logo

иқтисод

КИШОВАРЗӢ. МУБОРИЗА БО МАЛАХ - КАФИЛИ ФАРОВОНҲОСИЛӢ

Ҳар сол дар мамлакат дар мавсими кишти баҳорӣ бо ибтикори Муассисаи давлатии «Экспедитсияи мубориза бар зидди малах» - и Вазорати кишоварзӣ чораҳои муҳофизавӣ бар зидди зараррасону зироатҳои кишоварзӣ ва боғу токзор, хусусан пешгирии хуруҷи малах корҳои кимиёвӣ гузаронда мешаванд. Зеро, як малах дар як мавсим дар талу теппа ва ҷойҳои осебнопазир аз борону барф то 37 - 40 дона тухм мегузорад. Тибқи арзёбии мутахассисон 5 давраи парвози малах вуҷуд дорад, ки дар давраи дуюм мубориза бо он осонтар аст. Дар давраи 4 -5 парвози он бештар ва мубориза мушкил мешавад. 
Тавре Дилшод Аҳмадов, сардори шуъбаи истеҳсолии Муассисаи давлатии «Экспедитсияи мубориза бар зидди малах» ба «Ҷумҳурият» иттилоъ дод, эмин нигоҳ доштани зироатҳои кишоварзӣ аз касаливу ҳашаротҳои заррасон, аз ҷумла малах, яке аз масъалаҳои мубрам ба ҳисоб рафта, мақсад аз ташкили семинар - машваратҳо сарҷамъ намудани роҳбарону мутахассисони сохторҳои дахлдор, масъулони соҳа, кулли аъзоёни Ситоди мубориза бар зидди малах буда, дар ҳамбастагӣ баррасии вазъи воқеӣ мебошад.
Аз ҷониби  корхонаи мазкур, ҳамзамон, ҷиҳати тақвияти фаъолияти ситодҳои мубориза бар зидди малахи шаҳру ноҳияҳо, кори мушоҳидачиён дар мавзеъҳои хавфи пайдоиш ва паҳншавии малахдошта, захираи зарурии заҳрдорую маводҳои зарурӣ ва эмин нигоҳ доштани зироатҳои кишоварзӣ, захира намудани заҳрдоруҳо корҳо пурзӯр шудаанд.
Тавре медонем зимистони имсол гарм омад ва тибқи иттилои мутахассисон  малах, ки ҳашароти гармидӯст аст ва дар гармӣ тухми зиёд мегузорад, хавфи он бештар аст. Ҳар сол дар мавсим Муассисаи давлатии «Экспедитсияи мубориза бар зидди малах» шумораи муайяни коргаронро ба кор ҷалб карда, онҳоро бо заҳрхимикатҳо, тракторҳои махсус, хайма, рахти хоб, либосҳои махсуси муҳофизавӣ, дастгоҳи дастию моторӣ  ва хӯрок таъмин мегардонад.
Тибқи маълумот то 11 апрели соли ҷорӣ дар ҷумҳурӣ 12 ҳазору 966 гектар масоҳати мушоҳидаҳои баҳорӣ гузаронда шудааст, ки дар ноҳияҳои тобеи ҷумҳурӣ 926 гектар, ноҳияи Вахш 8 ҳазору 732 ва минтақаи Кӯлоб 3 ҳазору 308 гектарро дар бар мегирад. Корҳои мушоҳидавӣ идома доранд. 
Бо мақсади тақвияти корҳо дар ин самт бо дастгириҳои Ҳукумати Ҷумҳурии Тоҷикистон  ва  Муассисаи давлатии «Экспедитсияи мубориза бар зидди малах» 59 трактор, 17 автомашинаи махсуси дорупошӣ, 36 мототсикл, 85 дорупошаки тракторӣ, 1000 дорупошаки дастии моторӣ ворид ва мавриди истифода қарор доранд.
- Бинобар он ки малах метавонад ба масофаи зиёд парвоз карда, ба заминҳои кишт зарар расонад, гурӯҳи корӣ миёни Ҷумҳурии Тоҷикистон ва Ҷумҳурии Ӯзбекистон таъсис дода шудааст. Онҳо назоратро дар сарҳади ду давлат ба роҳ мондаанд. Аммо бо далели он, ки мубориза зидди малах дар кишварҳои Афғонистону Қирғизистон  ба таври бояд ба роҳ монда нашудааст, дар шаҳру ноҳияҳои ҳамсарҳади ин кишварҳо мушоҳидаҳои баҳорӣ оғоз гардида, муташаккилона идома доранд. Зеро хавфи зиёдшавию зарари он зиёд аст. Мо дар  сарҳади ин кишварҳо ҳоло ситоди махсус роҳандозӣ кардаем. Айни замон  ҳамкориро бо мақомоти иҷроияи ҳокимияти давлатии вилоятҳо ба таври зич ба роҳ мондаем, зеро он маблағе, ки ба соҳа ҷудо мешавад, ҳамагӣ 40 – 45 фоизро ташкил мекунад, - илова намуд Дилшод Аҳмадов. 
 
