logo

Хабарҳо

ГИРОМИДОШТИ ҲАКИМ ФИРДАВСӢ ДАР ДМТ

 
Дар Донишгоҳи миллии Тоҷикистон ба ифтихори Рӯзи ҷаҳонии Фирдавсӣ ҳамоиши бошукӯҳ баргузор гардид. Дар он ректори ДМТ Қобил Хушвахтзода, сафири фавқулода ва мухтори Ҷумҳурии Исломии Эрон дар Тоҷикистон Муҳаммадтақӣ Собирӣ, декани факултети филологияи тоҷик Сироҷиддини Эмомалӣ, шоирону пажӯҳишгарони тоҷику эронӣ Рустам Ваҳҳобзода, Алиризои Қазва, Равшан Раҳмонӣ иштирок ва суханронӣ доштанд.
- Пири Тӯс Фирдавсии шоир, ки Аҷамро бо забони порсӣ зинда нигоҳ дошт, бешубҳа шиносномаи миллати моро бо номи «Шоҳнома» офарид. Хидматҳои бедареғе, ки ӯ барои рушди забони мо кард, дар ҳазор соли таърих кам касе ба ҷо оварда. Имрӯз насли нав, насле, ки бештар бо техникаву технология ошност, бештару беҳтар ба ҳамосса безаволи Фирдавсӣ руҷуъ кунанд ва ҳувияти худшиносиро аз вай биомӯзанд, - изҳор дошт Қобил Хушвақтзода.
Муҳаммадтақӣ Собирӣ мардуми ҳавзаи форсизабон, аз ҷумла тоҷиконро, бо ин рӯзи пирӯз хуҷастабод гуфта, аз ҷумла иброз дошт: «Агар Фирдавсӣ намебуд, чӣ мешуд? Агар чунин буд, мо дар гирудори таърих ва кашокашҳои душманон на танҳо забони тоҷикии порсиро мебохтем, балки худогоҳиву ифтихорро аз даст медодем. Мо аз хушбахттарин мардумонем, ки паёми ҳазорсолаи ниёгони худро мефаҳмем, бо забони Ҳаким Фирдавсӣ суҳбат мекунем. Ҳанӯз ҳам пули робита байни мо забони мост».
Шукӯҳи китоби мондагори «Шоҳнома» дар фарогирии донишҳову огоҳиҳои гуногун, аз ҷумла, таърихи пайдоиши тамаддун, инсону табиат, шаҳророӣ, пизишикию мумиёӣ, ҷуғрофию ҳикмату фалсафа, мусиқию оинҳои миллию динию кишвардорӣ, панду андарз, забоншиносию сухангустарӣ, номанигорӣ мебошад. Фирдавсӣ бо ин асар на танҳо бунёди адабиёти моро таҳким бахшид, балки собит намуд, ки ин забон бо вуҷуди таҳоҷуми аъроб ҳанӯз ҳам баёни тамоми илмҳои диниву дунявиро дорад. Шиори ӯ аз забонаш чунин садо медиҳад: «Забонро нигаҳдор бояд будан!»
Ричард Фолтс, яке аз эроншиносони маъруфи Амрико мегӯяд: «Муаррифи шумо аввал шеър аст. Яъне, шеър бунёди ҳувияти фарҳангу тамаддуни тоҷикон аст. Ду чизро бояд донед: якум, Наврӯз, дувум, «Шоҳнома». Наврӯз ҷашни ҷаҳонии тамоми порсизабонон аст ва аслан ба ҳеч забону дин рабт надорад. «Шоҳнома» адабиёти миллии ҳамаи шумост. Ин намунаи фарҳанги бузургест, ки дар ҷаҳон онро медонанду мешиносанд. Дар таърихи ҳунари дунё бузургтарин саҳнае, ки наққошӣ шудааст, саҳнае аз «Шоҳнома» аст».
Рустам Ваҳҳобзода, гардонанди маҳфил баён дошт: «Муҳимтарин падидае, ки дар осори ин бузургвор ситоиш мешавад, озодиву озодагист. Қиматтарин арзиш аз банди ҷаҳолат, аз чангу нанги душман озод будан аст, ки мегӯяд:
Маро марг беҳтар аз ин зиндагӣ,
Ки солор бошам, кунам бандагӣ!»
- Пири Тӯc ҷое бо ифтихор мегӯяд: «Ҳар он кас, ки дорад ҳушу рою дин, Пас аз марг бар ман кунад офарин!» Ин хитоба ба насли нав аст, ки бояд бо ҳушу ройу дониш мусаллаҳ бошанд ва аз «Шоҳнома» мағзҳо бардоранд, - гуфт Сироҷиддини Эмомалӣ.
Дар поёни маҳфил пораҳо аз «Шоҳнома» қироат ва дар пардаи созу наво пешкаши ҳозирин гардид. Инчунин, ба фаъолону маърузакунандагони ҳамоиш туҳфаҳои хотиравӣ – китоби достонҳои баргузида аз «Шоҳнома» ва пайкараи рӯйимизии Фирдавсӣ армуғон шуданд.
 
