logo

Хабарҳо

АЗ НИШАСТҲОИ МАТБУОТӢ

БУҶЕТҲОИ МАҲАЛЛӢ НИЗ ПЕШРАФТ ДОРАНД
 
Ба иттилои вазири молияи ҷумҳурӣ Файзиддин Қаҳҳорзода, тайи шаш моҳи соли равон ҳаҷми ММД қариб 40 миллиард сомонӣ ва суръати афзоиши он 8,7 дарсадро ташкил дод. Рушди иқтисодиёти ҷумҳурӣ, асосан, аз ҳисоби гардиши савдои хориҷӣ 42,8 дарсад, саноат 23,4, сохтмон 22,1, гардиши мусофирон 16,9 ва кишоварзӣ 8,1 дарсад таъмин гардид. Ҳаҷми умумии даромади буҷети давлатӣ 13,2 миллиард сомониро ташкил дод, ки 106,5 дарсади нақшаро дар бар мегирад. Воридоти даромади буҷетӣ нисбат ба нақша беш аз 809 миллион ва нисбат ба шашмоҳаи аввали соли гузашта 3,4 миллиард сомонӣ зиёд аст. 
Номбурда зимни посух ба суоли хабарнигори рӯзнома оид ба манбаъҳои даромади буҷетҳои маҳаллӣ изҳор дошт, ки тадриҷан сафи ноҳияҳои дотатсионӣ дар мамлакат коҳиш ёфта истодааст. 
- Вақти он расидааст, ки мақомоти иҷроияи ҳокимияти давлатии ноҳияҳо тавассути ташкили корхонаҳои саноатию хизматрасонӣ манбаъҳои даромади буҷети маҳаллиро зиёд намуда, ба худтаъминкунӣ гузаранд. Аллакай, ин раванд беҳбудӣ ёфтааст. Масалан, ноҳияи Сангвор яке аз минтақаҳои кӯҳсор ва дурдасти ҷумҳурӣ дар ҳоли баромадан аз дастнигарии молиявӣ аст. Бовар аст, ки баъди як сол ноҳия дар таъмини буҷети маҳаллӣ ва сарфи маблағҳои он ба соҳаҳои гуногун худкифо мегардад, - гуфт Файзиддин Қаҳҳорзода. 
 
 
 
МИНБАЪД «FACEBOOKE» ВА «YANDEX» ҲАМ АНДОЗ МЕСУПОРАНД
Раиси Кумитаи андоз Нусратулло Давлатзода дар робита ба андозситонӣ аз шахсони хориҷӣ дар намуди «андоз аз Google» изҳор дошт, ки тайи нимсолаи аввали соли равон 18 шахси ҳуқуқӣ, аз ҷумла «Facebooke», «Yandex» дар кумита барои супурдани андоз ба қайд гирифта шуданд. Дар ин давра субъектони соҳибкории тиҷорати электронӣ беш аз 14 миллион сомонӣ даромад намуданд, ки аз ҳисоби онҳо 1,2 миллион сомонӣ андоз пардохта шуд.  
Номбурда иттилоъ дод, ки дар шашмоҳаи аввали соли равон даромад аз ҳисоби андоз ба буҷети давлат ба ҷойи 6 миллиарду 454,9 миллион сомонӣ 6 миллиарду 545,9 миллион сомонӣ, яъне 101 дарсад иҷро шуд. Ҳамчунин, пешниҳоди эъломияҳо тариқи электронӣ аз ҷониби андозсупорандагон, аллакай, ба 144,5 ҳазор адад расидааст, ки барои пурра электроникунонии низоми андозӣ заминаи мустаҳкам мегузорад. Ҳоло дар заминаи портали кумита 63 намуди хизматрасонӣ ба таври электронӣ сурат мегирад, ки дар қиёс ба кишварҳои дигари ИДМ дар сафи пеш қарор дорад. Дар ин муддат бақияи пардохтҳо ҳам коҳиш ёфта, ба 783,6 миллион сомонӣ баробар гардид. 
 
