logo

туризм

САЙЁҲӢ. ҲАМКОРИҲОИ ТОҶИКИСТОН ВА АРАБИСТОНИ САУДӢ ГУСТАРИШ МЕЁБАНД

 
Бо мақсади иҷрои дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти таъмини рушди устувори соҳаи сайёҳӣ дар меҳмонхонаи “Ҳайят Реҷенси”-и шаҳри Душанбе Форуми сайёҳӣ дар мавзуи “Густариши ҳамкорӣ дар бахши сайёҳӣ байни Тоҷикистону Арабистони Саудӣ” баргузор шуд.
 
Дар чорабинӣ намояндагони Кумитаи рушди сайёҳӣ, вазорату идораҳои ҷумҳурӣ, сафири Тоҷикистон дар Арабистони Саудӣ ва сафири Арабистони Саудӣ дар Ҷумҳурии Тоҷикистон, мудири Агентии иттилоотии сайёҳии Арабистони Саудӣ бо гурӯҳи фаъолони шабакаҳои интернетии Арабистони Саудӣ, ширкати ҳавопаймоии “Флайнос”, ассотсиатсияву ширкатҳои сайёҳии ватанӣ ва воситаҳои ахбори омма ширкат доштанд.
Зикр шуд, ки аз ҷониби Ҳукумати Ҷумҳурии Тоҷикистон ҷиҳати таъмини ҷолибияти соҳа барои сармоягузорони дохилию хориҷӣ имтиёзҳои зиёд ва барои обод намудани мавзеъҳои сайёҳӣ, ташкили инфрасохтори зарурӣ заминаҳои иқтисодиву ҳуқуқӣ фароҳам оварда шудаанд.
Бо мақсади кашфи бозорҳои нави сайёҳӣ ташкили гӯшаи ҷумҳурӣ дар намоишгоҳҳои байналмилалии сайёҳӣ дар дохил ва хориҷи кишвар, иштирок дар ҷаласаҳо ва ҳамоишҳои Ассамблеяи генералии Созмони ҷаҳонии сайёҳӣ, форум ва намоишгоҳи байналмилалӣ оид ба сайёҳӣ, пахши маводи таблиғотӣ - иттилоотӣ, инфотурҳо дар хориҷи кишвар ва такмили ихтисоси кормандони соҳаи сайёҳӣ дар кишварҳои аз лиҳози сайёҳӣ пешрафта баргузор гардида истодаанд.
Дар ҳамоиш иқтидору имкониятҳои сармоягузорию сайёҳии кишвар тариқи рӯнамо ба меҳмонон намоиш дода шуд. Дар ин замина, қабл аз оғози форум ҳайати меҳмонон бо раиси Кумитаи рушди сайёҳӣ мулоқот намуда, таассуроташонро аз дидаҳояшон аз мавзеъҳои сайёҳии кишвар иброз доштанд. 
Ёдрас мешавем, ки бо даъвати Кумитаи рушди сайёҳӣ Ал - Утайби Сафар мудири Агентии иттилоотии сайёҳии Арабистони Саудӣ бо гурӯҳи фаъолони шабакаҳои интернетии кишвараш ба Тоҷикистон омад. Сафари меҳмонон дар мамлакати мо аз 25 июн то 2 июли соли ҷорӣ идома ёфта, ҳадаф аз он омӯзиш ва тарғиби зарфиятҳои сайёҳии Тоҷикистон мебошад.
То ин муддат ҳайати Арабистони Саудӣ аз назокату зарфиятҳои ҷумҳурии азизамон, аз ҷумла шаҳри Душанбе ва дигар шаҳру ноҳияҳо боздид ба амал оварданд. Ҳайати меҳмонон дар шаҳри Душанбе аз Намоишгоҳи байналмилалии “Тоҷикистон-2022” ва Фестивал-намоиши “Таомҳои миллӣ” дидан карда, ба шаҳру ноҳияҳои вилояти Хатлон ва ноҳияи Дарвози ВМКБ сафар  намуданд. Ба рӯзноманигорону фаъолони шабакаҳои иҷтимоии интернетӣ аз Арабистони Саудӣ чойхонаи “Хуррамшаҳр”, қасри ҷумҳуриявии  фарҳанги Данғара, НБО “Норак” ва мавзеи сайёҳии “Пули сангин” дар шаҳри Норак, Қаълаи Ҳулбук ва маҷмааи фароғатии “Сайёҳон” дар ноҳияи Восеъ, мавзеи сайёҳии “Чилдухтарон” дар ноҳияи Муъминобод, мақбараи Мир Сайид Алии Ҳамадонӣ дар шаҳри Кӯлоб ва мавзеи истироҳатии “Чорчаман” дар ноҳияи Дарвоз муаррифӣ карда шуд.
Тибқи барномаи тарҳрезишуда ташрифи меҳмонон ба беҳтарин маконҳои тамошобоби шаҳри Душанбе, назири Кохи Наврӯз, боғҳои истироҳатӣ, Осорхонаи миллӣ, саёҳати шоми Душанбе, боздид аз ҳавзҳои моҳипарварӣ дар дараи Ромит ва мавзеи истироҳатии Архуи шаҳри Ваҳдат, истироҳатгоҳи Хоҷа Оби Гарм ва маконҳои дилфиреби ноҳияи Варзоб, ангурбоғҳои шаҳрҳои Турсунзодаву Ҳисор, Қалъаи Ҳисор, маҷмааи фароғатии “Шаршара” ва осоишгоҳи “Шоҳамбарӣ” дар шаҳри Ҳисор ба нақша гирифта шудааст.
Маврид ба зикр аст, ки дар замони муосир воситаҳои ахбори омма ва шабакаҳои иҷтимоии интернетӣ муаррифгари асосии захираҳои сайёҳӣ мебошанд. Дар ин замина, пахш гардидани барномаҳои тарғиботӣ аз ҷониби шабакаҳои бонуфузи ҷаҳонӣ баҳри муаррифии соҳаи сайёҳии кишвар дар арсаи байналмилалӣ ва баланд гардидани эътимоди сайёҳон барои сафар ба Тоҷикистон мусоидат менамояд.
 
