logo

туризм

МИНТАҚАИ БОХТАР. ШИНОСОӢ БО ЗАРФИЯТҲОИ САЙЁҲӢ

Дар заминаи татбиқи ҳадафҳои Солҳои рушди деҳот, сайёҳӣ ва ҳунарҳои мардумӣ баҳри муаррифии зарфиятҳои сайёҳии кишвар, имкониятҳои ташкили хатсайрҳои нави сайёҳӣ ва тақвияти сайёҳии дохилӣ Кумитаи рушди сайёҳии назди Ҳукумати Ҷумҳурии Тоҷикистон ба минтақаи Бохтари вилояти Хатлон пресс-тур ташкил намуд. 
 
ХАТЛОН - МАКОНИ САЙЁҲИИ  ТАЪРИХИВУ ФАРҲАНГӢ
Ширкаткунандагони пресс - тур тавассути роҳи Душанбе – Бохтар, ки чанд рӯз қабл пас аз таъмиру таҷдид Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мавриди истифода қарор доданд, раҳсипор шуданд.
Вилояти Хатлон дар қисмати ҷанубу ғарбии ҷумҳурӣ ҷойгир буда, мероси ғании таърихию фарҳангӣ ва захираҳои табиии шаҳру ноҳияҳои он барои рушди сайёҳии дохилӣ ва қабули сайёҳони хориҷӣ мусоид мебошанд. Барои тараққӣ додани сайёҳӣ аз ҷониби Мақомоти иҷроияи ҳокимияти давлатии вилоят чораҳои лозима андешида мешаванд. Миёни мардум чакандӯзию гулдӯзӣ, чӯбтарошию заргарӣ эҳё шуда, ривоҷ ёфтаанд. Инфрасохтор дар доираи Ҷашни 30-солагии Истиқлоли давлатӣ ва нақшаи иҷрои чорабиниҳои Солҳои рушди деҳот, сайёҳӣ ва ҳунарҳои мардумӣ тавсеа ёфтааст. Далели ин гуфтаҳо таъмиру тармими даҳҳо километр роҳҳо, бунёди меҳмонхонаҳои сатҳи гуногуни ҷавобгӯ ба талаботи рӯз, ошхонаҳои милливу дигар инфрасохтори зарурии сайёҳӣ мебошанд, ки ба баланд гардидани сатҳи иҷтимоию иқтисодии сокинони ин минтақа мусоидат менамоянд.  
Ба иттилои Дилшод Шоҳзода, мудири шуъбаи рушди сайёҳии Мақомоти иҷроияи ҳокимияти давлатии Хатлон, феълан дар вилоят 931 ёдгории таърихиву фарҳангӣ мавҷуд аст, ки аз онҳо 721 ёдгории бостонӣ, 124 меъморӣ ва 86 монументалӣ мебошанд. Ёдгориҳои таърихиву фарҳангии вилоят, аз қабили қалъаи Ҳулбуки ноҳияи Восеъ, дайри буддоии Аҷинатеппаи ноҳияи Вахш, мадрасаи Хоҷа Машҳади ноҳияи Шаҳритус, шаҳраки Тахти Сангини ноҳияи Қубодиён ба Мероси ҷаҳонии ЮНЕСКО дохил гардидаанд, ки ҳамарӯза сайёҳон аз ин мавзеъҳо дидан менамоянд. 
 
