logo

иқтисод

ВАНҶ. ЗИНДАГӢ РАНГИ ТОЗА МЕГИРАД

Раиси ноҳияи Ванҷ Одинашо Мардзода дар ҷаласаи Мақомоти иҷроияи маҳаллии ҳокимияти давлатии ноҳия натиҷаҳои   рушди иқтисодӣ ва иҷтимоии самтҳои гуногуни хоҷагии халқро таҳлил намуда, зикр   кард, ки бо мақсади амалисозии нақшаи чорабиниҳо оид ба иҷрои вазифаҳое, ки дар Паёми навбатии Президенти Ҷумҳурии Тоҷикистон  муҳтарам Эмомалӣ Раҳмон ба Маҷлиси Олии кишвар «Дар бораи самтҳои асосии сиёсати дохилию хориҷии Ҷумҳурии Тоикистон» зикр гардидаанд, идораву муассисаҳо корҳои муайянеро ба сомон расонданд. 
Бо мақсади омӯзиш ва фаҳмондани мазмуну муҳтаво ва нуктаҳои асосии ин ҳуҷҷати тақдирсоз корҳои таблиғотию ташвиқотӣ бурда  шуданд. Ҳамчунин, вохӯрии раиси ноҳия  дар  шаш ҷамоати деҳот  баргузор гашт.  
Яке аз чорабиниҳои муҳиме, ки Мақомоти иҷроияи маҳаллии ҳокимияти давлатии ноҳияи Ванҷ ба иҷро расонд, амалӣ намудани Фармони Президенти Ҷумҳурии Тоҷикистон “Дар бораи ба эҳтиёт рухсат додани хизматчиёни ҳарбӣ, ки муҳлати муқарраргардидаи хизматро  адо намудаанд ва даъвати навбатии шаҳрвардони солҳои таваллуди 1995-2004 ба хизмати ҳарбӣ” мебошад. Натиҷаи дуруст ба роҳ мондани тарбияи ҳарбию ватанпарастии байни ҷавонон  мебошад, ки  нақшаи даъвати баҳории наваскарон  дар рӯзи якуми даъват сарбаландона  иҷро гардид.
  
ДАР ИҶРОИ ҲАДАФҲОИ СТРАТЕГИИ ҲУКУМАТИ КИШВАР
Дар   пиёда  намудани чор ҳадафи муҳими стратегӣ: аз бунбасти коммуникатсионӣ раҳоӣ бахшидани кишвар, ба истиқлолияти энергетикӣ расидан, таъмини амнияти озуқаворӣ ва саноатикунонии мамлакат  пешравиҳо ба назар мерасанд. Дар фосилаи кӯтоҳ ба деҳаи Зайчи водии Язгулом  роҳи мошингард дар масофаи нуҳ километр сохта шуд. Бо дастгирии Ҳукумати ҷумҳурӣ муассисаи давлатии нигаҳдории роҳҳои автомобилгарди ноҳия аз ҷониби Вазорати нақлиёт техникаи нав гирифт.
Дар раванди  сарфа ва оқилона истифода бурдани неруи барқ, кам кардани талафоти он  ҷиҳати ноил гардидан ба истиқлолияти энергетикӣ дар ноҳия чораҳои мушаххас андешида шудаанд. Аз ин рӯ, таъминоти аҳолӣ бо барқ сол аз сол беҳтар мегардад.
Дар ин давра хати интиқоли барқи 35 кВт дар масофаи 27 километр аз деҳаи Техарв то Ҷамоати деҳоти Рованд сохтаву 22 зеристгоҳи трансформатори 35 кВт насб гашт. Дар Ҷамоати деҳоти Язгулом аз деҳаи Жамак то деҳаи Зайч дар масофаи 9 километр хати интиқоли барқи 10 кВт ва хати интиқоли барқи баландшиддати 35 - киловолтаи Дашти Язгулом- Даштак дар масофаи 22 километр кашида шуданд. Акнун саросари Вилояти Мухтори Кӯҳистони Бадахшон бо занҷири ягонаи барқи Тоҷикистон пайваст гардид. Дар ин давра талафоти неруи барқ  8 фоиз коҳиш  ёфт.
Дар иҷрои ҳадафи чоруми стратегии Ҳукумат яъне саноатикунонии мамлакат низ дар ноҳияи Ванҷ пешравиҳои намоён ба назар мерасанд. Корхонаҳои хиштбарорӣ, дару тирезаҳои пластикӣ, асфалт, сангмайдакунӣ, коргоҳҳои оҳангарӣ, чӯбу табақу қошуқтарошӣ, истеҳсоли равғани ангат, коркарди меваву сабзавот  дар семоҳаи аввали соли равон низ  маҳсулот истеҳсол  карданд.  Корхонаи дӯзандагии  “Нури бахт” то охири соли равон аз нав ба кор дароварда мешавад.
     