Нигина РАҲМОН, 
«Ҷумҳурият»
 


Баёни ақида (0)    Санаи нашр: 13.04.2022    №: 71    Мутолиа карданд: 1017
24.06.2022


Тасаллияти Ҳукумати Тоҷикистон ба мардуми Афғонистон

23.06.2022


Вохӯрии Сарвазири Тоҷикистон бо муовини директори Хазинаи байналмилалии асъор

МУЛОҚОТИ РАҶАББОЙ АҲМАДЗОДА БО СОҲИБКОРОНИ ӮЗБЕКИСТОН

Токаев Путинро шарики боэътимоди Қазоқистон медонад

ҶАҲОН ДАР ЯК САТР

ШӮҲРАТ МУҲАММАДЗОДА: "САҲМИ СОҲИБКОРОН ДАР ОБОДОНИИ НОҲИЯ ТАВСЕА МЕЁБАД"

22.06.2022


Вазири корҳои хориҷӣ сафири Арабистони Саудиро ба ҳузур пазируфт

Лукашенко дар назди деҳқонон вазифаҳои нав гузошт

ҶАҲОН ДАР ЯК САТР

БОНКИ МИЛЛИИ ТОҶИКИСТОН. ТАШРИФИ ҲАЙАТИ ХБА РАВОБИТИ ДУҶОНИБАРО ТАҲКИМ МЕБАХШАД

«SOCIETY MAGAZINE». НАШРИ СИЛСИЛАМАҚОЛАҲО ДАР БОРАИ ТОҶИКИСТОН

20.06.2022


СҲШ. ДИПЛОМАТИЯИ ХАЛҚӢ БАРОИ ТАҲКИМИ ДӮСТӢ ХИДМАТ МЕКУНАД

17.06.2022


САЙЁҲӢ. ДОНИШҶӮЁНИ ТОҶИК ДАР АРАБИСТОНИ САУДӢ ТАҶРИБА МЕОМӮЗАНД

МАСТЧОҲ. БОЗДИДИ РАИСИ ВИЛОЯТ АЗ ҶАРАЁНИ КОРҲОИ ОБОДОНӢ

16.06.2022


НОҲИЯИ ФИРДАВСӢ. ГУЗОРИШ АЗ ЯК ҲАМОИШИ МУҲИМ

СҲШ. БАРГУЗОРИИ ҶАЛАСАИ ШУРОИ ҶАВОНОН ДАР ТОШКЕНТ

14.06.2022


ХОРУҒ. МУСОДИРАИ СИЛОҲУ МУҲИМОТИ ҶАНГӢ АЗ ХОНАИ ДУ САРКАРДАИ ГУРӮҲИ ҶИНОЯТӢ

Эрдоган дар нишасти НАТО ният дорад мавқеи қатъии Туркияро дар масъалаи терроризм таъкид намояд

ҶАҲОН ДАР ЯК САТР

ДМТ. ИФТИТОҲИ БИНОИ НАВСОХТИ ДОНИШКАДАИ КОНФУТСИЙ

РОҒУН. 105 ИНШООТИ ҶАШНӢ БУНЁД МЕГАРДАД

13.06.2022


Путин ба муносибати Рӯзи Россия бар аҳамияти ваҳдат барои мардум таъкид кард

10.06.2022


30 корманди ДМТ соҳиби манзили истиқоматӣ шуд

СММ ислоҳоти сиёсӣ дар Қазоқистонро пуштибонӣ кард

ҶАҲОН ДАР ЯК САТР

ТИБ. ҲАМОИШИ БАЙНАЛМИЛАЛӢ ДАР ТОШКЕНТ

«ТОҶИКОН» БА ЗАБОНИ ӮЗБЕКӢ ДӮСТИИ ДУ ХАЛҚИ БАРОДАРРО ТАҲКИМ МЕБАХШАД

09.06.2022


ҶОМИ ОСИЁ – 2023

Суҳбати телефонии Путин бо Сайид Иброҳим Раисӣ

Ҷаҳон дар як сатр

ФОРУМИ ҶАВОНОН ВА КӮДАКОН

НОҲИЯИ ФИРДАВСӢ. БА ТАРБИЯИ ҲУҚУҚӢ ВА ПЕШГИРИИ ҚОНУНШИКАНӢ ТАВАҶҶУҲИ БЕШТАР ЗОҲИР МЕГАРДАД

ИФТИТОҲИ ЧАНД ИНШООТИ МУҲИМ ДАР ПОЙТАХТ

РУСТАМИ ЭМОМАЛӢ МАРК БОУМАНРО БА ҲУЗУР ПАЗИРУФТ

08.06.2022


РАШТ. УФУҚҲОИ ТОЗАИ РУШД


Дар сомонаҳои дигари Тоҷикистон хонед