА ӮЗБЕКИСТОН. АЗ РУШДИ ҲАМКОРИҲОИ ИЛМӢ-АДАБӢ ТО САЙРИ ФАРОМАРЗИИ «ГАНҶИ СУХАН»

10.11.2022


ВОЛОИЯТИ ҚОНУН. ФОРУМИ ҲАШТУМИ МИЛЛӢ БАРГУЗОР ГАШТ

6 НОЯБР. САНАДИ БУНЁДИИ ТОҶИКИСТОНИ СОҲИБИСТИҚЛОЛ 28-СОЛА ШУД

04.11.2022


САМАРҚАНД. ИМКОНИЯТҲОИ САЙЁҲИИ ТОҶИКИСТОН МУАРРИФӢ ГАРДИД

ПОЙТАХТ. ТАНТАНАИ ФЕСТИВАЛИ ДЎСТӢ

СИЁСАТИ ГЕНДЕРӢ. ТОҶИКИСТОН ВА НАҚШИ ЗАНОН ДАР ИДОРАИ УМУРИ ДАВЛАТДОРӢ

03.11.2022


Лоиҳаи Буҷети давлатӣ барои соли 2023 ба Маҷлиси намояндагон пешниҳод шуд

ТОҶИКИСТОНУ ЭРОН. ТАНТАНАИ ДӮСТӢ ДАР НАМОИШИ ҲУНАРҲОИ МАРДУМӢ ВА МАҲФИЛИ ШОИРОН


Дар сомонаҳои дигари Тоҷикистон хонед