ВУСЪАТИ БАЛАНДИ КОРҲОИ ОБОДОНӢ, БУНЁДКОРӢ ВА СОЗАНДАГӢ
Як нуктаро бояд зикр кард, ки Мақомоти иҷроияи маҳаллии ҳокимияти давлатии ноҳияи Ванҷ ҷиҳати иҷрои Фармони Президенти Ҷумҳурии Тоҷикистон “Дар бораи ҷашн гирифтани 35-солагии Истиқлоли давлатии Ҷумҳурии Тоҷикистон” як қатор корҳоро ба анҷом расондааст. Дар ин самт чорабиниҳо оид ба вусъат бахшидан ба корҳои ободониву созандагӣ таҳия ва тасдиқ гардид, ки аз 61 банд иборат буда, ба масъалаҳои рушди инфрасохтори деҳот ва фароҳам овардани шароити созгор барои аҳолӣ то соли 2026 диққати ҷиддӣ дода, 69 иншооти гуногуни таъиноти иҷтимоӣ-иқтисодӣ бунёд мешавад. Ҳоло дар 48 иншоот корҳо бомаром идома доранд. Сокинон бо дилгармӣ ва ҳисси баланди ватандӯстӣ ба амалҳои ободонӣ, бунёдкорӣ ва созандагӣ машғул мебошанд.
 
ДАР РУШДИ   СОҲАИ КИШОВАРЗӢ
Ванҷ ноҳияи кишоварзист истифодабарии оқилонаи заминҳои  хоҷагиҳои деҳқонӣ,  хусусӣ, инчунин, президентӣ, наздиҳавлигӣ ва хоҷагиҳои ёрирасони идораву муассисаҳо таҳти назорати доимӣ қарор дорад. Тибқи дурнамо майдони киштзорон дар ҳамаи шаклҳои хоҷагидорӣ 1496 гектарро ташкил медиҳад. Кишоварзон дар асоси талаботи агротехникӣ дар майдони 145 гектар кишти гандуми тирамоҳӣ гузаронданд, ки айни замон ҳолат ва сабзиши зироат муътадил аст. 
Дар хоҷагиҳои деҳқонӣ,  хусусӣ  ва дигар шаклҳои хоҷагидорӣ имсол  дар  488 гектар  зироатҳои ғалладонагӣ, 477 гектар картошка, 188 гектар сабзавот ва 254 гектар зироатҳои хӯроки чорво кошта мешаванд. Аввали фасли баҳор  хеле сербориш  ва сард омад ва  мавсими киштукор каме ба таъхир афтод, аммо аз  даҳрӯзаи сеюми моҳи март ҳаво гарму бебориш асту маъракаи кишт ва ниҳолшинонӣ суръати баланд пайдо карда, дар минтақаҳои поёнии ноҳия қариб ба анҷом мерасад. Мавсими ниҳолшинонӣ низ то охири  моҳи апрел давом меёбаду бештар аз 50 ҳазор ниҳол шинонда мешавад.
Алҳол  дар хоҷагиҳои ноҳия  16604 сар ҳайвони калон, 40121 сар  моли майда, 40610 сар паранда ва 1015 оилаи занбӯри асал мавҷуд мебошад. Имсол қариб 1900 сар гӯсола ва  бештар аз 4000  сар барра ва бузғола   насл гирифта шудааст, ки нисбат ба  ҳамин давраи соли гузашта зиёдтар  аст.
 