«САЙЁҲИИ ДОХИЛӢ  ОМИЛИ РУШДИ  ИҚТИСОДИЁТИ КИШВАР»
Дар доираи сафар дар шаҳри Бохтар бо ибтикори Кумитаи рушди сайёҳӣ  дар ҳамкорӣ бо Мақомоти иҷроияи ҳокимияти давлатии вилояти Хатлон конфронси миллии сайёҳӣ дар мавзуи «Сайёҳии дохилӣ омили рушди иқтисодиёти кишвар» доир гардид. 
Ҳабибулло Амирбекзода, муовини аввали раиси Кумитаи рушди сайёҳӣ иброз дошт, ки пас аз таъсири пандемия ба сайёҳии кишвар рушди сайёҳии дохилӣ пеш гирифта шуд. Қабл аз ин, сафарҳоро ба минтақаҳои Кӯлобу Зарафшон, шаҳри Хуҷанд, Вилояти Мухтори Кӯҳистони Бадахшон, минтақаи Рашт ташкил намудем ва имрӯз мо дар минтақаи Бохтар қарор дорем. 
- Аксари ҳамсафарони мо ба ин минтақаҳо бори аввал сафар мекарданд, ҳол он ки кормандони мақомоти гуногуни кишваранд. Ҳамаи онҳо ҳамгоми боздид аз ин ё он мавзеъ таассуроти нав мегирифтанд, - гуфт Ҳ. Амирбекзода. Ба гуфтаи ӯ, мушкили асосие, ки мо чанд сол пеш доштем, ин инфрасохтори зарурии соҳа буд ва дар доираи омодагиҳо ба Ҷашни 30-солагии Истиқлоли давлатӣ ва нақшаи чорабиниҳои Солҳои рушди деҳот, сайёҳӣ ва ҳунарҳои мардумӣ ҳалли худро ёфт. Зеро, аллакай, дар дурдасттарин ноҳияи мамлакат меҳмонхона, ошхонаҳо бо шароити зарурӣ, нуқтаҳои хизматрасонии сайёҳӣ бунёд ёфтаанд.  
Дар шароити ташаккули муносибатҳои бонкдорӣ сайёҳӣ яке аз соҳаҳои афзалиятнок пазируфта шудааст. Дар баробари аҳамияти калони иқтисодӣ, рушди сайёҳӣ имкон медиҳад, ки раванди тиҷорат ташаккул ёфта, иқтидори мамлакат дар сатҳи байналмилалӣ муаррифӣ шавад.
 
БОЗДИД АЗ КОРХОНАҲОИ САНОАТӢ
Пас аз конфронси миллии сайёҳӣ ширкатдорони пресс - тур аз корхонаҳои саноатии шаҳри Бохтар дидан карданд. Аввалан, боздид аз ҶДММ «Бохтар Шифер» сурат гирифт. Ин корхона баҳри иҷрои ҳадафи чоруми стратегии кишвар – саноатикунонии босуръат нақши бориз дорад. Иқтидори истеҳсолии корхона дар як шабонарӯз 500 дона шифер буда, бо назардошти талаботи бозор имкони аз ин ҳам бештар истеҳсол намуданро дорад. Барои истеҳсоли шифер сементи аълосифати корхонаҳои Тоҷикистон истифода  гардида, ашёи хом аз Ҷумҳурии Қазоқистон низ ворид мегардад. Ба таъкиди мутахассисони соҳа шифери истеҳсолшуда, ба гармию сардӣ тобовар буда, муҳлати истифодаи тулонии он кафолат дода мешавад. 
Сипас, сардхонаи хурди истеҳолӣ, воқеъ дар маҳаллаи Маданияти шаҳри Бохтар ба иштирокчиён нишон дода шуд. Сардхона аз ду анбори нагоҳдории меваю сабзавот дар ҳаҷми 500 - тоннагӣ ва анбори нигоҳдории гӯшт ва маҳсулоти гӯштӣ  барои 35 тонна пешбинӣ шудааст. - Мақсади асосии бунёди сардхона таъмини бозори маҳаллӣ бо маҳсулоти меваю сабзавот дар фасли зимистон ва ба даст овардани манфиати иқтисодӣ мебошад, - гуфт Афзал Юсуфзода, мудири шуъбаи рушди иқтисод ва савдои мақомоти иҷроияи ҳокимияти давлатии шаҳри Бохтар. 
Инчунин, иштирокдорон ба хоҷагии моҳипарварии «Фалҳобод» ташриф оварданд. Замини умумии хоҷагӣ 32 гектар, аз ҷумла ҳавзҳо 20 гектарро, ташкил медиҳанд. Дар ҳавзҳо чор навъи моҳӣ – амури сафед, карп, ялақосӣ, пешонапаҳм, дар умум 60 ҳазор моҳӣ парвариш мешавад. Дар ин мавзеи зебоманзар тамоми шароитҳо барои роҳандозии сайёҳии моҳидорӣ фароҳаманд. 
 
