logo

туризм

БАДАХШОН. ТАШРИФИ 911 САЙЁҲИ ХОРИҶӢ ДАР ШАШ МОҲ

Вилояти Мухтори Кӯҳистони Бадахшон вобаста ба мавқеи ҷуғрофӣ, табиати зебо, манзараҳои дилфиреб ва маконҳои таърихиаш  имконияти хуби рушди сайёҳӣ дорад. Тибқи тадқиқоти Созмони ҷаҳонии сайёҳӣ, Бадахшон барои рушди сайёҳӣ мувофиқ ва инкишофёбанда муаррифӣ шудааст.
Ба гуфтаи Мирзонабот Алишер, раиси вилоят, солҳои охир таваҷҷуҳи ҷаҳонгардон ба Бадахшон бамаротиб афзудааст. Айни ҳол ҳамарӯза ба ҳудуди вилоят бо мақсади сайру саёҳат ба ҳисоби миёна то 60 нафар сайёҳони хориҷӣ ворид мешаванд, ки ин нишондиҳанда бесобиқа аст. Ин минтақа бо кӯҳҳои сарбафалак, кӯлҳо, пиряхҳо, чашмаҳои гарму шифобахш, ривоятҳо ва ёдгориҳои таърихиву табиати нотакрори худ ҳамчун яке аз мавзеъҳои нодири сайёҳиву кӯҳнавардӣ, шикор ва ҷамъоварии гиёҳҳои шифобахш дар ҷаҳон эътироф гардидааст. 
- Вобаста ба дастуру супоришҳои Сарвари давлат ҷиҳати беҳтар намудани вазъи иншооти сайёҳӣ, ҷалби сайёҳони хориҷию дохилӣ ба кишвар ва дар заминаи он табдил додани Бадахшон ба яке аз мавзеъҳои беҳтарини сайёҳӣ дар ҷаҳон тадбирҳои мушаххас андешида мешаванд, – зикр кард Шомурод Муродов, мудири шуъбаи сайёҳии Мақомоти иҷроияи ҳокимияти давлатии вилоят ва афзуд, ки омӯзиши нозукиҳои хизматрасонии сайёҳӣ аз ҷумлаи он чорабиниҳо мебошанд, ки солҳои охир вусъат ёфтаанд. 
Тибқи омор, ҳамасола ба вилоят садҳо нафар сайёҳони хориҷию дохилӣ ташриф меоранд. Имрӯз дар вилоят зиёда аз 245 ёдгории таърихиву фарҳангӣ мавҷуд буда, як субъекти хизматрасонии сайёҳӣ, 49 ширкати сайёҳӣ, 33 меҳмонхонаи хурду калон, 6 осоишгоҳ ва 164 ҳостел (меҳмонсарой) дар хизмати сайёҳон қарор доранд. Баҳри беҳтар намудани инфрасохтори соҳаи сайёҳии бахши хусусӣ чораҳои амалӣ андешида, дар шоҳроҳи Зиғар - Қалъаихумб – Хоруғ  25 ошхона, 49 нуқтаи таъмири мошинҳо ва дигар иншоот мавриди истифода қарор гирифтанд. Бо маблағгузории Ҳукумати Финляндия ва дигар шарикони рушд дар назди меҳмонхонаҳои хурди водии Бартанги ноҳияи Рӯшон, ноҳияҳои Шуғнон ва Роштқалъа иншооти ёрирасони сайёҳӣ сохта шуданд. 
Сайёҳӣ дар якҷоягӣ бо ҳунармандӣ пеш меравад. Ин аст, ки дар вилоят айни ҳол  43 нуқтаи фурӯши ҳунарҳои мардумӣ амал мекунад. Дар ҳамаи шаҳру ноҳияҳои вилоят нуқтаҳои фурӯши ҳунарҳои мардумӣ фаъоланд, ҳунармандон дар чорабиниҳои фарҳангӣ, дар рӯзҳои ташрифи меҳмонони олиқадр ба Бадахшон ва дигар чорабиниҳо дастранҷи хешро ба намоиш ва фурӯш мегузоранд. Дар ҳамкорӣ бо шарикони рушд дар ноҳияи Роштқалъа ва водии Бартанги ноҳияи Рӯшон сехҳои коркарди мӯина фаъолият мекунанд, ки маҳсулоти онҳо аз мӯина ва пашми  тоза омода гардида, бештар дар хориҷа ба фурӯш бароварда мешавад.
Шомурод Муродов зикр кард, ки танҳо дар шашмоҳаи аввали соли равон, мувофиқи омори расмӣ 911 сайёҳи хориҷӣ ба вилоят ташриф овардааст. Моҳи июл бошад, шумораи сайёҳони хориҷӣ дар вилоят ба 480 нафар расид. Аммо таҳлилҳо нишон медиҳанд, ки ин рақам нисбат ба имконоти вилоят бамаротиб кам мебошад. Имрӯз дар шаҳру деҳоти вилоят меҳмонхонаву меҳмонсаройҳо дар як шабонарӯз метавонанд то 2400 сайёҳро қабул ва ба онҳо мутобиқ ба стандартҳои ҷаҳонӣ хизматрасонӣ намоянд. 
Дар маҷмуъ, шуъба дар ҳамкорӣ бо Мақомоти иҷроияи ҳокимияти давлатии вилоят, Кумитаи рушди сайёҳӣ, дигар мақомоти дахлдор кӯшиш ба он дорад, ки бо истифода аз имкониятҳои мавҷуда корҳоро дар самти рушди сайёҳӣ ва ҳунарҳои мардумӣ беҳтар ба роҳ монда, барои ҷалби бештари сайёҳон ба вилоят заминаи мусоид фароҳам оварда шавад. 
  