Шаҳноз ҚУРБОН, “Ҷумҳурият”
 


Баёни ақида (0)    Санаи нашр: 30.06.2022    №: 124    Мутолиа карданд: 2034
25.11.2022


ТАҒЙИРОТ БА ҚОНУН. 6 МАЙ - РӮЗИ КОРМАНДОНИ СОҲАИ ҲИФЗИ СИРРИ ДАВЛАТӢ ТАҶЛИЛ МЕШАВАД

ВМКБ. ҶАЛАСАИ СИТОД ОИД БА ЗИМИСТОНГУЗАРОНӢ

СУҒД. ҶАМЪОВАРИИ ПАХТА ВУСЪАТИ ТОЗА МЕГИРАД

24.11.2022


ПАРЧАМИ ДАВЛАТӢ - САРЧАШМАИ ПИРӮЗИҲО

23.11.2022


Интихобот дар Қазоқистон рақобатпазир ва шаффоф буд

ҶОМИ ҶАҲОН

22.11.2022


Рӯзҳои фарҳанги Тоҷикистон дар Туркманистон

ТОҶИКИСТОН ВА РОССИЯ. ФОРУМИ ҶАВОНОН БАРОИ ТАБОДУЛИ ТАҶРИБА ВА РУШДИ КАСБИЯТ РАВЗАНАИ НАВ БОЗ КАРД

«ЗОДРӮЗИ ТОҶИКИСТОН»

МУАРРИФИИ ОШИ ПАЛАВ ДАР ҶОПОН

САМАРҚАНД. ЯК ҲАМОИШИ МУҲИМ

21.11.2022


Мулоқоти вазирони корҳои хориҷии Тоҷикистон ва Ӯзбекистон

ИТТИФОҚИ НАВИСАНДАГОН. ГИРОМИДОШТИ ХОТИРАИ ҶОНИБЕК АКОБИР

ЧЕМПИОНАТИ CAFA – 2022

16.11.2022


Ҷоизаи раиси шаҳри Душанбе барои муҳаққиқони ҷавон

Чин бар зидди ихроҷи Россия аз G20 баромад кард

СУҒД. ТАШРИФИ СОҲИБКОРОНИ ТУРК БА ВИЛОЯТ

ТОҶИКИСТОН ВА АРАБИСТОНИ САУДӢ. АЗ БАРҚАРОРИИ МУНОСИБАТҲОИ ДИПЛОМАТИИ ДУ КИШВАРИ ДӮСТ СӢ СОЛ ГУЗАШТ

«ОРМОНИ МИЛЛАТ: «РОҒУН» БУЗУРГТАРИН САРБАНДИ АСРИ НАВ»

15.11.2022


Ҷаласаи ҳайатҳои ҳукуматии Тоҷикистон ва Қирғизистон

ҶАҲОН ДАР ЯК САТР

Президенти Индонезия дар Бали нишасти G20-ро ифтитоҳ кард

ЯК ҲАМОИШИ МУҲИМ

ДАНҒАРА. ИСТЕҲСОЛИ ҒАЛЛА БА 100 ҲАЗОР ТОННА МЕРАСАД

ПРЕСС-ТУРИ НАВБАТИИ РӮЗНОМАНИГОРОН БА НБО «НОРАК»

Қадрдонии варзишгари тоҷик аз ҷониби Рустами Эмомалӣ

11.11.2022


Ҳукумати Тоҷикистон ба мардуми Эрон изҳори таслият кард

ТОҶИКИСТОН ВА ӮЗБЕКИСТОН. АЗ РУШДИ ҲАМКОРИҲОИ ИЛМӢ-АДАБӢ ТО САЙРИ ФАРОМАРЗИИ «ГАНҶИ СУХАН»

10.11.2022


ВОЛОИЯТИ ҚОНУН. ФОРУМИ ҲАШТУМИ МИЛЛӢ БАРГУЗОР ГАШТ

6 НОЯБР. САНАДИ БУНЁДИИ ТОҶИКИСТОНИ СОҲИБИСТИҚЛОЛ 28-СОЛА ШУД

04.11.2022


САМАРҚАНД. ИМКОНИЯТҲОИ САЙЁҲИИ ТОҶИКИСТОН МУАРРИФӢ ГАРДИД

ПОЙТАХТ. ТАНТАНАИ ФЕСТИВАЛИ ДЎСТӢ

СИЁСАТИ ГЕНДЕРӢ. ТОҶИКИСТОН ВА НАҚШИ ЗАНОН ДАР ИДОРАИ УМУРИ ДАВЛАТДОРӢ

03.11.2022


Лоиҳаи Буҷети давлатӣ барои соли 2023 ба Маҷлиси намояндагон пешниҳод шуд

ТОҶИКИСТОНУ ЭРОН. ТАНТАНАИ ДӮСТӢ ДАР НАМОИШИ ҲУНАРҲОИ МАРДУМӢ ВА МАҲФИЛИ ШОИРОН


Дар сомонаҳои дигари Тоҷикистон хонед