logo

Хабарҳо

ВМКБ. МАҶМӮИ МАҲСУЛОТИ МИНТАҚАВӢ БА 454,2 МИЛЛИОН СОМОНӢ РАСИД

Дар мақомоти иҷроияи ҳокимияти давлатии Вилояти Мухтори Кӯҳистони  Бадахшон бо иштироки котиби Шӯрои амнияти Ҷумҳурии Тоҷикистон Насрулло Маҳмудзода  натиҷаҳои рушди иқтисодию иҷтимоии вилоят дар шаш моҳи соли равон ҷамъбаст гардид. 
Зимни ироаи гузориш муовини раиси вилоят Анвар Иматшозода зикр кард, ки тайи нимсола маҷмӯи маҳсулоти минтақавӣ 454,2 миллион сомониро ташкил дод, ки нисбат ба ҳамин давраи соли 2020 111,3 миллион сомонӣ зиёд мебошад. Нақшаи андозҳо ва дигар пардохтҳои ҳатмӣ бо назардошти андози иҷтимоии ғайрибуҷетӣ ба андозаи 110,3 дарсад иҷро шуд. 
Зикр шуд, ки ҳоло дар вилоят 57 корхонаи саноатӣ амал менамояд. Соли ҷорӣ тибқи “Нақшаи амал” сохтмони 18 корхона ва коргоҳҳои саноатӣ бо таъсиси 134 ҷои кор дар назар аст. 
Баҳри истиқболи сазовори Ҷашни 30-солагии Истиқлоли давлатии Ҷумҳурии Тоҷикистон сохтмони 910 иншоот ба нақша гирифта шуда, то имрӯз 683-тояш ба истифода дода шуд. 
Раиси шаҳри Хоруғ Мирзонабот Алишер роҷеъ ба вусъати корҳои ободонию созандагӣ ва рафти омодагиҳо ба Ҷашни 30-солагии Истиқлоли давлатии Ҷумҳурии Тоҷикистон дар шаҳр, таъсиси субзонаи Минтақаи озоди иқтисодии “Ишкошим” дар маҳаллаи Тем бо бунёди 7 корхонаи саноатӣ, таъмини сокинони шаҳр бо оби нӯшокӣ гузориш дод. 
Насрулло Маҳмудзода, котиби Шӯрои амният, таъкид кард, ки ҷиҳати татбиқ намудани ҳадафи чоруми стратегӣ – саноатикунонии босуръати кишвар ва ба кор андохтани иқтидорҳои нави саноатии коркарди маъданҳои кӯҳӣ бояд чораҳои зарурӣ амалӣ шаванд. Дар ҳамин ҳол аз фаъолият накардани баъзе аз корхонаҳои саноатии вилоят изҳори нигаронӣ  шуд. Бо мақсади сазовор  истиқбол гирифтани Ҷашни 30-солагии Истиқлоли давлатии Ҷумҳурии Тоҷикистон ва сифатнок иҷро намудани корҳои созандагию бунёдкорӣ, тезондани ҷараёни кор дар иншоот аз раисони шаҳру ноҳияҳои вилоят масъулияти бештар тақозо гардид. Бо ёдоварӣ аз  хуруҷи мавҷи дуюми бемории сироятии коронавирус, таъкид рафт, ки ҷиҳати пешгирии паҳншавии он мардум бояд қоидаҳои санитарию гигиениро қатъан риоя намоянд. 
Насрулло Маҳмудзода дар робита ба авзои ноороми Афғонистон зикр кард, ки  минтақаҳои наздисарҳадӣ таҳти назорати доимии қӯшунҳои сарҳадии Тоҷикистон  қарор доранд. Мардум бояд хотирҷамъ бошанд ва дар таъмини амният ва суботу оромии ҷомеа  ҳиссагузорӣ  намоянд. 
Раиси вилоят Ёдгор Файзов бо изҳори миннатдорӣ ба Ҳукумати кишвар, бахусус Пешвои миллат муҳтарам Эмомалӣ Раҳмон ҷиҳати дастгирии ҳамаҷониба дар самти расидан ба ҳадафҳои рушди иқтисодию иҷтимоӣ  гуфт, ки пешравиҳои бадастомада  дар қиёс ба имконият ва зарфиятҳои мавҷудаи вилоят ҳоло қонеъкунанда нестанд. Зикр шуд, ки масъалаи зимистонгузаронӣ, аз ҷумла таъминот бо  қувваи барқ, амнияти озуқаворӣ, захира намудани маводи сӯзишворӣ, бе талаф ҷамъ овардани ҳосил, сарфакорона истифода бурдани ҳосили рӯёндашуда ва роҳ надодан ба хароҷоти зиёдатӣ аз вазифаҳои муҳими нимсолаи дуюм ба шумор мераванд. 
Раиси вилоят афзоиши истеҳсоли маҳсулоти кишоварзиро дар раванди тағйирёбии иқлим, махсусан бо роҳи ташкили гармхонаҳо бамаврид хонда, таъкид сохт, ки ба ин масъала бояд солҳои минбаъда низ таваҷҷуҳи бештар равона гардад. 
- Ҳамаи ниятҳои нек амалӣ мегарданд, дар сурате  ки волоияти қонун ва суботу оромии ҷомеа таъмин бошад, - гуфт раиси вилоят ва афзуд, ки дар шароити феълии мураккаб гардидани вазъи минтақа аз ҳарвақта дида, бояд бештар дар атрофи Ҳукумати мамлакат сарҷамъ бошем ва бо рӯҳияи болида Ҷашни 30-солагии Истиқлоли давлатиро сазовор пешвоз гирем.
 