Раҳмони ГУЛЗОР, “Ҷумҳурият”


Баёни ақида (0)    Санаи нашр: 10.08.2022    №: 154    Мутолиа карданд: 821
28.09.2022


Ёриҳои Пешвои миллат ба оилаҳои зарардида дастрас шуданд

ВАО: “Валиаҳди Арабистони Саудӣ Сарвазир таъин шуд”

Ҷаҳон дар як сатр

МАВЛОНО – МУРШИДИ ВАҲДАТ ВА ГУФТУГӮИ ТАМАДДУНҲО. КОНФРОНСИ БАЙНАЛМИЛАЛӢ ДАР ДУШАНБЕ

ҲАМКОРИҲОИ БМТ БО МАРКАЗИ МИНТАҚАВИИ РУШДИ ИҚТИДОРИ ХБА

ТУЛУИ АДИБИ УМЕДБАХШ

27.09.2022


ТАОМҲОИ ТОҶИКӢ ҒОЛИБИ ҶАШНВОРАИ АНЪАНАҲОИ ФАРҲАНГӢ

НОҲИЯИ ФИРДАВСӢ. МУҚОВИМАТ БА КОРРУПСИЯ МИЁНИ СОКИНОН ТАРҒИБ МЕГАРДАД

26.09.2022


ТОҶИКИСТОН ВА ҚИРҒИЗИСТОН

РӮЗИ "ДАРҲОИ КУШОДА" ДАР АМИТ

СТРАТЕГИЯИ МИЛЛИИ ФАРОГИРИИ МОЛИЯВӢ БАРОИ СОЛҲОИ 2022-2026

ИДОМАИ АМАЛҲОИ ИҒВОАНГЕЗИ ҚИРҒИЗИСТОН

Суҳбати телефонии Путин бо шоҳзодаи Арабистони Саудӣ

ҶАҲОН ДАР ЯК САТР

21.09.2022


РАҶАББОЙ АҲМАДЗОДА ҲАМДАРДИИ ПЕШВОИ МИЛЛАТРО БА ОИЛАИ ҲАЛОКШУДАГОН РАСОНД

СУҒД: ИСТЕҲСОЛИ ҒАЛЛАДОНАГИҲО АФЗУД

ҶОМИ ПРЕЗИДЕНТИ ТОҶИКИСТОН

Путин: “СААД барои коҳиши буҳрони сиёсӣ миёни Озарбойҷон ва Арманистон чора меандешад”

ҶАҲОН ДАР ЯК САТР

20.09.2022


Сироҷиддин Муҳриддин далелҳои муътамадро ба СММ манзур намуд

ҶОМИ ПРЕЗИДЕНТИ ТОҶИКИСТОН

Беларус ва Чин шарикони стратегӣ шуданд

Ҷаҳон дар як сатр

ТОҶИКИСТОН ВА ҚИРҒИЗИСТОН. ГУРӮҲҲОИ КОРӢ ОИД БА РИОЯИ ҲАТМИИ ОТАШБАС ПРОТОКОЛ ИМЗО КАРДАНД

Ҷаҳон дар як сатр

Котиби Шурои амнияти Россия бо сафари корӣ озими Чин шуд

ҶОМИ ОСИЁ – 2023

СУҒД. ҶАМЪОВАРИИ САРИВАҚТИИ ҲОСИЛИ ПАХТА - МАСЪАЛАИ РӮЗ

НАВИДИ ФАРҲАНГ

19.09.2022


Туҳфаи Пешвои миллат ба хона-музейи Садриддин Айнӣ

Мулоқоти Путин бо Си Ҷинпин

Ҷаҳон дар як сатр

ҶОМИ ПРЕЗИДЕНТИ ТОҶИКИСТОН

РӮЗҲОИ СИНАМО ДАР ТОШКЕНТ

16.09.2022


ФАЙЗОБОД. ИФТИТОҲИ ЧАНД ИНШООТИ ҶАШНӢ


Дар сомонаҳои дигари Тоҷикистон хонед