logo

Хабарҳо

СТРАТЕГИЯИ МИЛЛИИ ФАРОГИРИИ МОЛИЯВӢ БАРОИ СОЛҲОИ 2022-2026

 
20-уми сентябри соли 2022 дар шаҳри Душанбе татбиқи Стратегияи миллии фарогирии молиявии Ҷумҳурии Тоҷикистон барои солҳои 2022 - 2026 оғоз шуд. Дар расми ифтитоҳи чорабинии мазкур ёрдамчии Президенти Ҷумҳурии Тоҷикистон оид ба масъалаҳои иқтисодӣ Неъматулло Ҳикматуллозода, раиси Бонки миллии Тоҷикистон Ҳоким Холиқзода, муовини раиси Бонк Гулбаҳор Назирӣ, вазирони адлия, молия, маориф ва илм, меҳнат, муҳоҷират ва шуғли аҳолии Ҷумҳурии Тоҷикистон Музаффар Ашӯриён, Файзиддин Қаҳҳорзода, Раҳим Саидзода, Ширин Амонзода, намояндагони Гурӯҳи бонки ҷаҳонӣ/Корпоратсияи байналмилалии молиявӣ,  менеҷери калони минтақавӣ оид ба Осиёи Марказӣ Кассандра Колберт, директор ва мушовир-консули Дафтари Швейтсария оид ба ҳамкорӣ дар Ҷумҳурии Тоҷикистон Саломе Стайб  ва дигар шарикони ҳамкор  ширкат варзиданд.
 