Раҳмони  ГУЛЗОР, 
“Ҷумҳурият”


Баёни ақида (0)    Санаи нашр:    №:    Мутолиа карданд: 325
28.09.2021


Тағйирот ба қонун «Дар бораи нафақаҳои суғуртавӣ ва давлатӣ»

Путин чаҳор душмани асосии Россияро ном бурд

Навидҳои фарҳанг

27.09.2021


Мулоқоти Рустами Эмомалӣ бо Қосим-Жомарт Токаев

СОҲИБИСТИҚЛОЛӢ ВА РУШДИ ВАО

Лавров дар бораи ҳамоҳанг набудани ризоияти абарқудратҳо оид ба принсипҳои тартиботи ҷаҳонӣ сухан гуфт

Ҷаҳон дар як сатр

23.09.2021


Муносибатҳои дипломатии Тоҷикистон ва Мавритания барқарор шуданд

ЛИГАИ ОЛӢ

Машқҳои «Миссияи сулҳи СҲШ - 2021» дар вилояти Оренбург

Ҷаҳон дар як сатр

21.09.2021


Туҳфаи Пешвои миллат - “Тоҷикон” ба Хуҷанд расид

Навидҳои фарҳанг

17.09.2021


Токаев аз кишварҳои СААД хост, ки дар таҳкими марзи Тоҷикистон ёрӣ расонанд

Ҷаҳон дар як сатр

СЕ МЕДАЛ - ТУҲФАИ ҶАШНӢ

16.09.2021


Ҷаласаи муштараки ШВКХ, ШВМ ва ККША СААД

ПАҲЛАВОНИ ТОҶИК - СОҲИБИ ШОҲҶОИЗА

СОЗИШНОМАИ БМТ БО БОНКИ МАРКАЗИИ РОССИЯ

ТОҶИКОБОД. НИЁЗМАНДОН ДАСТГИРӢ ЁФТАНД

ҶИУ-ҶИТСУ

МУЛОҚОТИ ЭМОМАЛӢ РАҲМОН БО НИКОЛ ПАШИНЯН

15.09.2021


Лоиҳаи Қонун «Дар бораи фаъолияти инжинирингӣ» баррасӣ гашт

ЛИГАИ ҚАҲРАМОНҲО

Рӯйдодҳои илмӣ

ХУҶАНД. БОЗ ЧАНД ИНШООТИ НАВИ ҶАШНӢ ДАР ХИЗМАТИ СОКИНОН

14.09.2021


Нахустин вохӯрии сарварони кишварҳои узви СҲШ ва СААД оид ба вазъи Афғонистон дар Душанбе

МАКТАБИ СИЁСИИ ПЕШВОИ МИЛЛАТ КОРШИНОСОНУ МУҲАҚҚИҚОНИ ДОХИЛУ ХОРИҶРО БА ҲАМ МЕОРАД

“МАРҲАБО БА 20-СОЛАГИИ СҲШ”

I БОЗИҲОИ КИШВАРҲОИ ИДМ

ЛАХШ. ИММУНИЗАТСИЯ БО МАРОМ ИДОМА ДОРАД

13.09.2021


Маҷаллаи «Diplomatisches Magazin» дастовардҳои Тоҷикистонро муаррифӣ намуд

Дар Афғонистон ҷанг бо «Толибон» дубора авҷ гирифт

Ҷаҳон дар як сатр

ГӮШТИИ МИЛЛӢ


Дар сомонаҳои дигари Тоҷикистон хонед