Муҳаммадзоиршо ШАРИФЗОДА,
Сироншоҳи ДИЛОВАР, “Ҷумҳурият”
 


Баёни ақида (0)    Санаи нашр: 03.05.2022    №: 84    Мутолиа карданд: 757
24.06.2022


Тасаллияти Ҳукумати Тоҷикистон ба мардуми Афғонистон

23.06.2022


Вохӯрии Сарвазири Тоҷикистон бо муовини директори Хазинаи байналмилалии асъор

МУЛОҚОТИ РАҶАББОЙ АҲМАДЗОДА БО СОҲИБКОРОНИ ӮЗБЕКИСТОН

Токаев Путинро шарики боэътимоди Қазоқистон медонад

ҶАҲОН ДАР ЯК САТР

ШӮҲРАТ МУҲАММАДЗОДА: "САҲМИ СОҲИБКОРОН ДАР ОБОДОНИИ НОҲИЯ ТАВСЕА МЕЁБАД"

22.06.2022


Вазири корҳои хориҷӣ сафири Арабистони Саудиро ба ҳузур пазируфт

Лукашенко дар назди деҳқонон вазифаҳои нав гузошт

ҶАҲОН ДАР ЯК САТР

БОНКИ МИЛЛИИ ТОҶИКИСТОН. ТАШРИФИ ҲАЙАТИ ХБА РАВОБИТИ ДУҶОНИБАРО ТАҲКИМ МЕБАХШАД

«SOCIETY MAGAZINE». НАШРИ СИЛСИЛАМАҚОЛАҲО ДАР БОРАИ ТОҶИКИСТОН

20.06.2022


СҲШ. ДИПЛОМАТИЯИ ХАЛҚӢ БАРОИ ТАҲКИМИ ДӮСТӢ ХИДМАТ МЕКУНАД

17.06.2022


САЙЁҲӢ. ДОНИШҶӮЁНИ ТОҶИК ДАР АРАБИСТОНИ САУДӢ ТАҶРИБА МЕОМӮЗАНД

МАСТЧОҲ. БОЗДИДИ РАИСИ ВИЛОЯТ АЗ ҶАРАЁНИ КОРҲОИ ОБОДОНӢ

16.06.2022


НОҲИЯИ ФИРДАВСӢ. ГУЗОРИШ АЗ ЯК ҲАМОИШИ МУҲИМ

СҲШ. БАРГУЗОРИИ ҶАЛАСАИ ШУРОИ ҶАВОНОН ДАР ТОШКЕНТ

14.06.2022


ХОРУҒ. МУСОДИРАИ СИЛОҲУ МУҲИМОТИ ҶАНГӢ АЗ ХОНАИ ДУ САРКАРДАИ ГУРӮҲИ ҶИНОЯТӢ

Эрдоган дар нишасти НАТО ният дорад мавқеи қатъии Туркияро дар масъалаи терроризм таъкид намояд

ҶАҲОН ДАР ЯК САТР

ДМТ. ИФТИТОҲИ БИНОИ НАВСОХТИ ДОНИШКАДАИ КОНФУТСИЙ

РОҒУН. 105 ИНШООТИ ҶАШНӢ БУНЁД МЕГАРДАД

13.06.2022


Путин ба муносибати Рӯзи Россия бар аҳамияти ваҳдат барои мардум таъкид кард

10.06.2022


30 корманди ДМТ соҳиби манзили истиқоматӣ шуд

СММ ислоҳоти сиёсӣ дар Қазоқистонро пуштибонӣ кард

ҶАҲОН ДАР ЯК САТР

ТИБ. ҲАМОИШИ БАЙНАЛМИЛАЛӢ ДАР ТОШКЕНТ

«ТОҶИКОН» БА ЗАБОНИ ӮЗБЕКӢ ДӮСТИИ ДУ ХАЛҚИ БАРОДАРРО ТАҲКИМ МЕБАХШАД

09.06.2022


ҶОМИ ОСИЁ – 2023

Суҳбати телефонии Путин бо Сайид Иброҳим Раисӣ

Ҷаҳон дар як сатр

ФОРУМИ ҶАВОНОН ВА КӮДАКОН

НОҲИЯИ ФИРДАВСӢ. БА ТАРБИЯИ ҲУҚУҚӢ ВА ПЕШГИРИИ ҚОНУНШИКАНӢ ТАВАҶҶУҲИ БЕШТАР ЗОҲИР МЕГАРДАД

ИФТИТОҲИ ЧАНД ИНШООТИ МУҲИМ ДАР ПОЙТАХТ

РУСТАМИ ЭМОМАЛӢ МАРК БОУМАНРО БА ҲУЗУР ПАЗИРУФТ

08.06.2022


РАШТ. УФУҚҲОИ ТОЗАИ РУШД


Дар сомонаҳои дигари Тоҷикистон хонед