Ташрифулло САЪДУЛЛОЕВ, «Ҷумҳурият»
 
 
 
БОРИ АВВАЛ ДАР 15 СОЛИ ОХИР ҲАҶМИ СОДИРОТ АЗ ВОРИДОТ БЕШТАР ГАШТ
 
Хуршед Каримзода, сардори Хадамоти гумрук, зимни нишасти матбуотӣ иброз дошт, ки дар нимсолаи аввал гардиши тиҷорати хориҷии мамлакат ба 2 918,7 миллион доллар баробар шуд, ки нисбат ба ҳамин давраи соли гузашта 773,8 миллион доллар зиёд мебошад. Аз ҳаҷми умумии гардиши мол 1 870,2 миллион доллар ба воридот ва 1 048,5 миллион ба содирот рост омада, мутаносибан воридот 365,5 миллион ва содирот 408,3 миллион доллар афзоиш ёфтааст. 
Дар ин давра аз ҷониби иштирокчиёни фаъолияти иқтисодии хориҷии кишвар бо 111 мамлакати ҷаҳон амалиёти содиротию воридотӣ ба анҷом расонда шуд. Дар содироти молҳои ватанӣ вазни қиёсии асосиро маъданҳо ва консентратҳо (15,4 дарсад), нахи пахта (7,1), алюминий  (6,9), семент (2,6), ресмони пахтагӣ (2,4) ва маҳсулоти меваю сабзавот (1,2 дарсад) ташкил медиҳанд. Аз ҳаҷми умумии содирот 23 дарсад ба кишварҳои хориҷи наздик ва 77 дарсад ба кишварҳои дур рост меояд.
Матлубаи АБДУҚАҲҲОР, “Ҷумҳурият”
 
 
 
СОДИРОТ 92,2 ДАРСАД АФЗУД
 
Директори Агентии содироти назди Ҳукумати Ҷумҳурии Тоҷикистон Шавкат Бобозода зимни нишасти матбуотӣ иброз дошт, ки сарфи назар аз пайомадҳои ногувори пандемияи коронавирус Тоҷикистон бо беш аз 100 мамлакати хориҷӣ додугирифт дорад. Дар шашмоҳаи аввал ба маблағи 1231,6 миллион доллари амрикоӣ маҳсулоти ватанӣ содирот шуд, ки нисбат ба ҳамин давраи соли сипаришуда 577,5 миллион доллар зиёд мебошад. 
- Содироти маҳсулоти саноатӣ бошад, 1219,3 миллион доллари амрикоиро ташкил дода, дар қиёс ба ҳамин давраи соли гузашта 92,2 дарсад бештар аст, - гуфт Шавкат Бобозода.
Зикр шуд, ки тибқи маълумоти оморӣ дар шашмоҳаи аввал 12256,9 ҳазор доллар маҳсулоти кишоварзӣ интиқол ёфт. Аз рӯи ҳаҷм содироти маҳсулоти кишоварзӣ 106,4 ҳазор тоннаро ташкил дод. Ин нишондиҳанда нисбат ба ҳамин давраи соли гузашта 9,4 ҳазор тонна афзуд. 
 
А. Кароматулло, 
«Ҷумҳурият»
 
 
 
ДАСТРАСИИ КИШОВАРЗОН БА ТЕХНИКАИ КИШОВАРЗӢ
 
- Дар нимсолаи аввали соли равон барои кишти саривақтӣ, ҷамъоварии ҳосили хӯроки чорво, инчунин, таъмиру таҷдиди роҳҳои чорвогузар дар доираи татбиқи лоиҳаи «Рушди чорводорӣ ва чарогоҳҳо - II» ба ҷамъиятҳои истифодабарандагони чарогоҳҳо 2 трактор, 3 экскаватор, 2 ядаки тракторӣ, 35 тухмитозакунаки ғалладона ва 130 мошинолоти гуногуни кишоварзӣ (испор, алафтойкунак, сихмола, чизел) дода шуд, - гуфт дар нишасти хабарӣ директори Муассисаи давлатии «Маркази идораи лоиҳаи «Рушди чорводорӣ ва чарогоҳҳо» Абдулаҳад Хоҷазода.
Дар ин давра бо истифода аз 125 инкубатори дастрасгардида беш аз 22 ҳазор чӯҷаи мурғи хонагӣ ва 108 ҳазор чӯҷаи мурғи марҷон истеҳсол шуда, ба 497 зани ниёзманди деҳаҳои зерҳадафи лоиҳа 3300 чӯҷаи мурғи хонагӣ ва марҷон ройгон дода шуд. 
Ба гуфтаи Абдулаҳад Хоҷазода ҳадафи асосии лоиҳаи «Рушди чорводорӣ ва чарогоҳҳо - II» баланд бардоштани сатҳи некуаҳволии сокинони шаҳри Кӯлоб, ноҳияҳои Восеъ, Данғара, Мир Сайид Алии Ҳамадонӣ ва Фархор тавассути идоракунии самараноки чарогоҳ ва беҳтар намудани маҳсулнокии чорво мебошад. 
 