ДАЙРИ БУДДОИИ  АҶИНАТЕППА ВА ТААССУРОТИ  АФСОНАҲОИ ҚАДИМИ ДУР
Дайри буддоии Аҷинатеппа аз маркази ноҳияи Вахш 11 километр дуртар воқеъ буда, харобаи ёдгориҳои дини буддоии нимаи асри Vll ва ибтидои асри Vlll мебошад. То солҳои 50-ум ақидае мавҷуд буд, ки гӯё то ҳол дар он ҷо ҷинҳо сукунат доранд. Тибқи маълумотҳо дар он ҷо солҳои 60-70 аз ҷониби олимон ҳафриётҳои бостоншиносӣ гузаронда шуданд. Маълум гардид, ки ин теппаҳои пурасрор дарвоқеъ, пур аз ҷинҳо будаанд. Вале, на дар шакли ҷисми зинда, балки ҳайкалҳои аз сангу гаҷу гил офарида. То соли 1973 Аҷинатеппа пурра таҳқиқ шуд. Он бинои росткунҷаест, ки вусъаташ 100 бар 50 метр ва баландиаш 6 метр буда, аз ду қисми бо роҳрав пайваста иборат аст, ки шартан «дайр» ё «маъбад» номида шудаанд. Ороиши меъмории ибодатгоҳи дайр мураккаб буда, аз ҳудуди он расмҳои девории рангоранг, муҷассамаҳои гилин, аз ҷумла муҷассамаи дувоздаҳметраи Буддо, ёфт гардидаанд. Муҷассамаи Буддои хобида айни замон дар Осорхонаи бостоншиносии ҷумҳуриявии шаҳри Душанбе ба намоиш гузошта шудааст. Аҷинатеппа тақрибан 100 сол арзи вуҷуд дошт. Дар нимаи дуюми асри 8 дар рафти истилои арабҳо тадриҷан хароб гардидааст. Мутаассифона, Аҷинатеппа имрӯзҳо шаклу зебоии худро бо мурури замон гум кардааст, вале дидани он аз наздик, албатта, ба кас таассуроти аҷиби афсонаҳои қадими дурро мебахшад. 
 
Шаҳноз ҚУРБОН, «Ҷумҳурият»,
Душанбе – Бохтар – Душанбе
 


Баёни ақида (0)    Санаи нашр: 18.11.2021    №: 231    Мутолиа карданд: 6328
25.11.2022


ТАҒЙИРОТ БА ҚОНУН. 6 МАЙ - РӮЗИ КОРМАНДОНИ СОҲАИ ҲИФЗИ СИРРИ ДАВЛАТӢ ТАҶЛИЛ МЕШАВАД

ВМКБ. ҶАЛАСАИ СИТОД ОИД БА ЗИМИСТОНГУЗАРОНӢ

СУҒД. ҶАМЪОВАРИИ ПАХТА ВУСЪАТИ ТОЗА МЕГИРАД

24.11.2022


ПАРЧАМИ ДАВЛАТӢ - САРЧАШМАИ ПИРӮЗИҲО

23.11.2022


Интихобот дар Қазоқистон рақобатпазир ва шаффоф буд

ҶОМИ ҶАҲОН

22.11.2022


Рӯзҳои фарҳанги Тоҷикистон дар Туркманистон

ТОҶИКИСТОН ВА РОССИЯ. ФОРУМИ ҶАВОНОН БАРОИ ТАБОДУЛИ ТАҶРИБА ВА РУШДИ КАСБИЯТ РАВЗАНАИ НАВ БОЗ КАРД

«ЗОДРӮЗИ ТОҶИКИСТОН»

