logo

маориф

МАОРИФИ ХОВАЛИНГ. БАРНОМАИ ДАВЛАТӢ КАЙ ИҶРО МЕШАВАД?

Қарори Ҳукумати Ҷумҳурии Тоҷикистон оид ба «Барномаи давлатии амалӣ намудани технологияи иттилоотӣ ва коммуникатсионӣ дар муассисаҳои таълимӣ барои солҳои 2018 - 2022» се сол боз ба тасвиб расидааст, аммо, мутаассифона, дар баъзе шаҳру навоҳии минтақаи Кӯлоб қарори мазкур ба ҳукми фаромӯшӣ рафтааст ва масъулони соҳаи маориф дар татбиқи он саҳлангорӣ мекунанд. 
Дар Муассисаи таҳсилоти миёнаи умумии № 21-уми ноҳияи Ховалинг норасоии компютер мушкили рақами як мебошад.  
Қурбоналӣ Назаров, директори муассиса, дар ин бора тазаккур дод, ки дар таълимгоҳ 4 компютер мавҷуд буда, ду адади он корношоям аст. Ба 28 хонандаи синфҳои 5 – 11 як компютер рост меояд. Муҳлати истифодаи компютерҳои муассисаи мазкур кайҳо гузаштааст, онҳо ба талаботи имрӯз комилан ҷавобгӯ нестанд. Ба гуфти мутасаддиён, соле қабл 1 компютери замонавӣ ба таълимгоҳ дастрас шуда буд, аммо баъди чанд рӯз бо баҳонаи таъмир кардан, онро бурданду дигар ба мактаб  барнагашт.  
- Воқеан, аз нарасидани компютер дар синфхонаҳои технологӣ танқисӣ мекашем. Феълан, имкони харидани компютерро надорем. Кӯшиш мекунем, ки то охири соли ҷорӣ аз ҳисоби падару модарони хонандагон ва ҷалби ашхоси саховатпеша ақаллан як компютери дигар дастрас кунем. Дар муассиса беш аз 120 хонанда таҳсил  дорад. Норасоии китоб  низ дар мактаб ҳаст, вале аз дигар муассисаҳо китоби лозимиро иҷора мегирем, - гуфт Қ. Назаров. 
- Аз аввали амалишавии барномаи компютеркунонӣ ба муассисаҳои таълимии ноҳия беш аз 90 компютер дастрас шудааст. Мушкили норасоии компютер дар дигар мактабҳои ноҳия низ ҷой дорад. Масалан, муассисаҳои таҳсилоти миёнаи умумии рақамҳои  14,  21 ва  19 аз ин зумраанд.  Мо саъй дорем, ки ин проблемаро бартараф кунем. Дар таълимгоҳҳои ноҳия 465  компютер мавҷуд буда, 75  адади он таъмирталабанд, - гуфт Муҳаммадназар Амирсаидов, мудири маорифи ноҳия.
Масъулони Муассисаи таҳсилоти миёнаи умумии № 14-уми ноҳия иттилоъ доданд, ки дар мактаб ҳамагӣ 7 компютер мавҷуд буда, 2 адади он фарсуда мебошад. Тибқи маълумоти дастрасгардида, компютерҳои муассиса аз соли 2010 инҷониб истифода мешаванд. 
Ба иттилои мутасаддиёни раёсати молияи ноҳия  аз ҳисоби буҷети маҳаллӣ барои татбиқи барномаи мазкур беш аз 68 ҳазор сомонӣ маблағгузорӣ шудааст. Мақсаднок ва самаранок истифода шудани маблағи мазкур бо ин вазъ зери суол аст. Мавзуъро пайгирӣ хоҳем кард… 
 
Суннати СОДИҚ, «Ҷумҳурият»
 


Баёни ақида (0)    Санаи нашр: 03.09.2021    №: 176    Мутолиа карданд: 2117
28.09.2021


Тағйирот ба қонун «Дар бораи нафақаҳои суғуртавӣ ва давлатӣ»

Путин чаҳор душмани асосии Россияро ном бурд

Навидҳои фарҳанг

27.09.2021


Мулоқоти Рустами Эмомалӣ бо Қосим-Жомарт Токаев

СОҲИБИСТИҚЛОЛӢ ВА РУШДИ ВАО

Лавров дар бораи ҳамоҳанг набудани ризоияти абарқудратҳо оид ба принсипҳои тартиботи ҷаҳонӣ сухан гуфт

Ҷаҳон дар як сатр

23.09.2021


Муносибатҳои дипломатии Тоҷикистон ва Мавритания барқарор шуданд

ЛИГАИ ОЛӢ

Машқҳои «Миссияи сулҳи СҲШ - 2021» дар вилояти Оренбург

Ҷаҳон дар як сатр

21.09.2021


Туҳфаи Пешвои миллат - “Тоҷикон” ба Хуҷанд расид

Навидҳои фарҳанг

17.09.2021


Токаев аз кишварҳои СААД хост, ки дар таҳкими марзи Тоҷикистон ёрӣ расонанд

Ҷаҳон дар як сатр

СЕ МЕДАЛ - ТУҲФАИ ҶАШНӢ

16.09.2021


Ҷаласаи муштараки ШВКХ, ШВМ ва ККША СААД

ПАҲЛАВОНИ ТОҶИК - СОҲИБИ ШОҲҶОИЗА

СОЗИШНОМАИ БМТ БО БОНКИ МАРКАЗИИ РОССИЯ

ТОҶИКОБОД. НИЁЗМАНДОН ДАСТГИРӢ ЁФТАНД

ҶИУ-ҶИТСУ

МУЛОҚОТИ ЭМОМАЛӢ РАҲМОН БО НИКОЛ ПАШИНЯН

15.09.2021


Лоиҳаи Қонун «Дар бораи фаъолияти инжинирингӣ» баррасӣ гашт

ЛИГАИ ҚАҲРАМОНҲО

Рӯйдодҳои илмӣ

ХУҶАНД. БОЗ ЧАНД ИНШООТИ НАВИ ҶАШНӢ ДАР ХИЗМАТИ СОКИНОН

14.09.2021


Нахустин вохӯрии сарварони кишварҳои узви СҲШ ва СААД оид ба вазъи Афғонистон дар Душанбе

МАКТАБИ СИЁСИИ ПЕШВОИ МИЛЛАТ КОРШИНОСОНУ МУҲАҚҚИҚОНИ ДОХИЛУ ХОРИҶРО БА ҲАМ МЕОРАД

“МАРҲАБО БА 20-СОЛАГИИ СҲШ”

I БОЗИҲОИ КИШВАРҲОИ ИДМ

ЛАХШ. ИММУНИЗАТСИЯ БО МАРОМ ИДОМА ДОРАД

13.09.2021


Маҷаллаи «Diplomatisches Magazin» дастовардҳои Тоҷикистонро муаррифӣ намуд

Дар Афғонистон ҷанг бо «Толибон» дубора авҷ гирифт

Ҷаҳон дар як сатр

ГӮШТИИ МИЛЛӢ


Дар сомонаҳои дигари Тоҷикистон хонед