Кароматулло АТО,
 «Ҷумҳурият»


Баёни ақида (0)    Санаи нашр:    №:    Мутолиа карданд: 604
28.09.2021


Тағйирот ба қонун «Дар бораи нафақаҳои суғуртавӣ ва давлатӣ»

Путин чаҳор душмани асосии Россияро ном бурд

Навидҳои фарҳанг

27.09.2021


Мулоқоти Рустами Эмомалӣ бо Қосим-Жомарт Токаев

СОҲИБИСТИҚЛОЛӢ ВА РУШДИ ВАО

Лавров дар бораи ҳамоҳанг набудани ризоияти абарқудратҳо оид ба принсипҳои тартиботи ҷаҳонӣ сухан гуфт

Ҷаҳон дар як сатр

23.09.2021


Муносибатҳои дипломатии Тоҷикистон ва Мавритания барқарор шуданд

ЛИГАИ ОЛӢ

Машқҳои «Миссияи сулҳи СҲШ - 2021» дар вилояти Оренбург

Ҷаҳон дар як сатр

21.09.2021


Туҳфаи Пешвои миллат - “Тоҷикон” ба Хуҷанд расид

Навидҳои фарҳанг

17.09.2021


Токаев аз кишварҳои СААД хост, ки дар таҳкими марзи Тоҷикистон ёрӣ расонанд

Ҷаҳон дар як сатр

СЕ МЕДАЛ - ТУҲФАИ ҶАШНӢ

16.09.2021


Ҷаласаи муштараки ШВКХ, ШВМ ва ККША СААД

ПАҲЛАВОНИ ТОҶИК - СОҲИБИ ШОҲҶОИЗА

СОЗИШНОМАИ БМТ БО БОНКИ МАРКАЗИИ РОССИЯ

ТОҶИКОБОД. НИЁЗМАНДОН ДАСТГИРӢ ЁФТАНД

ҶИУ-ҶИТСУ

МУЛОҚОТИ ЭМОМАЛӢ РАҲМОН БО НИКОЛ ПАШИНЯН

15.09.2021


Лоиҳаи Қонун «Дар бораи фаъолияти инжинирингӣ» баррасӣ гашт

ЛИГАИ ҚАҲРАМОНҲО

Рӯйдодҳои илмӣ

ХУҶАНД. БОЗ ЧАНД ИНШООТИ НАВИ ҶАШНӢ ДАР ХИЗМАТИ СОКИНОН

14.09.2021


Нахустин вохӯрии сарварони кишварҳои узви СҲШ ва СААД оид ба вазъи Афғонистон дар Душанбе

МАКТАБИ СИЁСИИ ПЕШВОИ МИЛЛАТ КОРШИНОСОНУ МУҲАҚҚИҚОНИ ДОХИЛУ ХОРИҶРО БА ҲАМ МЕОРАД

“МАРҲАБО БА 20-СОЛАГИИ СҲШ”

I БОЗИҲОИ КИШВАРҲОИ ИДМ

ЛАХШ. ИММУНИЗАТСИЯ БО МАРОМ ИДОМА ДОРАД

13.09.2021


Маҷаллаи «Diplomatisches Magazin» дастовардҳои Тоҷикистонро муаррифӣ намуд

Дар Афғонистон ҷанг бо «Толибон» дубора авҷ гирифт

Ҷаҳон дар як сатр

ГӮШТИИ МИЛЛӢ


Дар сомонаҳои дигари Тоҷикистон хонед