Стратегияи мазкур дар асоси меъёр ва принсипҳои қонунгузорӣ, стандартҳои байналмилалӣ, таҳлили вазъи фарогирии молиявӣ ва дурнамои рушди минбаъдаи он аз ҷониби  Бонки миллии Тоҷикистон дар мувофиқа бо вазорату идораҳои дахлдор ва шарикони ҳамкор таҳия ва тасдиқ шудааст.
Чорабиниро Ҳоким Холиқзода  ҳусни оғоз бахшида, изҳор дошт, ки Бонки миллии Тоҷикистон бо мақсади таъмини устувории низоми бонкӣ, баланд бардоштани маърифати молиявии аҳолӣ дар самти истифодаи хизматрасониҳои муосири бонкӣ ва ба ин васила саҳм гузоштан дар рушди иқтисодиёти миллӣ ва фарогирии аҳолӣ ба хизматрасониҳои молиявӣ чораҳои зарурӣ андешида, Стратегияи миллии фарогирии молиявии Ҷумҳурии Тоҷикистонро барои солҳои 2022 - 2026 таҳия намуд, ки он бо қарори Ҳукумати Ҷумҳурии Тоҷикистон аз 1 июли соли 2022, № 314 тасдиқ гардид.
 “Боиси хушнудист, ки Стратегияи миллии фарогирии молиявии Ҷумҳурии Тоҷикистон (СМФМ) яке аз  афзалиятҳои  асосиро дар сиёсати пешгирифтаи  Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон  муҳтарам Эмомалӣ Раҳмон ва Ҳукумати мамлакат дар самти таъсиси ҷойҳои нави корӣ ҷонибдорӣ намуда, рушди иқтисоди миллӣ ва пешрафти дарозмуҳлати устувор, ки ба аҳолии кишвар маҷмуи хизматрасониҳои гуногун ва босифати муосири молиявӣ, донишҳои мукаммал, устуворӣ дар қабули қарорҳои молиявӣ ва ба ин васила беҳтар кардани вазъи молиявии аҳолиро кафолат медиҳад,  равона шудааст,” – иброз дошт Ҳоким Холиқзода.
Ёрдамчии Президенти Ҷумҳурии Тоҷикистон оид ба масъалаҳои иқтисодӣ Неъматулло Ҳикматуллозода зикр кард, ки фарогирӣ ва саводнокии молиявӣ яке аз самтҳои афзалиятноки сиёсати молиявии давлат маҳсуб ёфта, татбиқи самараноки Стратегияи мазкур имкониятҳои иқтисодии соҳибкорону дигар субъектҳои хоҷагидориро васеъ мегардонад ва бо ин восита барои рушди иқтисоди миллӣ заминаи мусоид фароҳам меорад. Неъматулло Ҳикматуллозода ба Корпоратсияи байналмилалии молиявӣ (IFC), Котиботи давлатии робитаҳои иқтисодии Швейтсария (SECO) барои дастгирӣ ҷиҳати таҳия ва қабули ин санади муҳим барои Ҷумҳурии Тоҷикистон арзи сипос намуд.
 Дар расми ифтитоҳи Стратегияи миллии фарогирии молиявии Ҷумҳурии Тоҷикистон барои солҳои 2022-2026 шарикони ҳамкор - менеҷери калони минтақавӣ оид ба Осиёи Марказӣ Кассандра Колберт, мушовир-консули Дафтари Швейтсария оид ба ҳамкорӣ Саломе Стайб паёми шодбошии худро аз қабули чунин ҳуҷҷати муҳим барои Тоҷикистон баён дошта, гуфтанд: “Дастрасии бештар ба хизматрасониҳои молиявӣ маънои сатҳи хубӣ зиндагӣ, имкониятҳои беҳтари тиҷорат ва сармоягузориро дошта, манфиатҳои иҷтимоӣ ва иқтисодии мардумро  ҳимоя менамояд”.
Муаррифии расмии Стратегияи миллии фарогирии молиявии Ҷумҳурии Тоҷикистон барои солҳои 2022-2026-ро муовини раиси Бонки миллии Тоҷикистон Гулбаҳор Назирӣ манзури ҳозирон гардонда, аз ҷабҳаҳои калидӣ, мақсад, нишондиҳандаҳо, амалҳо, муҳлат ва сохтори идоракунии Стратегияи мазкур маълумот дод. Зимни муаррифӣ самтҳои асосии Стратегия, аз ҷумла шабакаҳои таҳвил ва хизматрасониҳои молиявии рақамӣ, гуногуншаклии маҳсулоти молиявӣ, ҳимояи ҳуқуқҳои истеъмолкунандагони хизматрасониҳои молиявӣ ва саводнокии молиявиро ба таври муфассал шарҳ дод. Зикр шуд, ки зимни таҳияи ҳуҷҷати мазкур ҳуқуқу имкониятҳои занону  ҷавонон ва қишри калонсоли ҷомеа низ ба инобат гирифта шудаанд. 
Ҷаласаро баррасиҳои панелӣ ва сессияҳо идома дода, дар он масъалаҳои амалисозӣ ва ҷорисозии механизмҳои идоракунӣ, нақшаи амал, низоми мониторинг ва баҳодиҳӣ, ҳамоҳангсозӣ, иттилоот оид ба рафти татбиқи Стратегия аз ҷониби роҳбарони вазорату идораҳои масъул, роҳбари Дафтари Корпоратсияи байналмилалии молиявӣ дар Ҷумҳурии Тоҷикистон Фаррух Султонов, роҳбари Раёсати таҷриба оид ба таъсиси бозор дар Ховари Миёна, Осиёи Марказӣ, Туркия, Афғонистон, Покистон ва КБМ Далия Халифа, намояндагони Бонки миллии Тоҷикистон ва шарикони ҳамкор мавриди таҳлил қарор гирифтанд. Бояд тазаккур дод, ки дар доираи расми ифтитоҳи Стратегия давоми ду рӯз гурӯҳҳои корӣ бо ҷалби ҷонибҳои манфиатдор нақшаҳои минбаъдаи амалро бо ҷалби коршиносони байналмилалӣ таҳия менамоянд. 
Як нукта боиси зикр аст, ки Стратегияи миллии фарогирии молиявии Ҷумҳурии Тоҷикистон барои солҳои 2022-2026 аз ҷониби Бонки миллии Тоҷикистон бо ёрии техникии Гурӯҳи Бонки ҷаҳонӣ/Корпоратсияи байналмилалии молиявӣ (IFC), Котиботи давлатии робитаҳои иқтисодии Швейтсария (SECO) дар ҳамкорӣ бо вазорату идораҳои дахлдор, таҳвилгарони хизматрасониҳои молиявӣ, намояндагони бахши хусусӣ, олимон ва ҷомеаи шаҳрвандӣ  таҳия гардидааст. Стратегияи мазкур дар ҳамкорӣ ва бо назардошти пешниҳодҳои вазоратҳои адлия, молия, рушди иқтисод ва савдо, меҳнат, муҳоҷират ва шуғли аҳолӣ, маориф ва илм, Кумитаи давлатии сармоягузорӣ ва идораи амволи давлатии Ҷумҳурии Тоҷикистон, кумитаҳои телевизион ва радио, андоз, кор бо занон ва оилаи назди Ҳукумати Ҷумҳурии Тоҷикистон, Агентии омори назди Президенти Ҷумҳурии Тоҷикистон, хадамотҳои алоқа ва гумруки назди Ҳукумати Ҷумҳурии Тоҷикистон омода шуда, аз 6 боб, 21 параграф, 133 банд, ҷадвали индикаторҳо, нишондиҳандаҳои асосӣ ва Нақшаи чорабиниҳои амалисозӣ (67 чорабинӣ) иборат мебошад.
 