Бузургмеҳри БАҲОДУР, «Ҷумҳурият»


Баёни ақида (0)    Санаи нашр:    №:    Мутолиа карданд: 3576
01.07.2022


Владимир Путин: «Россия ва Индонезия равобити хуб доранд»

Ҷаҳон дар як сатр

ҲИСОР. АРМУҒОНИ ҶАШНӢ БА РӮЗИ ВАҲДАТИ МИЛЛӢ

"ЗАРАФШОН". АЗ РУШДИ САНОАТ, ТО ҲИФЗИ ИҶТИМОИИ МАРДУМ

Вакилони Маҷлиси намояндагон қадр гардиданд

Путин: «Россия тарафдори амиқтар шудани равобити «панҷгона»-и Хазар аст»

Ҷаҳон дар як сатр

БОНКИ МИЛЛӢ. ВАҲДАТ ТАҶАССУМГАРИ ИТТИҲОД АСТ!

“ШУКУФАҲОИ ПОЙТАХТ”. ТАНТАНАИ ФЕСТИВАЛИ БАЙНАЛМИЛАЛӢ ДАР ДУШАНБЕ

29.06.2022


Густариши ҳамкорӣ бо Барномаи рушди СММ

"МАКТАБИ СИЁСИИ ПЕШВОИ МИЛЛАТ". КОНФРОНСИ БАЙНАЛМИЛАЛӢ ДАР БОХТАР

Путин дар саммити Хазар дар Ашқобод ширкат хоҳад кард

Ҷаҳон дар як сатр

Медали биринҷии Моҳрӯ аз ЧО

КӮШОНИЁН. ИФТИТОҲИ ПУЛ МУШКИЛИ СОКИНОНРО ҲАЛ КАРД

28.06.2022


СУҒД. СОЗИШНОМАҲОИ НАВИ ҲАМКОРӢ БА РУШДИ ВИЛОЯТ МУСОИДАТ МЕКУНАНД

«САДОИ АДИБОНИ ДУНЁ ДАР ВАСФИ ТОҶИКИСТОН». МУҲАББАТНОМАИ АДИБОНИ ДУНЁ БА ТОҶИКОН РӮИ ЧОП ОМАД

ТОҶИКИСТОН. ЗАРФИЯТҲОИ САЙЁҲӢ БА МАРДУМИ ОЛМОН МУАРРИФӢ МЕГАРДАНД

ХАТЛОН. ТАЪМИНИ ЁРИИ ҲУҚУҚӢ БА СОКИНОН

24.06.2022


Тасаллияти Ҳукумати Тоҷикистон ба мардуми Афғонистон

23.06.2022


Вохӯрии Сарвазири Тоҷикистон бо муовини директори Хазинаи байналмилалии асъор

МУЛОҚОТИ РАҶАББОЙ АҲМАДЗОДА БО СОҲИБКОРОНИ ӮЗБЕКИСТОН

Токаев Путинро шарики боэътимоди Қазоқистон медонад

ҶАҲОН ДАР ЯК САТР

ШӮҲРАТ МУҲАММАДЗОДА: "САҲМИ СОҲИБКОРОН ДАР ОБОДОНИИ НОҲИЯ ТАВСЕА МЕЁБАД"

22.06.2022


Вазири корҳои хориҷӣ сафири Арабистони Саудиро ба ҳузур пазируфт

Лукашенко дар назди деҳқонон вазифаҳои нав гузошт

ҶАҲОН ДАР ЯК САТР

БОНКИ МИЛЛИИ ТОҶИКИСТОН. ТАШРИФИ ҲАЙАТИ ХБА РАВОБИТИ ДУҶОНИБАРО ТАҲКИМ МЕБАХШАД

«SOCIETY MAGAZINE». НАШРИ СИЛСИЛАМАҚОЛАҲО ДАР БОРАИ ТОҶИКИСТОН

20.06.2022


СҲШ. ДИПЛОМАТИЯИ ХАЛҚӢ БАРОИ ТАҲКИМИ ДӮСТӢ ХИДМАТ МЕКУНАД

17.06.2022


САЙЁҲӢ. ДОНИШҶӮЁНИ ТОҶИК ДАР АРАБИСТОНИ САУДӢ ТАҶРИБА МЕОМӮЗАНД

МАСТЧОҲ. БОЗДИДИ РАИСИ ВИЛОЯТ АЗ ҶАРАЁНИ КОРҲОИ ОБОДОНӢ

16.06.2022


НОҲИЯИ ФИРДАВСӢ. ГУЗОРИШ АЗ ЯК ҲАМОИШИ МУҲИМ

СҲШ. БАРГУЗОРИИ ҶАЛАСАИ ШУРОИ ҶАВОНОН ДАР ТОШКЕНТ


Дар сомонаҳои дигари Тоҷикистон хонед