МУАРРИФИИ ОШИ ПАЛАВ ДАР ҶОПОН

САМАРҚАНД. ЯК ҲАМОИШИ МУҲИМ

21.11.2022


Мулоқоти вазирони корҳои хориҷии Тоҷикистон ва Ӯзбекистон

ИТТИФОҚИ НАВИСАНДАГОН. ГИРОМИДОШТИ ХОТИРАИ ҶОНИБЕК АКОБИР

ЧЕМПИОНАТИ CAFA – 2022

16.11.2022


Ҷоизаи раиси шаҳри Душанбе барои муҳаққиқони ҷавон

Чин бар зидди ихроҷи Россия аз G20 баромад кард

СУҒД. ТАШРИФИ СОҲИБКОРОНИ ТУРК БА ВИЛОЯТ

ТОҶИКИСТОН ВА АРАБИСТОНИ САУДӢ. АЗ БАРҚАРОРИИ МУНОСИБАТҲОИ ДИПЛОМАТИИ ДУ КИШВАРИ ДӮСТ СӢ СОЛ ГУЗАШТ

«ОРМОНИ МИЛЛАТ: «РОҒУН» БУЗУРГТАРИН САРБАНДИ АСРИ НАВ»

15.11.2022


Ҷаласаи ҳайатҳои ҳукуматии Тоҷикистон ва Қирғизистон

ҶАҲОН ДАР ЯК САТР

Президенти Индонезия дар Бали нишасти G20-ро ифтитоҳ кард

ЯК ҲАМОИШИ МУҲИМ

ДАНҒАРА. ИСТЕҲСОЛИ ҒАЛЛА БА 100 ҲАЗОР ТОННА МЕРАСАД

ПРЕСС-ТУРИ НАВБАТИИ РӮЗНОМАНИГОРОН БА НБО «НОРАК»

Қадрдонии варзишгари тоҷик аз ҷониби Рустами Эмомалӣ

11.11.2022


Ҳукумати Тоҷикистон ба мардуми Эрон изҳори таслият кард

ТОҶИКИСТОН ВА ӮЗБЕКИСТОН. АЗ РУШДИ ҲАМКОРИҲОИ ИЛМӢ-АДАБӢ ТО САЙРИ ФАРОМАРЗИИ «ГАНҶИ СУХАН»

10.11.2022


ВОЛОИЯТИ ҚОНУН. ФОРУМИ ҲАШТУМИ МИЛЛӢ БАРГУЗОР ГАШТ

6 НОЯБР. САНАДИ БУНЁДИИ ТОҶИКИСТОНИ СОҲИБИСТИҚЛОЛ 28-СОЛА ШУД

04.11.2022


САМАРҚАНД. ИМКОНИЯТҲОИ САЙЁҲИИ ТОҶИКИСТОН МУАРРИФӢ ГАРДИД

ПОЙТАХТ. ТАНТАНАИ ФЕСТИВАЛИ ДЎСТӢ

СИЁСАТИ ГЕНДЕРӢ. ТОҶИКИСТОН ВА НАҚШИ ЗАНОН ДАР ИДОРАИ УМУРИ ДАВЛАТДОРӢ

03.11.2022


Лоиҳаи Буҷети давлатӣ барои соли 2023 ба Маҷлиси намояндагон пешниҳод шуд

ТОҶИКИСТОНУ ЭРОН. ТАНТАНАИ ДӮСТӢ ДАР НАМОИШИ ҲУНАРҲОИ МАРДУМӢ ВА МАҲФИЛИ ШОИРОН


Дар сомонаҳои дигари Тоҷикистон хонед