Муҳаммадзоиршо ШАРИФЗОДА, “Ҷумҳурият”


Баёни ақида (0)    Санаи нашр:    №:    Мутолиа карданд: 2769
25.11.2022


ТАҒЙИРОТ БА ҚОНУН. 6 МАЙ - РӮЗИ КОРМАНДОНИ СОҲАИ ҲИФЗИ СИРРИ ДАВЛАТӢ ТАҶЛИЛ МЕШАВАД

ВМКБ. ҶАЛАСАИ СИТОД ОИД БА ЗИМИСТОНГУЗАРОНӢ

СУҒД. ҶАМЪОВАРИИ ПАХТА ВУСЪАТИ ТОЗА МЕГИРАД

24.11.2022


ПАРЧАМИ ДАВЛАТӢ - САРЧАШМАИ ПИРӮЗИҲО

23.11.2022


Интихобот дар Қазоқистон рақобатпазир ва шаффоф буд

ҶОМИ ҶАҲОН

22.11.2022


Рӯзҳои фарҳанги Тоҷикистон дар Туркманистон

ТОҶИКИСТОН ВА РОССИЯ. ФОРУМИ ҶАВОНОН БАРОИ ТАБОДУЛИ ТАҶРИБА ВА РУШДИ КАСБИЯТ РАВЗАНАИ НАВ БОЗ КАРД

«ЗОДРӮЗИ ТОҶИКИСТОН»

МУАРРИФИИ ОШИ ПАЛАВ ДАР ҶОПОН

САМАРҚАНД. ЯК ҲАМОИШИ МУҲИМ

21.11.2022


Мулоқоти вазирони корҳои хориҷии Тоҷикистон ва Ӯзбекистон

ИТТИФОҚИ НАВИСАНДАГОН. ГИРОМИДОШТИ ХОТИРАИ ҶОНИБЕК АКОБИР

ЧЕМПИОНАТИ CAFA – 2022

16.11.2022


Ҷоизаи раиси шаҳри Душанбе барои муҳаққиқони ҷавон

Чин бар зидди ихроҷи Россия аз G20 баромад кард

СУҒД. ТАШРИФИ СОҲИБКОРОНИ ТУРК БА ВИЛОЯТ

ТОҶИКИСТОН ВА АРАБИСТОНИ САУДӢ. АЗ БАРҚАРОРИИ МУНОСИБАТҲОИ ДИПЛОМАТИИ ДУ КИШВАРИ ДӮСТ СӢ СОЛ ГУЗАШТ

«ОРМОНИ МИЛЛАТ: «РОҒУН» БУЗУРГТАРИН САРБАНДИ АСРИ НАВ»

15.11.2022


Ҷаласаи ҳайатҳои ҳукуматии Тоҷикистон ва Қирғизистон

ҶАҲОН ДАР ЯК САТР

Президенти Индонезия дар Бали нишасти G20-ро ифтитоҳ кард

ЯК ҲАМОИШИ МУҲИМ

ДАНҒАРА. ИСТЕҲСОЛИ ҒАЛЛА БА 100 ҲАЗОР ТОННА МЕРАСАД

ПРЕСС-ТУРИ НАВБАТИИ РӮЗНОМАНИГОРОН БА НБО «НОРАК»

Қадрдонии варзишгари тоҷик аз ҷониби Рустами Эмомалӣ

11.11.2022


Ҳукумати Тоҷикистон ба мардуми Эрон изҳори таслият кард

ТОҶИКИСТОН ВА ӮЗБЕКИСТОН. АЗ РУШДИ ҲАМКОРИҲОИ ИЛМӢ-АДАБӢ ТО САЙРИ ФАРОМАРЗИИ «ГАНҶИ СУХАН»

10.11.2022


ВОЛОИЯТИ ҚОНУН. ФОРУМИ ҲАШТУМИ МИЛЛӢ БАРГУЗОР ГАШТ

6 НОЯБР. САНАДИ БУНЁДИИ ТОҶИКИСТОНИ СОҲИБИСТИҚЛОЛ 28-СОЛА ШУД

04.11.2022


САМАРҚАНД. ИМКОНИЯТҲОИ САЙЁҲИИ ТОҶИКИСТОН МУАРРИФӢ ГАРДИД

ПОЙТАХТ. ТАНТАНАИ ФЕСТИВАЛИ ДЎСТӢ

СИЁСАТИ ГЕНДЕРӢ. ТОҶИКИСТОН ВА НАҚШИ ЗАНОН ДАР ИДОРАИ УМУРИ ДАВЛАТДОРӢ

03.11.2022


Лоиҳаи Буҷети давлатӣ барои соли 2023 ба Маҷлиси намояндагон пешниҳод шуд

ТОҶИКИСТОНУ ЭРОН. ТАНТАНАИ ДӮСТӢ ДАР НАМОИШИ ҲУНАРҲОИ МАРДУМӢ ВА МАҲФИЛИ ШОИРОН


Дар сомонаҳои дигари Тоҷикистон хонед